Міхаіл Іванавіч Дзянісаў

Міхаіл Іванавіч Дзянісаў (руск.: Михаил Иванович Денисов; 21 лістапада 1900 — 11 студзеня 1971) — савецкі оперны спявак (лірыка-драматычны барытон). Заслужаны артыст Беларускай ССР (1938), Народны артыст Беларускай ССР (1944).

Міхаіл Іванавіч Дзянісаў
Дата нараджэння	21 лістапада 1900(1900-11-21)
Месца нараджэння	Трасцянка, Трасцянская воласць[d], Балашоўскі павет[d], Саратаўская губерня, Расійская імперыя
Дата смерці	11 студзеня 1971(1971-01-11) (70 гадоў)
Краіна	Расійская імперыя  СССР
Жонка	Тамара Вартанаўна Міянсарава
Альма-матар	Саратаўская дзяржаўная кансерваторыя імя Л. В. Собінава[d] (1928) Мінскі музычны тэхнікум (1930) Беларуская студыя оперы і балета (1933)
Месца працы	Нацыянальны акадэмічны Вялікі тэатр оперы і балета Рэспублікі Беларусь Армянскі тэатр оперы і балета імя А. А. Спендыярава Беларуская дзяржаўная філармонія Беларуская дзяржаўная кансерваторыя імя А. В. Луначарскага
Музычная дзейнасць
Прафесіі	оперны спявак
Пеўчы голас	барытон
Грамадская дзейнасць
Партыя	УКП(б)
Узнагароды

Біяграфія

Нарадзіўся ў сяле Трасцянка (зараз у Балашоўскім раёне Саратаўскай вобласці Расіі). Удзельнік Грамадзянскай вайны. У 1925—1928 гадах вучыўся ў Саратаўскай кансерваторыі, у 1928—1930 гадах — у оперным класе пры Беларускім музычным тэхнікуме, у 1930—1933 гадах — у Беларускай студыі оперы і балета ў Мінску. Да 1958 года (з перапынкам) саліст Дзяржаўнага тэатра оперы і балета БССР. У 1941—1943 гадах саліст Армянскага тэатра оперы і балета імя А. А. Спендыярава ў Ерэване. Член КПСС з 1946 года. Працаваў мастацкім кіраўніком у Беларускай дзяржаўнай філармоніі, з 1964 года выкладаў у Беларускай кансерваторыі.

Творчасць

М. І. Дзянісаў — адзін з першых беларускіх прафесійных оперных спевакоў, першых выканаўцаў многіх оперных партый у нацыянальных операх. Таксама выступаў у канцэртных праграмах і як выканаўца народных песень. Сярод оперных партый: Кузьміч («У пушчах Палесся» А. Багатырова), Гразной («Царская нявеста» М. Рымскага-Корсакава), Эскамільё («Кармэн» Ж. Бізэ), Дэман («Дэман» А. Рубінштэйна), Рыгалета («Рыгалета» Дж. Вердзі), Татул («Алмаст» А. Спендыярава), Андрэй («Кветка шчасця» А. Туранкова) і інш.

Літаратура

• Дзянісаў Міхаіл Іванавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 269. — 800 с. — 5 000 экз. — ISBN 985-11-0026-9.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 141. — 10 000 экз. — ISBN 985-11-0035-8. — ISBN 985-11-0106-0 (т. 6).
• Нисневич И. Г. Денисов Михаил Иванович // Музыкальная энциклопедия : [в 6 т.] / гл. ред. Ю. В. Келдыш. — М. : Советская энциклопедия : Советский композитор, 1973—1982. — Т. 2 (1974). Гондольера — Корсов. — 960 стр., илл. — 102 000 экз. (руск.)

Спасылкі

• Дзяні́саў Міхаіл Іванавіч на сайце анлайн-энцыклапедыі «Беларусь у асобах і падзеях»
• Денисов Михаил Иванович // Кино-Театр. РУ (руск.)
• Денисов Михаил // Каталог советских пластинок (руск.)