Кальвінскі збор (Кедайней)
Кальвінскі збор — пратэстанцкі храм у горадзе Кедайней (Кейданы) Кедайнейскага раёна Літвы. Помнік уяўляе сабой сінтэз рэнесансавай і барочнай архітэктуры.
| Славутасць | |
| Кальвінскі збор | |
|---|---|
 | |
| 55°17′08″ пн. ш. 23°58′50″ у. д.HGЯO | |
| Краіна |
 Літва |
| Месцазнаходжанне | |
| Канфесія | Lithuanian Evangelical Reformed Church[d] |
| Архітэктурны стыль | рэнесансная архітэктура і архітэктура барока[d] |
| Заснавальнік | Крыштаф Радзівіл |
| Дата заснавання | 1631 |
| Будаўніцтва | 1629—1652 гады |
| Матэрыял | цэгла |
 |
|
 Медыяфайлы на Вікісховішчы | |
ГісторыяПравіць
Заснаваны ў 1629 годзе Крыштафам Радзівілам, будаўніцтва завяршыў у 1652 годзе яго сын Януш Радзівіл.
АрхітэктураПравіць
Збор мае прамавугольны ў плане аб’ем без алтарных апсід, накрыты двухсхільным дахам. Усходні фасад фланкіраваны вежамі цыліндрычнай формы аднолькавага сячэння і вышыні, яшчэ 2 вежы ўкампанаваны ў вуглавыя часткі заходняй палавіны храма. Фасады расчлянёны пілястрамі, а ўсходні падзелены контрфорсамі на асобныя праслы, якія злучаны лучковымі перамычкамі і ўтвараюць на фасадах рытмічную рэнесансавую аркаду. У прасценках паміж пілястрамі на бакавых фасадах былі вокны. На тарцовых фасадах акрамя вокнаў маюцца нішы паўцыркульнай формы. Пластычнае вырашэнне фасадаў узбагачаюць сандрыкі, зробленыя над вокнамі і нішамі. Галоўны і ўсходні фасады завершаны трохвугольнымі франтонамі, у цэнтры іх для асвятлення паддашка зроблена акно круглай формы. У храм вядуць 3 дзвярныя праёмы на галодным фасадзе, яшчэ адзін уваход быў на ўсходнім фасадзе (цяпер замураваны).
Інтэр’ерПравіць
У зборы над уваходам зроблены хоры, якія абапіраюцца на 2 слупы крыжападобнай у плане формы. Неф перакрыты цыліндрычным скляпеннем з распалубкамі. У нартэксе ўжыты крыжовыя скляпенні. Апорныя слупы прыстаўлены да бакавых сцен і злучаны ў завяршэнні аркамі паўцыркульнай формы, аздоблены капітэлямі, упрыгожанымі раслінным арнаментам. Злева ва ўсходняй частцы знаходзіцца амвон рэнесансавай формы, упрыгожаны раслінным арнаментам. Насупраць галоўнага ўвахода каля тарцовай сцяны размешчаны невялікі алтар. Помнік уяўляе сабой сінтэз рэнесансавай і барочнай архітэктуры.
КрыптаПравіць
У крыпце храма пахаваныя ваявода віленскі і вялікі гетман літоўскі Крыштаф Радзівіл (1585—1640) і ягоныя дзяці: ваявода віленскі і вялікі гетман літоўскі Януш (1612—1655), Лізавета (1622—1626), Юрый (1616—1617), Мікалай (1610—1611), Стэфан (1624—1624).
Разьбяны амвон
Фрагмент амвона
Разьбяныя дубовыя панэлі
Саркафаг Крыштафа Радзівіла
Саркафаг Януша Радзівіла
Алавяныя саркафагі малалетніх дзяцей Крыштафа Радзівіла
.JPG)
Зноскі
ЛітаратураПравіць
- Кушнярэвіч А. Кейданскі кальвінскі збор // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.
СпасылкіПравіць
На Вікісховішчы ёсць медыяфайлы па тэме Кальвінскі збор (Кедайней)
