Палацава-паркавы комплекс Войніч-Сянажэцкіх

Палацава-паркавы комплекс Войніч-Сянажэцкіх  —  помнік архітэктуры класіцызму. Пабудаваны ў пачатку XIX ст. у в. Хальч (Веткаўскі раён) у былым маёнтку Халецкіх, на правым беразе р. Сож. У пачатку XX ст. належаў Сежаржэцкім.

Палацава-паркавы комплекс
Палацава-паркавы комплекс Войніч-Сянажэцкіх
Усадьба Войнич-Сеножецких.jpg
52°34′12,10″ пн. ш. 31°07′50,85″ у. д.HGЯO
Краіна Беларусь
Вёска Хальч (Веткаўскі раён)
Архітэктурны стыль Класіцызм
Дата заснавання XIX ст.
Будынкі:
палац • парк
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 312Г000182шыфр 312Г000182

АрхітэктураПравіць

 
Сядзіба Войнічаў. Напалеон Орда, XIX ст.

Палац стаяў у цэнтры сядзібнага ансамбля, які складаўся з галоўнага двухпавярховага корпуса і двух бакавых аднапавярховых флігеляў (не зберагліся), якія абмяжоўвалі парадны двор з рэгулярна спланаваным партэрам.

ПалацПравіць

 
Палац, фота пач. XX ст.

Палац — кампактны прамавугольны ў плане аб'ём, накрыты вальмавым дахам. Першы паверх мураваны, апрацаваны рустам, другіі драўляны, атынкаваны. Цэнтральная частка з двухсхільным дахам вылучаная на галоўным фасадзе шасцікалонным іанічным порцікам, узнятым з дапамогай масіўных пілонаў на ўзровень другога паверху, а на паркавым фасадзе — паўкруглай тэрасай з каланадай на першым паверсе. З усходняга боку аднапавярховая прыбудова з дадатковым уваходам. Планіроўка калідорная. Парадныя памяшканні і галоўная зала на другім паверсе мелі выхады на балкон галоўнага фасада і паркавую тэрасу, аб'ядноўваліся калідорамі. Пад будынкам скляпеністыя сутарэнні.

ПаркПравіць

Каля палацу разбіты пейзажны парк. Гаспадарчыя будынкі стаяць убаку ад палацу.

Сучасны станПравіць

Рэстаўрыраваны ў 1970-я гады. У будынку размешчаная філіял Гомельскага абласнога краязнаўчага музея.

ЛітаратураПравіць

  • Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.

СпасылкіПравіць