Раман Ігаравіч Козел

беларускі футбаліст

Раман Козел (нар. 7 лютага 1997, Брэст) — беларускі футбаліст, абаронца клуба «Слонім-2017».

Футбол
Раман Козел
Поўнае імя Раман Ігаравіч Козел
Нарадзіўся 7 лютага 1997(1997-02-07)[1] (24 гады)
Грамадзянства Flag of Belarus.svg Беларусь
Пазіцыя абаронца
Інфармацыя пра клуб
Клуб Беларусь Слонім-2017
Нумар 8
Клубная кар’ера[* 1]
2013—2016 Беларусь Дынама (Брэст) 0 (0)
2017 Беларусь Слонім-2017 15 (3)
2017 Беларусь Крумкачы (Мінск) 12 (0)
2018 Беларусь Белшына (Бабруйск) 24 (0)
2019 Беларусь Рух (Брэст) 2 (0)
2019 Беларусь Граніт (Мікашэвічы) 14 (2)
2020 Беларусь Дынама-Брэст-1960 (Маларыта) 21 (4)
2021— Беларусь Слонім-2017
Нацыянальная зборная[* 2]
2017 Беларусь Беларусь (да 21) 1 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 красавіка 2021.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 17 лістапада 2017

Клубная кар’ераПравіць

З’яўляецца выхаванцам брэсцкага «Дынама», дзе выступаў за дубль. У 2015—2016 гадах не гуляў з-за службы ў арміі. У пачатку 2017 года перайшоў у клуб Першай лігі «Слонім-2017», дзе стаў трывалым іграком асновы і дапамог камандзе па выніках першай паловы сезона апынуцца сярод лідараў турніру.

У ліпені 2017 года стаў іграком сталічных «Крумкачоў»[2]. 29 ліпеня 2017 года дэбютаваў у Вышэйшай лізе, правёўшы ўсе 90 хвілін у матчы супраць «Віцебска» (2:2). Пазней замацаваўся ў якасці асноўнага правага абаронцы каманды.

У пачатку 2018 года рыхтаваўся да новага сезона з «Крумкачамі», аднак пасля ўзнікнення ў клуба праблем з атрыманнем ліцэнзіі на ўдзел у Вышэйшай лізе ў сакавіку 2018 года далучыўся да «Белшыны», з якой неўзабаве падпісаў кантракт[3]. У складзе бабруйскага клуба замацаваўся ў аснове.

У студзені 2019 года перайшоў у брэсцкі «Рух»[4]. Аднак не здолеў замацавацца ў складзе, згуляў толькі ў двух матчах у Першай лізе і ў адным матчы Кубка Беларусі. У ліпені 2019 года пакінуў брэсцкую каманду[5] і неўзабаве стаў іграком мікашэвіцкага «Граніта»[6], дзе замацаваўся ў стартавым складзе. У лютым 2020 года падпісаў новы кантракт з «Гранітам»[7], аднак ужо ў красавіку па фінансавых прычынах пакінуў каманду[8] і неўзабаве далучыўся да клуба «Дынама-Брэст-1960» з Другой лігі.

У пачатку 2021 года праходзіў прагляд у брэсцкім «Дынама», а ў красавіку стаў іграком «Слоніма-2017».

Міжнародная кар’ераПравіць

10 лістапада 2017 года дэбютаваў у моладзевай зборнай Беларусі, выйшаўшы на замену ў другім тайме таварыскага матча са зборнай Літвы на пазіцыю апорнага паўабаронцы.

Статыстыка выступленняўПравіць

Сезон Дывізіён Клуб Краіна Матчы Галы
2013 дубль Дынама-Брэст   6 0
2014 дубль Дынама-Брэст   27 1
2015 дубль Дынама-Брэст   4 0
2017 (1) Д2 Слонім-2017   15 3
2017 (2) Д1 Крумкачы   12 0
2018 Д2 Белшына   24 0
2019 (1) Д2 Рух   2 0
2019 (2) Д2 Граніт   14 2
2020 Д3 Дынама-Брэст-1960   21 4

Зноскі