Аркадзь Сільвестравіч Хмялеўскі

Аркадзь Сільвестравіч Хмяле́ўскі (3 лютага 1921, вёска Асееўка, Мінскі раён — 17 лютага 1987) — маёр Савецкай Арміі, удзельнік Вялікай Айчыннай вайны, Герой Савецкага Саюза (1945).

Аркадзь Сільвестравіч Хмялеўскі
Дата нараджэння 3 лютага 1921(1921-02-03)
Месца нараджэння вёска Асееўка, Мінскі раён, Мінская вобласць
Дата смерці 15 студзеня 1987(1987-01-15) (65 гадоў) ці 17 лютага 1987(1987-02-17) (66 гадоў)
Месца смерці
Месца пахавання
Прыналежнасць Flag of the Soviet Union.svg СССР
Род войскаў пяхота
Гады службы 19411947
Званне
Маёр
Бітвы/войны Вялікая Айчынная вайна
Узнагароды і прэміі
Медаль «Залатая Зорка»
Ордэн Леніна Ордэн Айчыннай вайны I ступені Ордэн Айчыннай вайны 2 ступені Ордэн Чырвонай Зоркі

БіяграфіяПравіць

Аркадзь Хмялеўскі нарадзіўся 3 лютага 1921 года ў вёсцы Асееўка, цяпер — Мінскі раён Мінскай вобласці. Пасля заканчэння Мінскага юрыдычнага тэхнікума працаваў у органах НКУС СССР. У ліпені 1941 года Хмялеўскі быў прызваны на службу ў Рабоча-сялянскую Чырвоную Армію. З 1942 года — на франтах Вялікай Айчыннай вайны. У тым жа годзе Хмялеўскі скончыў Тамбоўскае пяхотнае вучылішча[1].

З 1942 года на Заходнім, Бранскім, Цэнтральным, 1-м Украінскім франтах. Да студзеня 1945 года гвардыі капітан Аркадзь Хмялеўскі камандаваў батальёнам 4-га гвардзейскага стралковага палка 6-й гвардзейскай стралковай дывізіі 13-й арміі 1-га Украінскага фронту. Удзельнік Курскай бітвы, вызвалення Украіны, Польшчы, Чэхаславакіі. Вызначыўся ў час вызвалення Польшчы. 12 студзеня 1945 года батальён Хмялеўскага прарваў нямецкую абарону на ўсход ад горада Кельцы. У ноч з 26 на 27 студзеня ён паспяхова пераправіўся цераз Одэр у раёне горада Штэйнау (цяпер — Сцінава) і захапіў плацдарм на яго заходнім беразе[1].

Указам Прэзідыума Вярхоўнага Савета СССР ад 10 красавіка 1945 года гвардыі капітан Аркадзь Хмялеўскі быў ганараваны высокага звання Героя Савецкага Саюза з уручэннем ордэна Леніна і медалі «Залатая Зорка»[1].

 
Магіла Хмялеўскага на Паўночных могілках Мінска.

У 1946 годзе Хмялеўскі скончыў Ленінградскую вышэйшую бранятанкавую школу(руск.) бел.. У 1947 годзе ў званні маёра ён быў звольнены ў запас. Пасля вайны ў народнай гаспадарцы, пражываў і працаваў у Мінску. Сканаў 15 студзеня 1987 года, пахаваны на Паўночных могілках Мінска[1].

Быў таксама ўзнагароджаны ордэнамі Айчыннай вайны 1-й і 2-й ступеняў, ордэнам Чырвонай Зоркі і побач медалёў[1].

Зноскі

  1. 1,0 1,1 1,2 1,3 1,4 Хмялеўскі Аркадзь Сільвестравіч (руск.) . AZ Library. Праверана 21 чэрвеня 2014.

ЛітаратураПравіць

СпасылкіПравіць

Аркадзь Сільвестравіч Хмялеўскі на сайце «Героі краіны»