Мікалай Мікалаевіч Чарняўскі

Мікола Чарняўскі, Мікалай Мікалаевіч Чарняўскі (нар. 16 студзеня 1943, в. Буда-Люшаўская, Буда-Кашалёўскі раён, Гомельская вобласць; Псеўданімы: Аўсюг Самасейка, Мікола Сівец) — беларускі паэт, празаік.

Мікалай Мікалаевіч Чарняўскі
Асабістыя звесткі
Псеўданімы	Aŭsjuh Samasejka, Mìkola Sìvec, Аўсюг Самасейка і Мікола Сівец
Дата нараджэння	16 студзеня 1943(1943-01-16) (81 год)
Месца нараджэння	Буда Люшаўская, Ліпініцкі сельсавет, Буда-Кашалёўскі раён, Гомельская вобласць, БССР, СССР
Грамадзянства	СССР  Беларусь
Альма-матар	філалагічны факультэт БДУ
Месца працы	Першы Нацыянальны канал Беларускага радыё Бярозка Вясёлка
Прафесійная дзейнасць
Род дзейнасці	пісьменнік, паэт, дзіцячы пісьменнік, журналіст, празаік, перакладчык, рэдактар
Жанр	дзіцячая літаратура
Мова твораў	беларуская
Грамадская дзейнасць
Член у	Саюз пісьменнікаў СССР
Прэміі	Літаратурная прэмія імя Янкі Маўра (1995) Залаты купідон (2009) Літаратурная прэмія імя Васіля Віткі (2002) Прэмія Федэрацыі прафсаюзаў Беларусі (2001)
Узнагароды

Біяграфія

Нарадзіўся ў сялянскай сям’і. Скончыў вячэрняе аддзяленне філалагічнага факультэта Беларускага дзяржаўнага ўніверсітэта (1966). Адначасова працаваў рэдактарам Беларускага радыё. У 1966—1988 гадах — літаратурны супрацоўнік, старшы рэдактар аддзела, адказны сакратар часопіса «Бярозка». З 1989 года — літаратурны рэдактар часопіса «Вясёлка».

Творчасць

Дэбютаваў вершам у 1958 г. у газеце «Піянер Беларусі». Аўтар кніжак паэзіі для дзяцей «Дзе лета канчаецца» (1963), «Апошні бой» (1967), «Сонца ў хованкі гуляе» (1970), «Кліча горн» (1974), «Адрас наш — дзіцячы сад» (1975), «Парад» (1976), «Залатая ніва» (1977), «Дзе пяцёркі прадаюцца?» (1978), «Я збіраюся на БАМ» (1979), «Хто сябруе з добрым днём?» (1981), «Звініць званок…» (1982), «Зоркі-зорачкі» (1984), «Навечна з сонцам» (1986), «Аб чым пяе крынічка» (1989), а таксама аповесці «Бегунок пачынае думаць» (1965) і «Акадэмія … на колах, альбо За вясёлкай наўздагон» (1990).

Выдаў зборнікі паэзіі «Чалавечнасць» (1971), «Трывога» (1988) і сатыры і гумару «Казёл-моднік» (1978), «І не косяць, і не жнуць…» (1982), «Камар на матацыкле» (1985), «Нашто бабе агарод?» (1989).

Прэміі

• Літаратурная прэмія імя Янкі Маўра (1995)
• Залаты купідон (2009)

Літаратура

• Мікола Чарняўскі // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.