Вінчэнца Мантэла
Вінчэ́нца Мантэ́ла (італ.: Vincenzo Montella; нар. 18 чэрвеня 1974, Памільяна-д’Арка, Кампанія) — італьянскі прафесійны футбаліст, нападнік. Выступаў за «Рому» да 2009 года. З 1999 па 2005 год правёў 20 матчаў за зборную Італіі, забіў у іх 3 галы. Удзельнік чэмпіянату Еўропы 2000 года (2-е месца) і чэмпіянату свету 2002 года. Пасля завяршэння гульнявой кар’еры стаў трэнерам, у цяперашні час працуе галоўным трэнерам нацыянальнай зборнай Турцыі.
 Вінчэнца Мантэла | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.JPG) | |||||||||||||||||||||||||||||||
| Агульная інфармацыя | |||||||||||||||||||||||||||||||
| Нарадзіўся |
18 чэрвеня 1974[1][2] (50 гадоў) |
||||||||||||||||||||||||||||||
| Грамадзянства |
 Італія |
||||||||||||||||||||||||||||||
| Рост | 172 см | ||||||||||||||||||||||||||||||
| Вага | 70 кг | ||||||||||||||||||||||||||||||
| Пазіцыя | нападнік | ||||||||||||||||||||||||||||||
| Інфармацыя пра каманду | |||||||||||||||||||||||||||||||
| Каманда |
 Турцыя |
||||||||||||||||||||||||||||||
| Пасада | галоўны трэнер | ||||||||||||||||||||||||||||||
| Маладзёжныя клубы | |||||||||||||||||||||||||||||||
|
|||||||||||||||||||||||||||||||
| Клубная кар’ера[* 1] | |||||||||||||||||||||||||||||||
|
|||||||||||||||||||||||||||||||
| Нацыянальная зборная[* 2] | |||||||||||||||||||||||||||||||
|
|||||||||||||||||||||||||||||||
| Трэнерская кар’ера | |||||||||||||||||||||||||||||||
|
|||||||||||||||||||||||||||||||
| Узнагароды і медалі | |||||||||||||||||||||||||||||||
|
|||||||||||||||||||||||||||||||
 Медыяфайлы на Вікісховішчы | |||||||||||||||||||||||||||||||
Клубная кар’ера
правіцьМантэла пачынаў сваю кар’еру ў клубе Серыі C «Эмпалі» ў 1990 годзе, а ў 1995 годзе перайшоў у клуб Серыі B «Джэноа», за які ўжо ў першым (і адзіным) сезоне забіў 21 гол. Пасля гэтага Мантэллу набыла «Сампдорыя», якая выступала ў Серыі A. У гэтай камандзе Вінчэнца шмат забіваў і два гады запар (1997 і 1998) быў адным з лепшых бамбардзіраў чэмпіянату. Яго добрая гульня прывяла да запрашэння ў «Рому», пасля вылету «Сампдорыі» з Серыі A. За яго былі заплочаныя вялікія грошы (25 млн еўра), але ў першым жа сезоне Вінчэнца стаў іх апраўдваць, забіўшы 18 галоў і зрабіўшы дубль у вароты «Лацыа», галоўнага саперніка «Ромы» ў чэмпіянатах Італіі. Разам з Франчэска Тоці і Марка Дэльвекіа Мантэла склаў атакавалае трыё рымскага клубу, якое ўяўляла сабой адну з найлепшых атак у Серыі A. У сезоне 2000/01 Мантэла 13 галамі дапамог камандзе выйграць чэмпіянат, а ў сакавіку 2002 года ён прывёў у захапленне заўзятараў клуба, забіўшы чатыры мячы ў вароты «Лацыа», у выніку чаго «Рома» перамагла 5:1.
У сезоне 2003/04 Мантэла гуляў вельмі мала з-за траўмаў. Але ў наступным сезоне ён прадэманстраваў выдатную форму і забіў за «Рому» у чэмпіянаце 21 гол. Сезон 2005/06 ізноў не атрымаўся з-за траўмаў, Вінчэнца перанёс дзве аперацыі на спіне і плячы, згуляўшы ўсяго 13 матчаў у чэмпіянаце.
