Крывяліцк
Крывяліцк (трансліт.: Крывяліцк, руск.: Кривелицк) — былая вёска ў Краснапольскім раёне Магілёўскай вобласці. Уваходзіла ў склад Сідараўскага сельсавета. Размешчана за 23 км на паўднёвы захад ад Краснаполля, 132 км ад Магілёва, 74 км ад чыгуначнай станцыі Камунары на лініі Крычаў—Сураж (Расія). Транспартныя сувязі па мясцовай дарозе і далей па шашы на Краснаполле.
Вёска
Крывяліцк
|
Геаграфія правіць
Рэльеф раўнінны. На паўднёвым захадзе і поўначы межавала з лесам. У цэнтры і на ўсход — 2 сажалкі.
Гісторыя правіць
Пад уладай Расійскай імперыі правіць
У 1858 годзе вёска Крывяніцк, уласнасць памешчыка.
У 1880 годзе частка вяскоўцаў займалася сталярным і кравецкім промысламі. Мелася школа граматы. У 1897 годзе вёска Крывялецк (яна ж Гарцуеўка) у Наваельненскай воласці Чэрыкаўскага павета Магілёўскай губерні. У 1903 годзе адкрыта школа, у якой у 1905 годзе навучалася 48 хлопчыкаў і 12 дзяўчынак.
Найноўшы час правіць
У 1909 годзе працавалі 2 ветракі. У 1925 годзе дзейнічала працоўная школа 1-й ступені, у якой было 59 вучняў, бібліятэка, хата-чытальня. У 1930-я г. вяскоўцы ўступілі ў калгас.
У Вялікую Айчынную вайну з жніўня 1941 года да 2 кастрычніка 1943 года акупіравана нямецка-фашысцкімі захопнікамі. 40 вяскоўцаў змагаліся на фронце, 7 — у партызанскіх атрадах, 21 з іх загінулі. У 1986 годзе ў складзе калгаса імя Жданава (цэнтр — былая в. Карма-Пайкі).
Пасля катастрофы на Чарнобыльскай атамнай электрастанцыі 1986 года вёска адселена ў сувязі з радыяцыйным забруджаннем.
Уваходзіла ў склад Наваельненскага сельсавета. З 31 студзеня 1992 года ў складзе Сідараўскага сельсавета.
Ліквідаваная ў 2006 годзе.
Планіроўка правіць
Складалася з просталінейнай вуліцы, арыентаванай з паўднёвага захаду на паўночны ўсход, ад канцоў якой адыходзілі перпендыкулярныя кароткія просталінейныя вуліцы, на паўднёва-ўсходняй ускраіне быў вытворчы сектар.
Насельніцтва правіць
Вядомыя асобы правіць
- Андрэй Якаўлевіч Сцефаненка (1900—1957) — беларускі геолаг і гідролаг.
Зноскі
Літаратура правіць
- Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.
Спасылкі правіць
- На Вікісховішчы пакуль няма медыяфайлаў па тэме, але Вы можаце загрузіць іх