Вікіпедыя

Максім Віталевіч Паўлавец

беларускі футбаліст
(Пасля перасылкі з Максім Паўлавец)
У Вікіпедыі ёсць артыкулы пра іншых асоб з прозвішчам Паўлавец.

Максім Паўлавец (нар. 8 жніўня 1996, Пінск) — беларускі футбаліст, паўабаронца клуба «Крумкачы».

Футбол
Максім Паўлавец
Поўнае імя Максім Віталевіч Паўлавец
Нарадзіўся 8 жніўня 1996(1996-08-08)[1] (27 гадоў)
Грамадзянства  Беларусь
Рост 172 см
Вага 64 кг[2]
Пазіцыя паўабаронца
Інфармацыя пра клуб
Клуб Беларусь Крумкачы
Нумар 96
Клубная кар’ера[* 1]
2013 Беларусь Хваля (Пінск) 3 (0)
2013 Беларусь Смалявічы-СТІ 6 (0)
2014—2018 Беларусь Славія (Мазыр) 52 (0)
2018 →  Беларусь Хваля (Пінск) 24 (0)
2020 Беларусь Граніт (Мікашэвічы) 25 (0)
2021 Беларусь Хваля (Пінск) 30 (0)
2022— Беларусь Крумкачы (Мінск) 22 (4)
Нацыянальная зборная[* 2]
2017 Беларусь Беларусь (да 21) 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 20 красавіка 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 17 лістапада 2017

Клубная кар’ера правіць

Пачынаў кар’еру ў пінскай «Хвалі», а ўлетку 2013 года перайшоў у клуб «Смалявічы-СТІ». У пачатку 2014 года ўслед за галоўным трэнерам Юрыем Пунтусам перабраўся ў мазырскую «Славію», дзе стаў трывала з’яўляцца на полі, выходзячы на замену, і дапамог клубу вярнуцца ў Вышэйшую лігу.

Сезон 2015 распачаў у дублі мазыран. 10 жніўня 2015 года дэбютаваў у Вышэйшай лізе, правёўшы ўвесь матч супраць «Шахцёра» (1:6). Усяго ў сезоне 2015 сем разоў з’явіўся на полі ў Вышэйшай лізе. У сезоне 2016 стаў часцей з’яўляцца ў асноўнай камандзе, звычайна выходзячы на замену. Сезон 2017 пачынаў як ігрок ратацыі, а ўлетку замацаваўся ў стартавым складзе мазыран.

У лютым 2018 года пачаў трэніравацца разам з пінскай «Хваляй» і ў выніку перайшоў у родны клуб на правах арэнды[3]. У сезоне 2018 трывала з’яўляўся ў стартавым складзе пінчукоў. У студзені 2019 года стала вядома, што паўабаронца перарве футбольную кар’еру з-за службы ў арміі[4].

У красавіку 2020 года стаў іграком мікашэвіцкага «Граніта»[5], дзе быў трывалым іграком стартавага складу. У студзені 2021 года стаў трэніравацца з пінскай «Хваляй» і ў лютым падпісаў кантракт[6]. Пачынаў сезон 2021 у стартавым складзе каманды, са жніўня стаў часцей выхадзіць на замену. У лютым 2022 года па заканчэнні кантракт пакінуў клуб[7].

У красавіку 2022 года папоўніў склад «Крумкачоў»[8]. У красавіку 2023 года падоўжыў кантракт з клубам[9].

Міжнародная кар’ера правіць

26 сакавіка 2017 года дэбютаваў у моладзевай зборнай Беларусі, адгуляўшы першы тайм таварыскага матча супраць Латвіі (3:4) і адзначыўшыся галявой перадачай.

Статыстыка выступленняў правіць

Сезон Дывізіён Клуб Краіна Матчы Галы
2013 (1) Д2 Хваля   3 0
2013 (2) Д2 Смалявічы-СТІ   6 0
2014 Д2 Славія   14 0
2015 Д1 Славія   7 0
2016 Д1 Славія   12 0
2017 Д1 Славія   19 0
2018 Д2 Хваля   24 0
2020 Д2 Граніт   25 0
2021 Д2 Хваля   30 0

Зноскі

  1. ↑ Maksim Pavlovets // Transfermarkt — 2000. Праверана 9 кастрычніка 2017.
  2. ↑ https://www.pressball.by/footballstat/maksim_pavlovets/
  3. ↑ В "Волне" пополнение Архівавана 18 сакавіка 2019.
  4. ↑ Три игрока продлили контракты с "Волной", Куган покинул команду
  5. ↑ Ряды команды пополнили четыре игрока(недаступная спасылка). Архівавана з першакрыніцы 10 снежня 2021. Праверана 3 красавіка 2020.
  6. ↑ Гусев и Павловец подписали соглашения с "Волной", Демков покинул команду
  7. ↑ Виталий Рушницкий и Максим Павловец покинули "Волну"
  8. ↑ Максим Павловец – игрок «Крумкачоў»
  9. ↑ "Крумкачы" объявили о продлении контрактов с двумя футболистами (руск.). football.by (19 красавіка 2023). Праверана 20 красавіка 2023.
Узята з "https://be.wikipedia.org/w/index.php?title=Максім_Віталевіч_Паўлавец&oldid=4573595"