Леанід Давыдавіч Куніца

Леанід Давыдавіч Куніца (7 лістапада 1937, вёска Знаменка, Лагойскі раён, Мінская вобласць — 1 ліпеня 2005) — беларускі кардыёлаг, доктар медыцынскіх навук, прафесар.

Леанід Давыдавіч Куніца
Дата нараджэння	7 лістапада 1937(1937-11-07)
Месца нараджэння	Знаменка, Лагойскі сельсавет, Лагойскі раён, БССР, СССР
Дата смерці	1 ліпеня 2005(2005-07-01) (67 гадоў)
Род дзейнасці	кардыёлаг
Месца працы	ІПКіПКАЗ
Навуковая ступень	доктар медыцынскіх навук (1979)
Навуковае званне	прафесар
Альма-матар	лячэбны факультэт БДМУ (1960) Беларускі дзяржаўны інстытут удасканалення ўрачоў (1965)

Біяграфія

Нарадзіўся ў сям’і служачага. Скончыў Бераставіцкую сярэднюю школу (1954), лячэбны факультэт Мінскага медыцынскага інстытута (1960). Працаваў загадчыкам тэрапеўтычнага аддзялення Радашковіцкай участковай бальніцы (1960—1962). Вучыўся ў аспірантуры пры кафедры тэрапіі БелДІУУ (1962—1965). Пасля заканчэння аспірантуры залічаны асістэнтам кафедры тэрапіі БелДІУУ, у 1977 г. абраны дацэнтам. У 1980 г. абраны загадчыкам кафедры неадкладнай тэрапіі БелДІУУ, якую ўзначальваў да яе скасавання ў 1992 г. Па 2004 г. працягваў працу на кафедры хуткай медыцынскай дапамогі на пасадзе прафесара.

Кандыдат медыцынскіх навук з 1966 г., доктарскую дысертацыю абараніў у 1979 г., у званні прафесара зацверджаны ў 1981 г.

Аўтар аднаго вынаходніцтва, звыш 170 навуковых публікацый, падрыхтаваў доктара і 6 кандыдатаў медыцынскіх навук. Асноўныя напрамкі навуковых даследаванняў ахопліваюць праблемы ўдасканалення клініка-біяхімічнага і функцыянальнага даследавання сістэм жыццядзейнасці арганізма ў неадкладных сітуацыях.

Літаратура

• Куніца Леанід Давыдавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 22.