Дыянісіяс Лаўрангас

Дыянісіяс Лаўра́нгас (грэч. Διονύσιος Λαυράγκας; 17 кастрычніка 1860 або 1864, г. Аргастоліян, Грэцыя — 18 ліпеня 1941) — грэчаскі кампазітар, дырыжор, педагог.

Дыянісіяс Лаўрангас
грэч. Διονύσιος Λαυράγκας
Асноўная інфармацыя
Дата нараджэння	17 кастрычніка 1860(1860-10-17)
Месца нараджэння	Аргастоліян[d], Argostoli Municipality[d], Kefalonia Regional Unit[d], Перыферыя Іанічныя астравы, Грэцыя
Дата смерці	18 ліпеня 1941(1941-07-18) (80 гадоў)
Месца смерці	Аргастоліян[d], Argostoli Municipality[d], Kefalonia Regional Unit[d], Перыферыя Іанічныя астравы, Грэцыя
Краіна	Грэцыя
Альма-матар	Парыжская Вышэйшая нацыянальная кансерваторыя музыкі і танца[d]
Месца працы	Афінская кансерваторыя[d]
Музычная дзейнасць
Прафесіі	кампазітар, дырыжор
Грамадская дзейнасць
Член у	Усягрэчаскі саюз музыкантаў[d]

Біяграфія

Вучыўся ў 1882—1885 гадах у кансерваторыі Неапаля, з 1885 і ў Парыжскай кансерваторыі ў Л. Дэліба, Ж. Маснэ і інш. Працаваў у вандроўных французскіх оперных трупах, оперны дырыжор у Турыне і Венецыі. У 1894—1896 кіраўнік Філарманічнага таварыства ў Афінах. Адзін з арганізатараў Нацыянальнага опернага тэатра («Лірыкі скіні», 1939). У 1901—1905 гадах прафесар Афінскай кансерваторыі.

Творчасць

У ліку першых грэчаскіх кампазітараў звярнуўся да інструментальнай музыкі, у творчасці выкарыстоўваў народныя тэмы. Сярод твораў: 9 опер, у тл. «Два браты» (паст. 1900), «Чарадзейка» (паст. 1901), «Дыдона» (паст. 1909), «Факанапас» (паст. 1950); балет «Персефона» (паст. 1936); 5 аперэт, у т.л. «Белы волас» (паст. 1917); сімфанічная паэма для аркестра «Пяцібор'е» (1896, для першых міжнародных Алімпійскіх гульняў у Афінах); хары, песні; музыка да драматычных спектакляў.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх