ФК Слонім-2017

беларускі футбольны клуб

«Слонім-2017»беларускі футбольны клуб з горада Слонім. У цяперашні час выступае ў Першай лізе чэмпіянату Беларусі.

Слонім-2017
ФК Слонім.jpeg
Поўная назва Дзяржаўная спартыўная ўстанова «Футбольны клуб „Слонім 2017“»
Заснаваны 2009
Горад Слонім, Беларусь
Стадыён «Юнацтва»
Умяшчальнасць: 2220
Дырэктар Сяргей Салдаценка
Галоўны трэнер Ігар Латаш
Чэмпіянат Першая ліга
2021 12 месца
Форма
Асноўная
форма
Форма
Гасцявая
форма

ГісторыяПравіць

«Белтрансгаз»Правіць

Клуб быў заснаваны ў 2009 годзе пад назвай «Белтрансгаз». Галоўным спонсарам стала слонімскае ўпраўленне магістральных газапровадаў.

Новаствораны клуб адразу перамог у чэмпіянаце Гродзенскай вобласці, а на наступны год заявіўся ў Другую лігу чэмпіянату Беларусі. У 2011 клуб доўгі час змагаўся за выхад у Першую лігу, але заняў трэцяе месца. У сезоне 2012 клуб датэрмінова гарантаваў сабе месца ў Першай лізе, заняўшы ў выніку другое месца.

Клуб меў агульны стадыён з іншым слонімскім футбольным клубам, «Камунальнікам». У 2011 «Камунальнік» вылецеў у Другую лігу, і два гады (да выхаду «Белтрансгаза» ў Першую лігу) існавала «слонімскае дэрбі».

«Слонім»Правіць

Пасля выхаду «Белтрансгаза» ў Першую лігу было ўзнята пытанне аб мэтазгоднасці існавання ў горадзе двух футбольных клубаў. У выніку, у студзені 2013 «Белтрансгаз» быў рэарганізаваны шляхам аб'яднання з «Камунальнікам»[1]. Клуб атрымаў назву «Слонім» і месца ў Першай лізе. Ігракі і трэнерскі штаб ў асноўным перайшлі з «Белтрансгаза», але заснавальнікам клуба стала не прадпрыемства «Белтрансгаз», а Слонімскі райвыканкам.

Амаль увесь сезон 2013 каманда правяла ўнізе табліцы. «Слонім» 13 разоў згуляў унічыю — болей за ўсіх у чэмпіянаце. Толькі пад канец турніру каманда стала трывала набіраць ачкі, але ўзняцца вышэй канкурэнтаў не змагла. У выніку — 13 месца.

Перад сезонам 2014 каманду пакінулі амаль усе асноўныя ігракі. Замест іх склад «Слоніма» утварылі мясцовыя футбалісты, а таксама ігракі, якія апынуліся незапатрабаванымі ў сваіх клубах. У выніку «Слонім» амаль адразу апынуўся ў канцы табліцы, дзе доўгі час змагаўся з пінскай «Хваляй» за захаванне прапіскі ў Першай лізе. Увосень 2014 «Слонім» выступаў паспяхова, што дазволіла камандзе за некалькі тураў да фінішу выратавацца ад вылету ў Другую лігу, але вышэй 15-га месца ўзняцца яна так і не здолела.

У сезоне 2015 «Слонім» здолеў умацавацца шэрагам вопытных ігракоў, дзякуючы чаму скончыў сезон на 9-м месцы, аднак у наступным сезоне апусціўся на 11-е.

«Слонім-2017»Правіць

У пачатку 2017 года новым трэнерам каманды стаў Вячаслаў Царук, які заняў месца нязменнага да таго рулявога сланімчан Аляксея Шубянка. Неўзабаве стала таксама вядома пра пераймевананне клуба ў «Слонім-2017»[2]. Пад кіраўніцтвам новага трэнера слонімскі паспяхова пачаў сезон 2017. Атрымаўшы некалькі перамог над фаварытамі, каманда скончыла першую палову сезона на трэцім месцы. Аднак, у жніўні 2017 года Вячаслаў Царук пакінуў пасаду галоўнага трэнера «Слоніма-2017», і другую палову чэмпіянату клуб правёў значна горш, апусціўшыся на выніковае 11-е месца.

