Мікалай Макаравіч Пятрэнка
Мікала́й Мака́равіч Пятрэ́нка (нар. 19 снежня 1919, Барбароў Мазырскага раёна Гомельскай вобласці — 3 студзеня 1997) — беларускі дзеяч самадзейнага мастацтва, кампазітар, педагог. Заслужаны настаўнік БССР (1966). Ганаровы грамадзянін Полацка (1995).
| Мікалай Макаравіч Пятрэнка | |
|---|---|
| Дата нараджэння | 19 снежня 1919 |
| Месца нараджэння | |
| Дата смерці | 3 студзеня 1997 (77 гадоў) |
| Месца смерці | |
| Альма-матар | |
| Музычная дзейнасць | |
| Прафесіі | кампазітар, музычны педагог |
| Узнагароды | |
Біяграфія правіць
Скончыў Мінскі педагагічны інстытут (1940).
Удзельнік Вялікай Айчыннай вайны. У мірны час працаваў на розных кіруючых пасадах на Гомельшчыне і Віцебшчыне. З 1960 года выкладчык, намеснік дырэктара Полацкага педвучылішча.
Узнагароджаны ордэнам Айчыннай вайны І ступені, медалямі.
Творчасць правіць
Аўтар некалькіх падручнікаў. Самадзейны кампазітар, аўтар больш за 300 песень, з 1980 года кіраваў клубам самадзейных кампазітараў у Полацку. Лаўрэат конкурсаў самадзейных кампазітараў.
Асноўныя творы правіць
Песням Пятрэнкі характэрныя меладычнасць, выкарыстанне інтанацый беларускага песеннага фальклору. Найбольш папулярныя:
- «Ручнікі»,
- «Ой, старонка мая ты лясная»,
- «Вочы зямлі маёй»,
- «Слаўнае свята»,
- «Невядомы партызан»,
- «Пад калінай»,
- «Прыязджаў марак у госці»,
- «Расіі першы камуніст»,
- «Там, дзе хадзіў калісьці Ленін»,
- «Прыязджайце да нас на Полаччыну».
Літаратура правіць
- Гальпяровіч Н. Я. Пятрэнка Мікалай Макаравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 174. — 10 000 экз. — ISBN 985-11-0035-8. — ISBN 985-11-0216-4 (т. 13).
- Пятрэнка Мікалай Макаравіч // Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1986. — Т. 4. Накцюрн — Скальскі. — С. 436. — 742 с. — 9 500 экз.