Вікіпедыя

Расследаванне ЭКПЧ і УВКПЧ па Тыграі

Асноўны артыкул: Ваенныя злачынствы падчас Тыграйскага канфлікту

Расследаванне ЭКПЧ і УВКПЧ па Тыграі (англ.: EHRC–OHCRC Tigray investigation) — сумеснае расследаванне Эфіопскай камісіі па правах чалавека (ЭКПЧ) і Упраўлення Вярхоўнага камісара ААН па правах чалавека (УВКПЧ) выпадкаў парушэнняў правоў чалавека ў ходзе Тыграйскага канфлікту, які ўспыхнуў у лістападзе 2020 года. Мерапрыемствы па разглядзе злачынстваў пачаліся ў сакавіку 2021 года[1][2][3].

Гісторыя правіць

У сакавіку 2021 года Вярхоўны камісар ААН па правах чалавека Мішэль Бачэлет заявіла, што УВКПЧ з урадавай камісіяй па правах чалавека Эфіопіі дамовіліся правесці сумеснае расследаванне парушэнняў правоў чалавека ў зоне Тыграйскага канфлікту[1]. Як адзначалася ў ААН, яны будуць разглядаць «парушэнні правоў чалавека, учыненыя ўсімі бакамі ў кантэксце канфлікту ў Тыграі». УВКПЧ заявіла, што яно і ЭКПЧ падтрымліваюць пастаяннае партнёрства і падзяляюць мэты адказнасці за выкананне правоў чалавека. Першапачатковы этап расследавання быў запланаваны на трохмесячны перыяд[2][4].

У маі УВКПЧ і ЭКПЧ падпісалі пагадненне, у якім падрабязна апісаны «геаграфічны ахоп, пытанні расследавання і механізмы ўзаемадзеяння». Кожная з дзвюх камісій адабрала па шэсць чалавек для стварэння каманды з дванаццаці следчых. Былі таксама прызначаны супрацоўнікі па прававых пытаннях, гендэрных пытаннях, пытаннях бяспекі і перакладчыкі. Даніэль Бекэле, кіраўнік ЭКПЧ, заявіў, што яны не атрымоўвалі паведамленняў ад Афрыканскай камісіі па правах чалавека і народаў (АКПЧН) аб магчымым супрацоўніцтве ў расследаванні[3].

Справаздача правіць

Сумесная следчая група апублікавала сваю поўную справаздачу на 156 старонках 3 лістапада 2021 года, уключаючы 6-старонкавае рэзюмэ. Былі апісаны метады, прававая аснова, кантэкст, падрабязныя высновы, абмеркаванне механізмаў падсправаздачнасці і рэкамендацый. У якасці дадаткаў уключаны запыты да ўрада Эрытрэі, паўстанцаў і ўрада рэгіёну Амхара з просьбай даць адказы на высновы расследавання, а таксама 22-старонкавы адказ федэральнага ўрада Эфіопіі[5]. У справаздачы рэкамендуецца правесці поўнамаштабнае міжнароднае расследаванне, каб «выявіць характар і маштабы злоўжыванняў, а таксама вінаватых у самых цяжкіх злачынствах»[6].

Крытыка правіць

Як пісала The Guardian, многія тыграйскія дзеячы негатыўна ўспрынялі ўдзел ЭКПЧ у расследаванні[7].

Гебрэкірос Тэмарэ Гетачу ў артыкуле для Ethiopia Insight сцвярджаў, што мелася структурная прадузятасць: тыграйцы дэ-факта выключаны з Палаты народных прадстаўнікоў, перад якой ЭКПЧ падсправаздачна па законе. Ён раскрытыкаваў папярэднюю справаздачу камісіі аб разні ў Май Кадра за прадстаўленне «этнічных амхара ў якасці адзіных ахвяр», а таксама чатырохмесячную затрымку паміж разнёй у Аксуме і папярэдняй справаздачай па дадзеных падзеях. Гебрэкірос акцэнтаваў увагу на адсутнасць адказнасці вінаватых у справаздачы ЭКПЧ аб сексуальным гвалце падчас Тыграйскага канфлікту. Ён таксама сцвярджаў, што расследаванне будзе неэфектыўным з-за недаверу тыграйцаў да любых дзяржаўных камісій[8].

У чэрвені Дэбрэцыан Гебрэмікаэль, абраны кіраўнік Тыграя і лідар паўстанцкага руху, адхіліў расследаванне, заявіўшы: «Цалкам відавочна, што яно неаб’ектыўнае»[9].

Зноскі правіць

  1. ↑ а б Nichols, Michelle (2021-03-18). "U.N. rights chief agrees to Ethiopia request for joint Tigray inquiry". Thomson Reuters. Архівавана з арыгінала 2021-07-04. Праверана 2021-07-05.
  2. ↑ а б Ethiopia: The Office of the United Nations High Commissioner for Human Rights and the Ethiopian Human Rights Commission to conduct a joint investigation with a view to a credible accountability process. OHCRC (25 сакавіка 2021). Архівавана з першакрыніцы 4 ліпеня 2021. Праверана 5 ліпеня 2021.
  3. ↑ а б Sahlu, Sisay (2021-05-15). "Joint team to start investigation in Tigray". The Ethiopian Reporter. Архівавана з арыгінала 2021-07-04. Праверана 2021-07-05.
  4. ↑ Probe announced into alleged Tigray rights violations: UN rights office. United Nations (25 сакавіка 2021). Архівавана з першакрыніцы 4 ліпеня 2021. Праверана 5 ліпеня 2021.
  5. ↑ Report of the EHRC/OHCHR Joint Investigation into Alleged Violations of International Human Rights, Humanitarian and Refugee Law Committed by all Parties to the Conflict in the Tigray Region of the Federal Democratic Republic of Ethiopia. Ethiopian Human Rights Commission, Office of the United Nations High Commissioner for Human Rights (3 лістапада 2021). Архівавана з першакрыніцы 3 лістапада 2021. Праверана 3 лістапада 2021.
  6. ↑ International Investigation Needed into Abuses in Ethiopia – Joint Report Calls for Further Accountability in Widening Tigray Conflict. Human Rights Watch (4 лістапада 2021). Архівавана з першакрыніцы 5 лістапада 2021. Праверана 5 лістапада 2021.
  7. ↑ "Ethiopia's human rights chief as war rages in Tigray: 'we get accused by all ethnic groups'". The Guardian. 2021-06-02. Архівавана з арыгінала 2021-06-02. Праверана 2021-07-04.
  8. ↑ Gebrekiros Temare, Getachew (2021-04-12). "Justice will not be served by a joint Ethiopian-UN inquiry into Tigray atrocities". Ethiopia Insight. Архівавана з арыгінала 2021-06-02. Праверана 2021-07-05.
  9. ↑ Walsh, Declan (2021-07-03). "'I Didn't Expect to Make It Back Alive': An Interview With Tigray's Leader". The New York Times. Архівавана з арыгінала 2021-07-03. Праверана 2021-07-05.
Узята з "https://be.wikipedia.org/w/index.php?title=Расследаванне_ЭКПЧ_і_УВКПЧ_па_Тыграі&oldid=4473769"