Міхаіл Міхайлавіч Паўлючэнка

Міхаіл Міхайлавіч Паўлючэ́нка (17 сакавіка 1909 — 24 сакавіка 1975) — вучоны ў галіне фізічнай хіміі, доктар хімічных навук (1954), прафесар (1954), акадэмік Акадэміі навук БССР (1959), Заслужаны дзеяч навукі БССР (1972).

Міхаіл Міхайлавіч Паўлючэнка
Дата нараджэння	17 сакавіка 1909(1909-03-17)
Месца нараджэння	Глухавічы, Рэчыцкі павет, Мінская губерня, Расійская імперыя
Дата смерці	24 сакавіка 1975(1975-03-24) (66 гадоў)
Грамадзянства	Расійская імперыя  СССР
Род дзейнасці	навуковец
Навуковая сфера	фізічная хімія
Месца працы	БДУ Інстытут хіміі АН БССР Інстытут агульнай і неарганічнай хіміі
Навуковая ступень	доктар хімічных навук і акадэмік Акадэміі навук Беларускай ССР
Навуковае званне	прафесар
Альма-матар	хімічны факультэт МДУ[d]
Узнагароды

Біяграфія

Нарадзіўся ў вёсцы Глухавічы (былая вёска ў Брагінскім раёне Гомельскай вобласці Беларусі). У 1933 годзе скончыў хімічны факультэт Маскоўскага дзяржаўнага ўніверсітэта. З 1934 года на пасадзе асістэнта кафедры фізічнай і калоіднай хіміі Беларускага дзяржаўнага ўніверсітэта. Навучаўся ў аспірантуры пры Інстытуце хіміі Акадэміі навук БССР і абараніў кандыдацкую дысертацыю. У 1938—1941 і 1943—1965 гадах загадчык кафедры фізічнай і калоіднай хіміі, 1957—1968 — загадчык радыехімічнай лабараторыі, 1943—1947 — дэкан хімічнага факультэта Беларускага дзяржаўнага ўніверсітэта.

Адначасова М. М. Паўлючэнка ў Інстытуце хіміі Акадэміі навук БССР у 1937—1941 і 1944—1959 гадах, з 1957 года — загадчык лабараторыі мінеральных солей і ўгнаенняў. З 1959 года ў Інстытуце агульнай і неарганічнай хіміі АН БССР: у 1959—1966 гадах — дырэктар, з 1966 года — загадчык лабараторыі цвёрдафазных рэакцый.

Памёр 24 сакавіка 1975 года.

Навуковая і грамадская дзейнасць

Навуковая дзейнасць вучонага ў галіне тэорыі тапахімічных рэакцый, кінетыкі і механізме гетэрагенных хімічных рэакцый, радыяхіміі, малекулярным і эмісійным спектральным аналізе, абагачэнню калійных солей. Пад яго кіраўніцтвам абаронены 3 доктарскія і 40 кандыдацкіх дысертацый.

З 1957 года М. М. Паўлючэнка быў членам пленума Вышэйшай атэстацыйнай камісіі СССР. Уваходзіў у склад рэдакцыйных калегій выданняў «Прикладная спектроскопия», «Доклады АН БССР», «Известия АН БССР», шэрагу вучоных саветаў.

Аўтар больш за 400 навуковых прац, у тым ліку 2 манаграфій. Сярод апублікаваных прац вучонага:

• Основное уравнение топохимических реакций, не катализируемых твердым продуктом // Журн. физ. химии. 1949. Т. 23, вып. 7;
• Гетерогенные химические реакции // Под редакцией М. М. Павлюченко. — Мн., 1961, 1964, 1965, 1970, 1975;
• Калийные соли Белоруссии, их переработка и использование. Мн., 1966. (разам з Х. М. Александровічам).

Узнагароды

• 2 ордэны «Знак Пашаны» (1953, 1961)
• Медаль «У азнаменаванне 100-годдзя з дня нараджэння Уладзіміра Ільіча Леніна»
• Ганаровыя граматы Прэзідыума Вярхоўнага Савета БССР.

Памяць

Мемарыяльная дошка на будынку Інстытута агульнай і неарганічнай хіміі.

Літаратура

• Паўлючэнка Міхаіл Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 569. — 800 с. — 5 000 экз. — ISBN 985-11-0026-9.
• Паўлючэнка Міхаіл Міхайлавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 210. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Вучоныя Беларусі. Паўлючэнка, Міхаіл Міхайлавіч (доктар хімічных навук; 1909—1975) // Нацыянальная бібліятэка Беларусі
• Павлюченко Михаил Михайлович // История БГУ(недаступная спасылка) (руск.)
• История (руск.) // Інстытут агульнай і неарганічнай хіміі НАН Беларусі
• Павлюченко Михаил Михайлович // Знаменитые люди Гомельщины (руск.)
• Кахновіч В. А. Заснавальнік школы фізічнай хіміі ў БДУ: прафесар М. М. Паўлючэнка (1909–1975) Архівавана 28 чэрвеня 2020. — Мн.: БДУ, 2018. — ISBN 978-985-566-674-6
• Міхаіл Міхайлавіч Паўлючэнка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)