Вікіпедыя

Маладзечанскі дзяржаўны музычны каледж імя М. К. Агінскага

Маладзечанскі дзяржаўны музычны каледж імя М.  К.  Агінскага — сярэдняя спецыяльная навучальная ўстанова ў г. Маладзечна Мінскай вобласці Беларусі. Размешчаны па адрасе вул. Вялікі Гасцінец, 52.

Маладзечанскі дзяржаўны музычны каледж імя М. К. Агінскага
Musical college, Maladzechna.jpg
Дата заснавання 1958
Тып каледж
Дырэктар Рыгор Сямёнавіч Сарока
Размяшчэнне Сцяг Беларусі Маладзечна
Адрас 222310, Мінская вобласць, г. Маладзечна, вул. Вялікі Гасцінец, 52
molmk.by
Лагатып Вікісховішча Медыяфайлы на Вікісховішчы
Помнік М. К. Агінскаму каля музычнага каледжа
Мемарыяльная дошка М. К. Агінскаму на будынку каледжа

ГісторыяПравіць

Маладзечанскае музычнае вучылішча заснавана ў 1958 годзе. Размешчана ў будынку, у якім жыў Міхал Клеафас Агінскі (у гады жыцця М.К. Агінскага на дадзеным месцы было поле, якое існавала на дадзеным месцы да пачатку генеральнай забудовы Маладзечна пасля Другой сусветнай вайны). У 1993 г. вучылішчу прысвоена яго імя. З 1 верасня 2011 г. вучылішча было пераназвана ў УА «Маладзечанскі дзяржаўны музычны каледж імя М. К. Агінскага».

На будынку вучылішча ўстаноўлена мемарыяльная дошка Агінскаму (скульптар В. Янушкевіч).

ДзейнасцьПравіць

Рыхтуе музыкантаў-інструменталістаў, спевакоў, дырыжораў, музыказнаўцаў, выкладчыкаў дзіцячых музычных школ. Працуюць аддзяленні: фартэпіяна; баяна і акардэона; духавых і ўдарных інструментаў; народных струнных; струнных смычковых інструментаў; спеваў; харавога дырыжыравання; тэорыі музыкі; дэкаратыўна-прыкладнога мастацтва (з 1995).

Пры вучылішчы працуе дзіцячая музычная школа. Сярод творчых калектываў: Маладзечанскі гарадскі сімфанічны аркестр, народныя аркестры рускіх народных і духавых інструментаў (у 1975—1996 дзейнічаў таксама народны камерны аркестр народных інструментаў); жаночы хор і хор студэнтаў тэарэтычнага аддзялення; вакальны ансамбль «Аніма», камерныя ансамблі.

Вядомыя асобыПравіць

У розны час у вучылішчы выкладалі: Л. Гуцін, Я. Дзягцярык, В. Іваноў, М. Казінец, В. Карэтнікаў, Т. Мдывані, Л. Свердэль, Ф. Севасцьянаў, І. Хадоска, Г. Цэпава; яго ўзначальвалі Р. Грышаеў, І. Сушкевіч, Л. Школьнікаў, А. Шунтаў, Ю. Шпадарук, Э. Кірыленка, Р. Сарока (з 1980 дырэктар). Сярод выпускнікоў: Ю. Антонаў, А. Елісеенкаў, А. Кашапараў, Л. Колас, Л. Нікольскі, Т. Раеўская, А. Ціхановіч і інш.

ЛітаратураПравіць

Узята з "https://be.wikipedia.org/w/index.php?title=Маладзечанскі_дзяржаўны_музычны_каледж_імя_М._К._Агінскага&oldid=4293433"