Беларуская студыя оперы і балета
студыя оперы і балета
Беларуская студыя оперы і балета створана на базе спецыяльнага вышэйшага опернага класа Беларускага музычнага тэхнікума з мэтай падрыхтаваць у рэспубліцы адкрыццё тэатра оперы і балета. Існавала з кастрычніка 1930 года да мая 1933 года.
Кіраўніцтва правіць
Кіраўнікі:
- дырыжор — І. Гітгарц
- балетмайстар — Л. Крамарэўскі,
- хормайстар і галоўны канцэртмайстар Г. Пятроў,
- рэжысёр-асістэнт В. Барысевіч.
Вакальным кансультантам быў вядомы спявак А. Баначыч.
Трупа правіць
Сярод студыйцаў былі
- спевакі — Л. Александроўская, С. Архіпаў, І. Балоцін, Т. Баначыч, Я. Бжазiнская, П. Валадзько, Л. Васюковіч, М. Гульман, М. Дзянісаў, С. Друкер, А. Зайцава, М. Зубковіч, В. Каліноўскі, Г. Касценіч, Д. Кроз, Ф.Левіна, Я. Мілашэўскі, Ц. Мільчына, К. Нікалаевіч, М. Пігулеўскі, К. Пуроўскі, М. Русін, К. Саліна, Дз. Салохін, Н. Сімага, Я. Чавычалаў, В. Чыслова, Р. Шапіра, М. Швайко;
- танцоры — В. Бурэка, У. Бухаўцоў, Я. Вяпрынскі, І. Вярбіцкі, Р. Гімпелева, Н. Гурвіч, С. Дрэчын, К. Калітоўская, Л. Крамарэўская, Я. Макарэвіч, Т. Новікава, К. Пекур, Т. Рубцова, Н. Фінская, Г. Шчолкіна.
Рэпертуар правіць
Пастаўлены оперы «Залаты пеўнік» М. Рымскага-Корсакава (рэжысёр У. Тазаўроўскі), «Кармэн» Ж. Бiзэ (рэжысёр Б. Норд), балет «Чырвоны мак» Р. Гліэра (усе на сцэне БДТ-1).
Мастацкі ўзровень двух апошніх спектакляў паказаў, што калектыў студыі дастаткова падрыхтаваны для рэарганізацыі яе ў сталы тэатр, які быў адкрыты 23 мая 1933 года як Дзяржаўны тэатр оперы і балета Беларусі.
Літаратура правіць
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
- Беларуская студыя оперы і балета // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2002. — Т. 1. — 565 с. — 4 000 экз. — ISBN 985-11-0255-5.