ФК Слуцк

беларускі футбольны клуб

«Слуцк»беларускі футбольны клуб з горада Слуцк, заснаваны ў 1998 годзе. У цяперашні час выступае ў Вышэйшай лізе чэмпіянату Беларусі.

Слуцк
Лагатып
Поўная назва ГА «Спартыўны футбольны клуб „Слуцк“»
Заснаваны 1998
Горад Слуцк, Беларусь
Стадыён Гарадскі
Умяшчальнасць: 1896
Старшыня Віталь Бунас
Галоўны трэнер Віталь Паўлаў
Чэмпіянат Вышэйшая ліга
2019 11 месца
Сайт Афіцыйны сайт
Форма
Асноўная
форма
Форма
Гасцявая
форма

ГісторыяПравіць

Клуб быў заснаваны ў 1998 годзе пад назвай «Слуцк», пазней стаў называцца «Слуцкцукар». Да 2007 гуляў у чэмпіянаце Мінскай вобласці, стаў чэмпіёнам вобласці ў 2002 і 2007.

У 2008 «Слуцкцукар» заявіўся ў Другую лігу, а па выніках сезона 2010 атрымаў месца ў Першай лізе. Тады ж клуб вярнуў назву «Слуцк».

У Першай лізе на працягу двух сезонаў клуб займаў пятае месца.

2013Правіць

У сезоне 2013 каманда разглядалася як адзін з фаварытаў турніру, але не лічылася галоўным прэтэндэнтам на павышэнне. Пачатак турніру атрымаўся не вельмі добры: каманда пацярпела паражэнні ў трэцім і чацвёртым турах. У выніку доўгі час прыйшлося даганяць галоўных канкурэнтаў: «Гарадзею» і «Віцебск». Пасля перамогі ў 14-м туры над «Віцебскам» (4:1) «Слуцк» выйшаў на другі радок, а пасля 21-га тура перагнаў «Гарадзею» і ўзначаліў турнірную табліцу. Пасля перамогі ў перадапошнім туры над «Віцебскам» (1:0) «Слуцк» стаў недасягальны для супернікаў і гарантаваў сабе выхад у Вышэйшую лігу.

2014Правіць

У сезоне 2014 каманда захавала асноўных ігракоў, узмацніўшыся пры гэтым шэрагам легіянераў. У выніку, каманда апынулася ў ніжняй частцы табліцы. Пазней, трохі паправіўшы сваё становішча, «Слуцк» узняўся на дзявяты радок, з якога пасля падзелу Вышэйшай лігі на шасцёркі трапіў у другую шасцёрку. У ніжняй палове табліцы справы ў «Слуцка» пайшлі лепш, ён узняўся на восьмае месца, але няўдалы фініш дазволіў гродзенскаму «Нёману» перагнаць случан, пакінуўшы тых дзявятымі.

2015Правіць

Сезон 2015 каманда пачала няўдала, неўзабаве апынуўшыся на апошнім радку табліцы. У жніўні 2015 года быў адпраўлены ў адстаўку шматгадовы галоўны тренер каманды Юрый Крот. Выконваць абавязкі галоўнага трэнера стаў ігрок каманды Вячаслаў Грыгараў. Пад яго кіраўніцтвам «Слуцк» здолеў паправіць сваё становішча, і сезон каманда скончыла на 11-м месцы з 14.

2016Правіць

У студзені 2016 года Грыгараў быў зацверджаны ў якасці галоўнага трэнера каманды. Пачатак сезона атрымаўся няўдалым, каманда апынулася ў зоне вылету. У чэрвені клуб развітаўся з вопытнымі ігракамі і лідарамі каманды — Ігарам Варанковым, Яўгенам Лашанковым і Сяргеем Цвяцінскім. У ліпені замест іх прыйшлі новыя ігракі, аднак каманда працягвала знаходзіцца ўнізе табліцы. Пасля паражэння ў верасні ад аўтсайдэра, мікашэвіцкага «Граніта», Грыгараў быў адпраўлены ў адстаўку, але неўзабаве кіраўніцтва клуба вырашыла пакінуць трэнера на пасадзе, а звольніць яго памочніка Андрэя Баса. Фініш каманда здолела правясці паспяхова, заняўшы выніковае 12-е месца з 16.

2017Правіць

У студзені 2017 года новым галоўным трэнерам замест Грыгарава быў прызначаны Віталь Паўлаў. Слуцкі клуб паспяхова пачаў сезон, выйшаўшы ў паўфінал Кубка Беларусі, а ў чэмпіянаце ішоў сярод лідараў, скончыўшы першую палову чэмпіянату на чацвёртым месцы. Другая палова сезона атрымалася для «Слуцка» менш удалай, і каманда заняла выніковы сёмы радок.

2018Правіць

Сезон 2018 каманда зноў пачала ўпэўнена і хутка апынулася сярод лідараў. Першую палову сезона «Слуцк» скончыў на пятым месцы. Аднак, другая палова сезона атрымалася значна горшай. Слуцкая каманда саступіла ў апошніх дзевяці матчах, але папярэдніх поспехаў хапіла, каб атрымаць выніковы восьмы радок.

2019Правіць

Сезон 2019 «Слуцк» пачаў няўдала і апынуўся недалёка ад зоны вылету, аднак добрая гульня ў сярэдзіне сезона дазволіла падняцца ў сярэдзіну табліцы. Пазней шэраг няўдач зноў апусціў каманду, аднак перамога ў апошнім туры дазволіла заняць выніковае 11-е месца.

