Садъ
«Садъ» — беларускі музычны гурт з Брэста, створаны ў 1990 годзе. Выконвае песні па-руску.
| Садъ | |
|---|---|
 Канцэрт гурта «САДЪ» у музеі-сядзібе «Пружанскі палацык», 2009 | |
| Асноўная інфармацыя | |
| Гады | 1990-па сённяшні дзень |
| Краіна |
 Беларусь |
| Горад | Брэст |
| Адкуль | Брэст |
| Мова песень | Руская |
| Склад |
Уладзімір Серафімаў Анатоль Харытонаў Віталь Кунц Марына Кунц Аляксандр Катовіч |
| Былыя ўдзельнікі |
Аляксей Казлоў |
| Афіцыйны сайт | |
 Медыяфайлы на Вікісховішчы |
|
Гісторыя правіць
Дэбютны альбом («Меланхолия») быў запісаны Уладзімірам Серафімавым, Віталем Кунцам, Анатолем Харытонавым у 1990 годзе. Пасля гэтага гурт атрымаў запрашэнне на магілёўскі фэст «Будь спок!»-1991, сярод удзельнікаў якога быў і «Нейро Дюбель»[1]. Паводле згадак аднаго з арганізатараў фэсту Юрыя Раманава, «Садъ» стаў тады галоўным правалам «Будь спока!» з прычыны адсутнасці клавішных, драм-машынкі і гуку астатніх інструментаў удзельнікаў гурта[2]
На студыі ў Брэсцкім педагагічным інстытуце былі запісаныя яшчэ два неафіцыйныя альбомы («Вивисекция» і «Садъ и змей»). Афіцыйна песні тых гадоў былі перавыдадзеныя пазней у альбоме пад назвай «Меланхоличный садъизм», хоць часта годам ягонага выхаду пазначаецца 1990.
У 1995 годзе на студыі «Грын-Хаўс» у Брэсцкім парку імя Першага мая былі запісаныя альбомы «Помойка» і «Чай хана…». У 1996 годзе да гурта далучыўся Аляксей Казлоў. У наступным годзе на фірме «Вігма» выдадзеная кампакт-касета «Мы пред врагом не спустили». У 1998 годзе гурт узяў удзел ва ўсерасійскім рок-фэсце «Rock-Line» (Кунгур), дзе заняў першае месца з 226 удзельнікаў[3]. Запісаны альбом «С котом по эту сторону окна». Склад «Саду» папоўніла Марына Карпук. У 1999 замест Аляксея Казлова з’явіўся Аляксандр Катовіч. Выдадзены альбом «Зоосадъ». У 2000 запісаны альбом «Перекурчик в деревенском кабаре». У 2004 у Расіі выйшаў чарговы альбом «Паутинка в небо», які атрымаў перавыданне і шырокае прызнанне. Гурт пачаў з’яўляцца на радыё і тэлебачанні, на песні альбома былі знятыя кліпы. Цераз год у Маскве пачалося перавыданне ўсёй дыскаграфіі «Саду», выдадзены канцэртны альбом «Да пришли вы все…». У 2008 годзе гурт «Садъ» узяў удзел у фэсце «Рок-каранацыя» ў Маладзечна[4]. У 2011 годзе выйшаў альбом «Баллада о гордом рыцаре», у 2012 — апошні на дадзены момант альбом «Чистый керосинъ».
Апошнім часам замест Віталя Кунца, які разам з жонкай Марынай з’ехаў у Маскву, разам з «Садам» выступае ўдарнік гурта «Сьцяна» Аляксей Кузняцоў[5][6].
Музычны стыль гурта адныя крытыкі называюць сумессю гранжу, фолку і рэгі[3], іншыя ж чуюць у музыцы «Саду» элемэнты панку, арт-року, джазу і савецкай эстрады, трэція лічаць, што стыль гурта ўнікальны і не падддаецца азначэнню. Паводле вызначэння саміх удзельнікаў гурта, іхні стыль музыкі завецца «этнепанк» (ад рус. Это не панк — гэта ня панк)[3]. На канцэртах удзельнікі гурты задзейнічаюць гітару, бас, акардэон, флейту, ударныя. Падчас запісу альбомаў да іх могуць дадавацца скрыпка, віяланчэль, бонгі, тамбурын, балалайка, труба, гелікон і саксафон.[3]
Склад правіць
- Уладзімір Серафімаў — музыка, тэксты, гітара, спеў
- Анатоль Харытонаў — бас-гітара, клавішныя, аранжыраванне, гукарэжысура
- Віталь Кунц — ударныя
- Марына Кунц (Карпук) — флейта
- Аляксандр Катовіч — акардэон
Былыя ўдзельнікі правіць
- Аляксей Казлоў — акардэон, трамбон
Дыскаграфія правіць
- «Меланхолия» (1990)
- «Вивисекция»
- «Садъ и змей»
- «Помойка» (1995)
- «Чай хана…» (1996)
- «Мы пред врагом не спустили» (1997)
- «С котом по эту сторону окна» (1998)
- «Зоосадъ» (1999)
- «Перекурчик в деревенском кабаре» (2000)
- «Лучшие Садъовые песни» (2002)
- «Паутинка в небо» (2004)
- «Да пришли вы все…» (2005, канцэртны запіс)
- «МеланхоЛИЧНЫЙ САДЪизм» (2006)
- «Билетик» («Слон на ромашке», 2009)
- «Баллада о гордом рыцаре» (2011)
- «Чистый керосинъ» (2012)
- «Лучшие Садъовые песни» (2012)
Зноскі
- ↑ Клайд Эрман. Непоследний из могикан // В тихом омуте…. — 1998. — № 3.
- ↑ Юрий Романов.. Садъ — 2009 «Слон на ромашке» (руск.). Центр живого рока (24 лістапада 2009). Праверана 24 красавіка 2017.
- ↑ а б в г Дед Звукарь.. 10 основных фактов о группе СадЪ (руск.). Звуки.ру. (29 красавіка 2003). Праверана 24 красавіка 2017.
- ↑ «Ляпісы»: апошнія каралі апошняй «Рок-каранацыі». Будзьма разам! (15 сакавіка 2009). Праверана 24 красавіка 2017.
- ↑ Г. Шостак.. Это странное число 21 (САДЪ. Концерт в ДК с. Черни Брестской обл., 21.01.2011) (руск.) (28 студзеня 2011). Праверана 24 красавіка 2017.
- ↑ Г. Шостак.. Цветут сады в душе у нас (САДЪ в Рок-кафе, Брест, 5.11.2011) (руск.) (14 лістапада 2011). Праверана 24 красавіка 2017.
Літаратура правіць
- Г.Ш. «САДЪ» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 260–261. — 368 с. — 2 000 экз. — ISBN 978-985-6783-42-8.
Спасылкі правіць
- Афіцыйная старонка Архівавана 21 мая 2017. (руск.)
- Старая афіцыйная старонка (руск.)
- Садъ ў сацыяльнай сетцы «Facebook»
- Афіцыйная суполка Укантакце (руск.)
- Інтэрв’ю з Уладзімірам Серафімавым Архівавана 5 сакавіка 2016. (руск.)