Мядзеневічы

Мядзе́невічы^[1] (трансліт.: Miadzienievičy, руск.: Меденевичи) — вёска ў Баранавіцкім раёне Брэсцкай вобласці. Уваходзіць у склад Сталовіцкага сельсавета. Размешчана за 21 км на поўнач ад Баранавіч, за 2 км ад шашэйнай дарогі Баранавічы—Навагрудак, на р. Шчара. Насельніцтва 151 жыхар, 78 гаспадарак (2005).

Назва

Ад балцка-літоўскага імя Medenis (з утваральнікам -en-) літоўскі тапонім Medeniai, прускі тапонім Medenau (ад прускага).

У XIX — пачатку XX ст. ў Гарадзішчанскай воласці Навагрудскага павета Мінскай губерні. Паводле перапісу 1897 годзе ў вёсцы працаваў ветраны млын. Існавалі ткацкі, рыбалоўны, адыходныя і іншыя промыслы.

У Вялікую Айчынную вайну з канца чэрвеня 1941 года да 7 ліпеня 1944 года вёска акупіравана нямецка-фашысцкімі захопнікамі. На франтах вайны загінулі 28 аднавяскоўцаў.

Да 2013 года вёска ўваходзіла ў склад Мядзеневіцкага сельсавета^[2].

Працуюць выканкам сельсавета, ветэрынарны ўчастак, Дом быту, клуб, бібліятэка, фельчарска-акушэрскі пункт, аўтаматычная тэлефонная станцыя.

XIX стагоддзе:
- 1897 — 47 двароў, 327 жыхароў.
XX стагоддзе:
- пачатак XX ст. — 66 двароў, каля 380 жыхароў.
- 1939 — 350 жыхароў.
- 1959 — 383 жыхары.
- 1970 — 343 жыхары.
- 1998 — 102 двары, 183 жыхары.
XXI стагоддзе:
- 2005 — 151 жыхар, 78 гаспадарак.

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.