Вера Рыгораўна Тарасік

Вера Рыгораўна Тара́сік (па мужу Рынковіч; 30 верасня 1899 — 22 красавіка 1986) — беларуская актрыса, настаўніца.

Вера Рыгораўна Тарасік
Вера Тарасік, 1918 г.
Дата нараджэння	30 верасня 1899(1899-09-30)
Месца нараджэння	Мінск, Мінскі павет, Мінская губерня, Расійская імперыя
Дата смерці	22 красавіка 1986(1986-04-22) (86 гадоў)
Грамадзянства	Расійская імперыя  БНР  СССР
Адукацыя	Мінскае гарадское чатырохкласнае вучылішча[d] (1916)
Прафесія	актрыса, настаўніца
Член у	Першае беларускае таварыства драмы і камедыі
Медыяфайлы на Вікісховішчы

Біяграфія

Нарадзілася ў Мінску. Скончыла Мінскае гарадское вучылішча (1916). Удзельніца Першага беларускага таварыства драмы і камедыі (1917—1920), Беларускага савецкага тэатра. У 1920—1956 гадах В. Тарасік працавала настаўніцай.

Сябры былога Першага таварыства беларускай драмы і камедыі, ператворанага ў Дзяржаўны тэатр Беларускай Народнай Рэспублікі. Унізе ў цэнтры сядзяць маладыя артысты трупы: Мікола Міцкевіч, Вера Тарасік. У 2-м радзе ў цэнтры сядзяць (злева направа): Усевалад Фальскі, Язэп Варонка (старшыня Народнага акратарыята Беларусі), Фларыян Ждановіч. У 3-м радзе: Міхась Гурскі, Уладзіслаў Галубок. Менск, красавік 1918 года

Творчасць

Як актрыса, В. Р. Тарасік сфарміравалася па уплывам Ф. Ждановіча. Вызначылася пераважна ў беларускім нацыянальным рэпертуары. Стварыла на сцэне каларытныя народныя характары: Агата і Марыля («Паўлінка» і «Раскіданае гняздо», Я. Купала), Ганна («Модны шляхцюк», К. Каганец), Ульяна («Хам», Э. Ажэшка), Дарота і Мар’я («Бязвінная кроў» і «Пісаравы імяніны», У. Галубок) і іншыя.

Пра самабытны талент Веры Тарасік пісаў Змітрок Бядуля.

Літаратура

• Сяўковіч Г. І. Тара́сік (па мужу Рынковіч) Вера Рыгораўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 438. — 10 000 экз. — ISBN 985-11-0035-8. — ISBN 985-11-0251-2 (т. 15).
• Вера Рыгораўна Тарасік // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — С. 406. — 571 с. — 4 000 экз. — ISBN 985-11-0259-8.
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 245. — 703 с. — 10 000 экз.