Навальніца-С
Навальніца-С (руск.: Гроза-С) — беларуская самаходная станцыя радыё-электроннай барацьбы, прызначаная для стварэння перашкод у электроніцы і перахопе беспілотных лятальных апаратаў. Распрацава «КБ Радар» у рамках спецыяльнай серыі сістэм для барацьбы з дронамі «Навальніца» і прэзентавана 28 кастрычніка 2016 года[1].
| Навальніца-С | |
|---|---|
 Навальніца-С на шасі грамадзянскага аўтамабіля. | |
| Тып: | станцыя РЭБ |
| Краіна: |  Беларусь
|
| Гісторыя службы | |
| Гады эксплуатацыі: | з 2017 |
| Выкарыстоўвалася: | |
| Войны і канфлікты: | Грамадзянская вайна ў Сірыі, Грамадзянская вайна ў Лівіі, Канфлікт у Нагорным Карабаху |
| Гісторыя вытворчасці | |
| Вытворца: | КБ Радар |
| Гады вытворчасці: | з 2016 |
Агляд
правіцьАпісанне
правіцьГрунтуецца на самаходным аўтамабільным шасі. Прапануецца прымяненне двухвосевага мікрааўтобуса з патрабаванымі характарыстыкамі рухомасці, на якім размяшчаецца ўсё неабходнае абсталяванне. Унутры кабіны змяшчаюцца сродкі кіравання і апрацоўкі сігналу. За межамі корпуса машыны-носьбіта прысутнічаюць некалькі апорных прылад, у тым ліку дзве тэлескапічныя мачты, пры дапамозе якіх антэны прапануецца падымаць на рабочую вышыню. На мачтах машыны-носьбіта змяшчаюцца два асноўных антэнных блока. У цэнтральнай частцы даху размяшчаецца антэна, змешчаная пад паўсферычным абцякальнікам. Яна звязаная з модулем радыётэхнічнай разведкі і адказвае за выяўленне радыёсігналаў. Разам з перадатчыкам перашкод ужываецца другая антэнная прылада, якая мае ў сваім складзе скрынчаты кажух і антэну. Гэта прылада можа наводзіцца па азімуце. Таксама ёсць трэцяя стойка невялікай вышыні, на якой размешчаны оптыка-электронныя сродкі назірання[1].
Галоўнымі вартасцямі сістэмы, са слоў беларускіх спецыялістаў, з’яўляецца выяўленне з’яўлення БПЛА ў межах зоны дзеяння станцыі і адсочванне іх перамяшчэння, шырокі дыяпазон частот рыдыёразведкі, выяўленне і падаўленне каналаў кіравання БПЛА ад наземнага пункта кіравання і каналаў перадачы даных з БПЛА на наземны пункт кіравання, эфектыўнае падаўленне навігацыі дронаў, звод з вызначанага маршруту або прымус да аварыйнай пасадцы, малы час разгортвання і згортвання станцыі[2].
ТТХ
правіцьПаводле даных вытворцы[2]:
| Параметры | Значэнне |
|---|---|
| Дыяпазон разведваных частот | 100 — 6000 Мгц |
| Дыяпазон падаўляных частот | 100 — 6000 Мгц |
| Далёкасць радыёразведкі сігналаў БПЛА (перадача даных ад БПЛА) | Да 50 км |
| Далёкасць радыёразведкі перадатчыка на наземным ПК (канал кіравання) | Да 10 км |
| Далёкасць радыёпадаўлення перадатчыка на БПЛА (прыём сігналаў кіравання) | Да 30 км |
| Далёкасць радыёпадаўлення прыёмніка наземнага ПК (канал даных і тэлеметрыі) | Да 10 км |
| Далёкасць радыёпадаўлення навігацыйнага прыёмніка на БПЛА | Да 40 км |
| Далёкасць пастаноўкі дэзінфармацыйных перашкод навігацыйнаму прыёмніку на БПЛА | Да 40 км |
| Час разгортвання | 10 хвіл |
| Электрасілкаванне | 220В ± 10 %, 50Гц |
| Экіпаж | 4 чалавекі |
Мадыфікаванне
правіцьЯк паведаміў у кастрычніку 2020 года Дзяржваенпрам, абапіраючыся на вопыт эксплуатацыі станцыі ў розных кліматычных умовах і пажаданняў карыстальнікаў ранніх версій, спецыялістамі ААТ «КБ Радар» былі зроблены ўдасканаленні ў канструкцыі і праграмным забеспячэнні станцыі. Па выніку дапрацовак падвышаная ступень аўтаматызацыі работы, істотна скарочаны час разгортвання і значна зменшана колькасць аперацый, што выконваюцца экіпажам для прывядзення з паходнага становішча ў баявое. Таксама павялічана ўстойлівасць комплексу да экстрэмальна спякотнаму клімату. Значна перапрацаваны аператарскі адсек, павышана яго эрганамічнасць. Мадыфікаваная версія станцыі была высока ацэнена замежнымі заказчыкамі і хутка пастаўлена на экспарт[3].
