Любавін

Любавін
Краіна	Беларусь
Вобласць	Гомельская
Раён	Буда-Кашалёўскі
Сельсавет	Ліпініцкі
Каардынаты	52°48′47″ пн. ш. 30°27′39″ у. д.HGЯO
Першая згадка	XIX стагоддзе
Колькасць двароў	17
Насельніцтва	26 чалавек (2004)
Часавы пояс	UTC+3
Тэлефонны код	+375 2336
Аўтамабільны код	3
СААТА	3205812016

Любаві́н^[1] (трансліт.: Liubavin, руск.: Любовин) — вёска ў Буда-Кашалёўскім раёне Гомельскай вобласці. Уваходзіць у склад Ліпініцкага сельсавета.

Геаграфія правіць

Размяшчэнне правіць

У 14 км на паўночны захад ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 62 км ад Гомеля.

Гідраграфія правіць

Рака Ліпа (прыток ракі Сож).

Транспартная сетка правіць

Транспартныя сувязі па прасёлкавай, затым аўтамабільнай дарозе Чачэрск — Буда-Кашалёва. Планіроўка складаецца з крывалінейнай амаль мерыдыянальнай вуліцы, перакрыжаванай на поўначы кароткай просталінейнай вуліцай. У цэнтры да галоўнай вуліцы з усходу далучаецца кароткая дугападобная вуліца. Забудова двухбаковая, драўлянымі дамамі сядзібнага тыпу.

Гісторыя правіць

Па пісьмовых крыніцах вядомая з XIX стагоддзя як вёска ў Стараруднянскай воласці Рагачоўскага павета Магілёўскай губерні. У 1885 годзе адкрыта школа (у 1907 годзе 71 вучань), якая знаходзілася ў наёмнай сялянскай хаце, а на пачатку 1920-х гадоў ёй быў перададзены нацыяналізаваны будынак. Па перапісу 1897 года знаходзіліся: 2 ветракі, вінная крама. У 1925 годзе пераважную большасць жыхароў складалі польскія сем’і.

З 20 жніўня 1924 года да 16 ліпеня 1954 года цэнтр Любавінскага сельсавета Буда-Кашалёўскага раёна Бабруйскай, з 27 кастрычніка 1927 года Гомельскай (да 26 ліпеня 1930 года) акруг, з 20 лютага 1938 года Гомельскай вобласці. У 1929 годзе арганізаваны калгас імя Ф. Э. Дзяржынскага, працавала гамарня. Дзейнічаў медыцынскі ўчастак. На франтах Вялікай Айчыннай вайны загінулі 53 жыхары вёскі. У 1959 годзе ў складзе калгаса імя В. І. Леніна (цэнтр — вёска Буда-Люшаўская).

У 1969 годзе ў вёску перасяліліся жыхары пасёлка Асінаўка.

Да 1 снежня 2009 года вёска ўваходзіла ў склад Будалюшаўскага сельсавета^[2].

Насельніцтва правіць

Колькасць правіць

2004 год — 17 гаспадарак, 26 жыхароў.

Дынаміка правіць

1868 год — 29 двароў, 194 жыхары.
1897 год — 53 двары, 388 жыхароў (паводле перапісу).
1925 год — 95 двароў.
1959 год — 251 жыхар (паводле перапісу).
2004 год — 17 гаспадарак, 26 жыхароў.

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ Решение Гомельского областного Совета депутатов от 1 декабря 2009 г. № 277 Об изменении административно-территориального устройства Буда-Кошелевского района Гомельской области Архівавана 29 кастрычніка 2013.

Літаратура правіць

Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

[2] Решение Гомельского областного Совета депутатов от 1 декабря 2009 г. № 277 Об изменении административно-территориального устройства Буда-Кошелевского района Гомельской области Архівавана 29 кастрычніка 2013.

[1]

[2]