4 студзеня 2007 года Мантэла адправіўся ў арэнду ў лонданскі «Фулхэм», дзе стаў асноўным нападнікам. У дэбютным хатнім матчы Кубка Англіі супраць «Лестэр Сіці» ён забіў два галы, а неўзабаве забіў і «Сток Сіці» ў наступным раўндзе гэтага турніру. 13 студзеня Мантэла згуляў свой першы матч у чэмпіянаце Англіі супраць «Вест Хэма», а 20 студзеня забіў свой першы гол у англійскім чэмпіянаце, рэалізаваўшы пенальці ў матчы з «Тотэнхэмам». Італьянец стаў вельмі папулярны сярод заўзятараў «Фулхэма» пасля чатырох галоў у трох матчах запар. 8 мая, за тыдзень да канца тэрміна арэнды, Мантэла вярнуўся ў «Рому».
На сезон 2007/08 Мантэла адправіўся ў свой першы клуб «Сампдорыю» ізноў на правах арэнды. У сезоне 2008/09 ізноў вярнуўся ў склад «Ромы», але цягам на поле амаль не выходзіў.
2 ліпеня 2009 года Мантэла аб’явіў пра завяршэнне сваёй кар’еры прафесійнага гульца[3].
Міжнародная кар’ера
правіцьМантэла згуляў свой першы матч за зборную Італіі 5 чэрвеня 1999 года супраць Уэльса. Таксама ён прымаў удзел у чэмпіянаце Еўропы 2000 года (у фінале выйшаў на замену) і чэмпіянаце свету 2002 года. З 2005 года Мантэла не атрымліваў запрашэнняў у нацыянальную каманду і, такім чынам, прапусціў чэмпіянат свету ў Германіі і чэмпіянат Еўропы ў Аўстрыі і Швейцарыі.
Трэнерская кар’ера
правіцьУ 2009 годзе пачаў працаваць трэнерам у «Роме». У 2011 годзе быў часовым галоўным трэнерам рымскага клуба. Пазней узначальваў шэраг італьянскіх клубаў — «Катанію», «Фіярэнціну», «Сампдорыю», з 2016 года быў галоўным трэнерам «Мілана», адкуль быў звольнены ў лістападзе 2017 года.
У снежні 2017 года быў прызначаны галоўным трэнерам «Севільі»[4]. Разам з андалузскім клубам выйшаў у чвэрцьфінал Лігі чэмпіёнаў і фінал Кубка Іспаніі, аднак у Ла Лізе справы каманды ішлі не лепшым чынам. У красавіку 2018 года, калі серыя клуба без перамог дасягнула 9 матчаў, Мантэла быў звольнены[5].
У красавіку 2019 года другі раз узначаліў «Фіярэнціну»[6]. У снежні таго ж года, пасля паражэння ад «Ромы» (1:4) быў звольнены з пасады галоўнага трэнера[7].
У верасні 2021 года стаў галоўным трэнерам турэцкага клуба «Адана Дэмірспор»[8], пакінуў пасаду ў чэрвені 2023 года. У верасні 2023 года быў прызначаны галоўным трэнерам нацыянальнай зборнай Турцыі[9].
Крыніцы
правіць- ↑ Vincenzo Montella // Transfermarkt — 2000. Праверана 9 кастрычніка 2017.
- ↑ VINCENZO MONTELLA // Argentine Soccer Database
- ↑ Grazie Vincenzo Архівавана 5 ліпеня 2009. (італ.)
- ↑ Монтелла назначен главным тренером «Севильи» (руск.)
- ↑ «Севилья» уволила Монтеллу с поста главного тренера (руск.)
- ↑ Монтелла возглавил «Фиорентину» (руск.)
- ↑ Монтелла уволен из «Фиорентины». Команда на 14-м месте (руск.)
- ↑ Винченцо Монтелла возглавил клуб, в котором выступает Марио Балотелли (руск.)
- ↑ Винченцо Монтелла возглавил сборную Турции (руск.). football.by (22 верасня 2023). Праверана 22 верасня 2023.
Спасылкі
правіць- Афіцыйны сайт (італ.)