Генадзь Тумаш

Генадзь Тумаш, Генадзь Тумас (сапраўднае імя: Яўген Змітравіч Тумас; нар. 28 ліпеня 1940, Кукшавічы, Дзяржынскі раён, Мінская вобласць, БССР) — беларускі паэт, празаік, перакладчык.

Генадзь Тумаш
Асабістыя звесткі
Дата нараджэння	28 ліпеня 1940(1940-07-28) (84 гады)
Месца нараджэння	Кукшавічы, Дзяржынскі сельсавет, Дзяржынскі раён, Мінская вобласць, БССР, СССР
Грамадзянства	СССР  Беларусь
Жонка	Нацыянальная дзяржаўная тэлерадыёкампанія Рэспублікі Беларусь
Альма-матар	філалагічны факультэт БДУ (1964)
Месца працы	Інстытут мовазнаўства НАНБ Дзяржаўны літаратурна-мемарыяльны музей Якуба Коласа Бюро прапаганды мастацкай літаратуры Саюза пісьменнікаў БССР[d] Беларускі дзяржаўны ўніверсітэт культуры і мастацтваў
Прафесійная дзейнасць
Род дзейнасці	перакладчык, пісьменнік, паэт
Грамадская дзейнасць
Член у	Таварыства беларускай мовы імя Францішка Скарыны Беларускі народны фронт «Адраджэнне» Саюз беларускіх пісьменнікаў

Біяграфія

Нарадзіўся ў сялянскай сям’і. Пасля заканчэння Станькаўскай сярэдняй школы працаваў у 1957—1959 гадах у калгасе. У 1959—1964 гадах вучыўся на аддзяленні беларускай мовы і літаратуры філалагічнага факультэта БДУ. У 1964—1966 гадах працаваў у Татаршчынскай сярэдняй школе Дзяржынскага раёна, у 1974—1976 гадах малодшым навуковым супрацоўнікам у Інстытуце мовазнаўства імя Я. Коласа АН БССР, у 1970—1973 гадах рэдактарам на Беларускім тэлебачанні, у 1974—1976 гадах малодшым навуковым супрацоўнікам, у 1976—1987 гадах загадчыкам сектара Літаратурнага музея Якуба Коласа, з 1987 года — намеснік дырэктара Бюро прапаганды мастацкай літаратуры Саюза пісьменнікаў Беларусі.

Член Рэспубліканскай Рады Таварыства беларускай мовы імя Францішка Скарыны. Уваходзіў у Аргкамітэт Беларускага народнага фронта. Член Саюза беларускіх пісьменнікаў з 1991 года.

У 1994—2002 гадах — у Беларускім універсітэце культуры.

Творчасць

Друкуецца з 1957 года. На беларускую мову пераклаў творы Вінцэся Каратынскага, Янкі Лучыны («Паляўнічыя акварэлькі з Палесся»), У. Мея.

Творы

• Лінкос. (Першая кніга паэта). Мінск. 1970.
• Родны бераг песняра. Да 100-годдзя з дня нараджэння народнага паэта Беларусі Якуба Коласа. Мінск. 1982.
• Лісіца з Расохі : вершаваная казка / Г. Тумаш; маст. Р. М. Цімохава. — Мінск : Юнацтва, 2001. — 47 с.

Літаратура

• Генадзь Тумаш // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.