Годныя песні

«Го́дныя пе́сні» — беларускі музычны альбом, выдадзены ў 2020 годзе «Вольным хорам», які з’явіўся ў жніўні таго ж года, як рэакцыя на палітычныя падзеі ў краіне. Усе творы ў альбоме гучаць змешаным хорам a cappella. Калектыў прысвяціў свой альбом забітаму ў час пратэстаў Раману Бандарэнку і ўсім беларусам, якія змагаюцца за сваю свабоду.

Годныя песні
музычны альбом Вольны хор
Дата выпуску	2020
Запісаны	2020
Жанр	а капэла
Працягласць	38 хв.
Мова песень	беларуская

Музыкі, якія не могуць маўчаць, выкарыстоўваюць спевы і песні як сродак выказвання сваёй пазіцыі. У альбом «Годныя песні» былі адмыслова адабраны творы, якія абуджаюць патрыятычныя пачуцці, нагадваюць беларусам хто яны і адкуль. Некаторыя тэксты з песень альбома былі забаронены ў розныя часы, а аўтары растраляны. У альбоме гучаць творы кампазітараў, як мінулага стагоддзя (Мікола Равенскі, Уладзімір Тэраўскі), так і сучасных (Зміцер Вайцюшкевіч, Вольга Падгайская, Андрэй Мельнікаў).

Спіс кампазіцый

№	Назва	Словы	Музыка	Працягласць
1.	«Пагоня»	Максім Багдановіч	Мікалай Шчаглоў-Куліковіч	4:20
2.	«Ваяцкі марш (Мы выйдзем шчыльнымі радамі)»	Краўцоў Макар	Уладзімір Тэраўскі	1:53
3.	«Муры»	Яцак Качмарскі, пераклад Андрэя Хадановіча	Луіс Льяк	3:36
4.	«Сцяг»	Сяргей Панізнік		1:55
5.	«Красуня-вясна»	Уладзімір Някляеў	Зміцер Вайцюшкевіч	3:37
6.	«Не загаснуць зоркі ў небе»	Янка Купала	Мікола Равенскі	2:19
7.	«Дзе мой край»	Уладзімір Караткевіч	Зміцер Вайцюшкевіч	4:45
8.	«Нёман»	Анатоль Астрэйка	Несцер Сакалоўскі	2:50
9.	«На беразе Волі»	Андрэй Хадановіч	Вольга Падгайская	2:55
10.	«Разьвітаньне з радзімай»	Сяржук Сокалаў-Воюш	Міхал Клеафас Агінскі	4:17
11.	«Магутны Божа»	Наталля Арсеньева	Мікола Равенскі	2:40
12.	«Гэта мы»	Андрэй Мельнікаў	Андрэй Мельнікаў	3:33