Папярэднія назвыПравіць

  • 1998—2003: «Слуцк»
  • 2004—2010: «Слуцкцукар»
  • з 2011: «Слуцк»

ДасягненніПравіць

Цяперашні складПравіць

Станам на люты 2020 года, згодна з афіцыйным сайтам клуба[1].

Пазіцыя Імя Год нараджэння
30   Бр Ілья Бранавец 1990
34   Бр Барыс Панкратаў 1982
2   Аб Раман Крывулькін 1996
4   Аб Віталь Трубіла 1985
20   Аб Дзяніс Образаў 1988
33   Аб Саслан Такулаў 1995
44   Аб Сулейман Каанда 1992
55   Аб Аляксандр Анюкевіч 1992
  Аб Сяргей Чабатаеў 1988
10   ПА Уладзіслаў Сычоў 2002
11   ПА Умар Махамед 1998
Пазіцыя Імя Год нараджэння
16   ПА Юрый Цецярэнка 1997
23   ПА Ігар Бабко     1985
71   ПА Марат Бураеў 1995
88   ПА Ягор Сямёнаў 1988
  ПА Яўген Вялько 1997
  ПА Юрый Казлоў 1991
  ПА Драман Салу 1998
9   Нап Арцём Сярдзюк 1990
89   Нап Павел Зуевіч 1997
  Нап Абдул Гафар 1998

Рэзервовы складПравіць

Пазіцыя Імя Год нараджэння
  Бр Ілья Веліч 2002
  Бр Алег Мамедаў 2001
  Аб Сяргей Волкаў 2001
  Аб Мікіта Гапоненка 2001
  Аб Уладзіслаў Карпеня 2001
  Аб Мікіта Кухцік 2001
  Аб Ігар Міхнавец 1998
  Аб Уладзіслаў Невяроўскі 1998
  Аб Андрэй Рум 2002
  ПА Уладзіслаў Грамада 2002
  ПА Раман Гужаў 2002
  ПА Кірыл Кладзько 2001
Пазіцыя Імя Год нараджэння
  ПА Уладзіслаў Кульчыцкі 2002
  ПА Мікіта Лазюк 2000
  ПА Яўген Мятко 2001
  ПА Міхаіл Сачкоўскі 2002
  ПА Ілья Хацько 1999
  ПА Уладзіслаў Чабатар 2001
  Нап Яўген Апанасовіч 2002
  Нап Уладзіслаў Арцем’еў 2000
  Нап Яўген Барысевіч 1987
  Нап Павел Палоска 1999
  Нап Станіслаў Прахарэнка 2002
  Нап Мікіта Прылішч 2001

ТрансферыПравіць

Зіма 2019—2020Правіць

Прыйшлі ў клубПравіць

Дата Пазіцыя Ігрок Папярэдні клуб
09.11.2019[2] ПА   Умар Махамед   Дэльта Форс
11.12.2019[3] Аб   Сулейман Каанда   Кабілія
22.01.2020[4] ПА   Юрый Казлоў   Дняпро
23.01.2020[5] ПА   Яўген Вялько   Дняпро
19.02.2020[6] Аб   Сяргей Чабатаеў   Верас
20.02.2020[7] Нап   Абдул Гафар   Армавір
21.02.2020[8] ПА   Драман Салу   Алімпік

Пакінулі клубПравіць

Дата Пазіцыя Ігрок Новы клуб
05.11.2019[9] Нап   Адэкунле Аедэле
06.12.2019[10] ПА   Джозеф Адах   Пюнік
06.12.2019[10] Нап   Седрык Куаджа   Шахцёр
08.12.2019[11] Аб   Ігар Губанаў   Кызыл-Жар
08.12.2019[11] ПА   Аляксей Пустазёраў
12.12.2019[12] Аб   Аляксей Цімашэнка   Спадарожнік
12.12.2019[12] ПА   Мурат Хотаў   Гомель
24.12.2019[13] Аб   Павел Назаранка   Віцебск
28.12.2019[14] ПА   Віталь Кібук
02.01.2020[15] ПА   Арцём Дудзік1   Шахцёр
08.01.2020[16] Бр   Яўген Кандраценка

1 З арэнды

Статыстыка выступленняўПравіць

Чэмпіянат і Кубак БеларусіПравіць

Сезон Ліга М Г В Н П Галы Ачкі Кубак Заўвагі
2008 Другая (Д3) 5 30 15 6 9 53–37 51 1/32 фіналу
2009 Другая (Д3) 4 26 14 3 9 49–37 45 1/16 фіналу
2010 Другая (Д3) 2 34 25 6 3 79–30 81 1/16 фіналу   Выхад у Першую лігу
2011 Першая (Д2) 5 30 13 10 7 44–33 49 1/16 фіналу
2012 Першая (Д2) 5 28 15 7 6 59–27 52 1/16 фіналу
2013 Першая (Д2) 1 30 19 9 2 54–19 66 1/8 фіналу   Выхад у Вышэйшую лігу
2014 Вышэйшая (Д1) 9 32 11 7 14 26–34 40 1/8 фіналу
2015 Вышэйшая (Д1) 11 26 6 7 13 26–30 25 Чвэрцьфінал
2016 Вышэйшая (Д1) 12 30 6 12 12 22–34 30 Паўфінал
2017 Вышэйшая (Д1) 7 30 12 8 10 30–34 44 Чвэрцьфінал
2018 Вышэйшая (Д1) 8 30 11 3 16 26–36 36 Чвэрцьфінал
2019 Вышэйшая (Д1) 11 30 9 7 14 29–46 34 1/8 фіналу

Галоўныя трэнерыПравіць

Зноскі

СпасылкіПравіць