Міхаіл Мікалаевіч Пташук

Міхаіл Мікалаевіч Пташук
Міхаіл Мікалаевіч Пташук
Імя пры нараджэнні	Міхаіл Мікалаевіч Пташук
Дата нараджэння	28 студзеня 1943
Месца нараджэння	вёска Федзюкі Ляхавіцкі раён, ; БССР, СССР
Дата смерці	26 красавіка 2002 (59 гадоў)
Месца смерці	Масква, ; Расійская Федэрацыя
Месца пахавання	Усходнія могілкі;
Грамадзянства	СССР ; Беларусь
Адукацыя	Тэатральны інстытут імя Барыса Шчукіна (1967); Вышэйшыя курсы сцэнарыстаў і рэжысёраў;
Месца працы	Беларусьфільм;
Прафесія	кінарэжысёр
Кар’ера	1973—2002
Прэміі
Узнагароды	Заслужаны дзеяч мастацтваў БССР (1982)
IMDb	ID 0699675

Міхаі́л Мікала́евіч Пташу́к (28 студзеня 1943, в. Фядзюкі Ляхавіцкага р-на — 26 красавіка 2002) — беларускі кінарэжысёр, акцёр, прадзюсар.

БіяграфіяПравіць

Скончыў рэжысёрскі факультэт Тэатральнага вучылішча імя Б. Шчукіна (1967), Вышэйшыя рэжысёрскія курсы Дзяржкіно СССР (1972; майстэрня Г. Данеліі). Працаваў рэжысёрам у тэатрах Масквы і Казані. З 1974 на кінастудыі «Беларусьфільм». Член КПСС (з 1978). Загінуў у аўтакатастрофе 26 красавіка 2002 года, у Маскве, па шляху на прысуджэнне прэміі «Ніка».

Атрымалі шырокую вядомасць яго экранізацыі вядомых літаратурных твораў беларускіх пісьменнікаў — «Вазьму твой боль» (паводле І. Шамякіна, 1982), «Чорны замак Альшанскі» (2 серыі, паводле У. Караткевіча, 1983), «Знак бяды» (паводле В. Быкава, 1986). Сярод фільмаў канца 1980-1990-х — гісторыка-палітычныя стужкі «Наш браняпоезд» (1988), "Кааператыў «Палітбюро» (1992), «У жніўні 44-га…» (2000). Паставіў тэлевізійны фільм «Нас выбраў час» (1978), фільм-спектакль Мінскага тэатра «Вольная сцэна» «Макбет» (1997).

Работы М. Пташука неаднаразова атрымлівалі высокія ўзнагароды на прэстыжных кінафестывалях. Для яго творчай манеры ўласцівы абвостраная ўвага да складаных гісторыка-філасофскіх праблем, псіхалагічная заглыбленасць, упэўненасць рэжысёрскага почырку і пад.

Заслужаны дзеяч мастацтваў БССР (1982). Народны артыст БССР (1990). Дзяржаўная прэмія БССР (1982) за экранізацыю рамана І. Шамякіна «Вазьму твой боль»; прэмія Ленінскага камсамола (1980) за кінафільм паводле твора У. Халіпа і А. Петрашкевіча «Время выбрало нас».

ФільмаграфіяПравіць

1973 — «Пра Віцю, пра Машу і марскую пяхоту» (сцэнарый — А. Усаў, аператар — Ю. Кліменка);
1975 — «Лясныя арэлі» (сцэнарый — І. Пяткевіч, аператар — Ю. Марухін);
1978 — «Час выбраў нас» (сцэнарый — А. Петрашкевіч, У. Халіп, аператары — Ю. Марухін (1—2 серыі), В. Нікалаеў);
1980 — «Вазьму твой боль» (сцэнарый — І. Шамякін, аператар — В. Нікалаеў);
1984 — «Чорны замак Альшанскі» (сцэнарый — У. Караткевіч, аператар — Т. Логінава);
1986 — «Знак бяды» (сцэнарый — Я. Грыгор'еў, О. Нікіч, аператар — Т. Логінава);
1988 — «Наш браняпоезд» (сцэнарый — Я. Грыгор'еў, аператар — Ю. Ялхоў);
1992 — «Кааператыў „Палітбюро“» (сцэнарый — Я. Грыгор'еў, аператар — С. Мачыльскі);
1995 — «Гульня ўяўлення» (сцэнарый — Э. Брагінскі, аператар — В. Спарышкоў);
1995 — «Макбет» (сцэнарый — А. Дудараў, аператар — В. Спарышкоў);
2000 — «У жніўні 44-га…» (сцэнарый — У. Багамолаў, аператар — В. Спарышкоў);
2001 — «Песня Розы» (сцэнарый — В. Сакалоўскі, аператар — Д. Гучыарда).
2003 — «У чэрвені 41-га» (сцэнарый — В. Сакалоўскі, К Сіверстоўн, М. Пташук; аператар — Д. Гучыарда).

Зноскі

ЛітаратураПравіць

Пташук Міхаіл Мікалаевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 109. — 10 000 экз. — ISBN 985-11-0035-8. — ISBN 985-11-0216-4 (т. 13).
Пташук Міхаіл // Культуралогія: Энцыклапедычны даведнік / Уклад.: Дубянецкі Э. — Мн.: БелЭн, 2003. ISBN 985-11-0277-6
Пташук Михаил // Кто есть кто в Беларуси. Хто ёсць хто ў Беларусі. Who’s who in Belarus / Складальнікі В. Голубеў, А. Кіжэ, А. Смольскі, В. Трыгубовіч, Г. Ахметава, В. Чуйко. — М.: Кніжны дом «Университет», 1999. — 176 с. ISBN 5-8013-0068-6
Энцыклапедыя літаратуры і мастацтва Беларусі. — Мн., 1987. — Т.4. — С. 412.
Пташу́к Міхаіл Мікалаевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 607. — 800 с. — 5 000 экз. — ISBN 985-11-0026-9.

СпасылкіПравіць

Міхаіл Пташук на сайце «Internet Movie Database» (англ.)