Сезон 2018 каманда правяла роўна, знаходзячыся ў сярэдзіне табліцы, і ў выніку скончыла сезон на сёмым месцы. Першая палова сезона 2019 атрымалася для слонімскай каманды няўдалай, добра была пачата другая палова чэмпіянату, аднак хутка вынікі зноў пагоршыліся, у выніку «Слонім-2017» стаў трынаццатым. У 2020 годзе слонімская каманда амаль увесь час ішла ў сярэдзіне табліцы і скончыла сезон восьмай. У 2021 годзе ў камандзе гулялі пераважна маладыя футбалісты, многія з якіх былі ўзятыя ў арэнду ў іншых клубах. Няблага пачаўшы сезон, каманда неўзабаве апусцілася ўніз, а пасля апынулася на апошнім 12-м радку, дзе засталася да канца турніру. З-за планаванага пашырэння лігі, аднак, апошняя каманда не выбывала ў Другую лігу, і «Слонім-2017» застаўся ў Першай лізе.

Папярэднія назвыПравіць

  • 2009—2012: «Белтрансгаз»
  • 2013—2017: «Слонім»
  • з 2017: «Слонім-2017»

ДасягненніПравіць

Цяперашні складПравіць

Станам на ліпень 2022 года[3].

Пазіцыя Імя Год нараджэння
1   Бр Данііл Пяроў 2002
30   Бр Андрэй Агапаў 1998
4   Аб Кірыл Карпенка 1999
12   Аб Уладзіслаў Белашэвіч 2001
17   Аб Арцём Толкін 2000
20   Аб Віталь Чудзецкі 2003
  Аб Георгій Санакоеў 1998
3   ПА Кірыл Кіркіцкі 2002
5   ПА Ілья Анішчык 2002
7   ПА Даніял Чэрыўханаў 1998
9   ПА Аляксандр Пузач   1995
11   ПА Аляксей Чарнадараў 2001
Пазіцыя Імя Год нараджэння
13   ПА Вадзім Спасюк 1991
14   ПА Арцём Жвірбля 2001
15   ПА Арцём Шубко 1998
19   ПА Руслан Аскераў 2001
  ПА Максім Клунок 2000
  ПА Максім Лотыш 2001
6   Нап Марк Красноў 1995
8   Нап Максім Салаўёў 2001
10   Нап Васіль Журневіч 1995
16   Нап Віктар Берг 1994
18   Нап Яўген Баль 1998

Трэнерскі штабПравіць

Статыстыка выступленняўПравіць

Чэмпіянат і Кубак БеларусіПравіць

Сезон Ліга М Г В Н П Галы Ачкі Кубак Заўвагі
2009 Чэмпіянат Гродзенскай вобласці (Д4) 1 20 15 4 1 51–13 49 Пераход у Другую лігу
2010 Другая (Д3) 12 34 9 13 12 46–65 40 1/32 фіналу
2011 Другая (Д3) 3 30 20 4 6 84–29 64 1/16 фіналу
2012 Другая (Д3) 2 36 24 6 6 95–35 78 1/8 фіналу   Выхад у Першую лігу
2013 Першая (Д2) 13 30 7 13 10 38–45 34 1/16 фіналу
2014 Першая (Д2) 15 30 6 12 12 32–50 30 1/32 фіналу
2015 Першая (Д2) 9 30 13 2 15 41–55 41 1/16 фіналу
2016 Першая (Д2) 11 26 6 6 14 36–49 24 1/16 фіналу
2017 Першая (Д2) 11 30 10 7 13 33–46 37 1/16 фіналу
2018 Першая (Д2) 7 28 9 9 10 37–37 36 1/16 фіналу
2019 Першая (Д2) 13 28 4 9 15 18–47 21 1/16 фіналу
2020 Першая (Д2) 8 26 8 6 12 22–32 30 1/16 фіналу
2021 Першая (Д2) 12 33 3 7 23 27–62 16 1/32 фіналу
2022 Першая (Д2) 1/32 фіналу

Галоўныя трэнерыПравіць

Зноскі

СпасылкіПравіць