Эксплуатанты
правіць
Баявое выкарыстванне
правіць- Грамадзянская вайна ў Сірыі
У маі 2018 года з’явілася інфармацыя, згодна з якой, урадавыя сілы Башара Асада валодаюць беларускай «Навальніцай» і ўжо выкарыстоўвалі яе супраць амерыканскіх БПЛА, руйнуючы сістэмы сувязі і выводзячы з ладу самалёты РЭБ Lockheed EC-130H Compass Call[9]. 18 жніўня 2020 года, па паведамленні Пентагона, у небе над заходняй часткай правінцыі Ідліб былі адначасова страчаны адразу два ўдарна-разведвальных дроны MQ-9 Reaper («Жнец»), якія выляталі парай на баявое заданне з ракетамі AGM-114R9X на борце. Як высветлілася пазней, БПЛА ліквідаваны байцамі ўрадавай армія, якія выкарыстоўвалі для гэтага беларускую сістэму РЭБ[10].
- Грамадзянская вайна ў Лівіі (з 2014 па 2020)
Летам 2020 года ў Інтэрнэце былі апублікаваны фатаграфіі комплексу «Навальніца-С», які належыць прыхільнікам Халіфа Хафтара. Сістэма была перададзена байцам ад ААЭ, якія ў сваю чаргу купілі яе непасрэдна ў Беларусі[8].
Комплесы «С» і «6» змаглі абясшкодзіць 11 турэцкіх БПЛА, якія належалі прыхільнікам Фаіза Сараджа[11]. Калумніст газеты «Военно-промышленный курьер» Віталь Арлоў са спасылкай на неназваныя крыніцы заявіў, што за перыяд 2019—2020 гадоў колькасць абясшкоджаных беспілотнікаў меркавана большая, і сістэмы «Навальніца» могуць быць датычны да страты 78 ударных БПЛА «Байрактар ТБ-2» і двух MQ-9 Reaper, якія выкарыстоўваліся ВПС ЗША і Італіі для разведвальных палётаў у зоне баявых дзеянняў[12]. У той жа час частка з названага збіта расійскім ЗРК «Панцыр»[13].
- Канфлікт у Нагорным Карабаху (2020)
4 лістапада 2020 года ў сеткі з’явіліся паведамленні, што азербайджанская армія выкарыстоўвае беларускую сістэму РЭБ «Навальніца-С» для барацьбы з дронамі праціўніка[14]. Сістэмы былі набыты Азербайджанам у беларускіх распрацоўшчыкаў прыкладна ў 2018 годзе. У Баку паведамляецца, што гэты комплекс у пачатку лістапада знішчыў адзін армянскі беспілотнік у Тавузскім раёне[5].
Гл. таксама
правіцьЗноскі
правіць- ↑ а б Системы борьбы с БПЛА «Гроза-С» и «Гроза-Р» (Беларусь) // Военное обозрение, 28 февраля 2017
- ↑ а б Станция радиоэлектронной борьбы с беспилотными летательными аппаратами «Гроза-С» (на шасси военных автомобилей) Архівавана 27 кастрычніка 2020.
- ↑ ОАО «КБ Радар» модернизировало станцию радиоэлектронной борьбы с БПЛА «Гроза-С» Архівавана 23 лістапада 2021.
- ↑ Техника парада. Станция «Гроза-С» // Белтелерадиокомпания, 29 июня 2018
- ↑ а б Азербайджанцы используют белорусские системы РЭБ для уничтожения армянских дронов // Аргументы недели, 4 ноября 2020
- ↑ СМИ: Беларусь поставляла в Сирию комплексы «Гроза-С» // Актуальные новости, Нина Лукашева, 8 сентября 2020
- ↑ Беларусь столбит место на оружейном рынке Ближнего Востока Архівавана 22 студзеня 2021. // Naviny.by, 23 ноября 2019
- ↑ а б Белорусские системы РЭБ выводят из строя турецкие дроны над Ливией // Avia.pro, 27 июня 2020
- ↑ Беларусь выходит в лидеры на рынке средств радиоэлектронной борьбы, Не исключено, что белорусская электроника двойного назначения применялась в ходе боевых действий в Сирии (4 мая 2018)
- ↑ Белорусская «Гроза-С» в Сирии вырвала зубы у американских «Жнецов» // Discred, 15 сентября 2020
- ↑ Белорусская «Гроза» засветилась в воюющей Ливии Архівавана 17 студзеня 2021.
- ↑ Виталий Орлов. Хитрые минские «Грозы» Архівавана 29 жніўня 2021. // Газета "Военно-промышленный курьер", выпуск № 31 (894) за 17 августа 2021 года.
- ↑ Боевое применение белорусских комплексов РЭБ. Не факт.
- ↑ В Азербайджане рассказали о том, что сбивают беспилотники Армении при помощи белорусских комплексов «Гроза-С» (4 ноября 2020)
Спасылкі
правіць- Станцыя радыёэлектроннай барацьбы з беспілотнымі лятальнымі апаратамі «Навальніца-С» (на шасі грамадзянскіх аўтамабіляў) Архівавана 22 студзеня 2021. на афіцыйным сайце КБ «Радар»
- Станцыя радыёэлектроннай барацьбы з беспілотнымі лятальнымі апаратамі «Навальніца-С» (на шасі ваенных аўтамабіляў) Архівавана 27 кастрычніка 2020. на афіцыйным сайце КБ «Радар»