Салігорскае вадасховішча

Салігорскае вадасховішча
Салігорскае вадасховішча
Каардынаты: 52°47′07,91″ пн. ш. 27°34′03,83″ у. д.HGЯO
Размяшчэнне	Беларусь
Вышыня над узроўнем мора	146,1 м
Даўжыня	24 км
Шырыня	2 км
Плошча	23,1 км²
Аб'ём	0,0559 км³
Даўжыня берагавой лініі	70 км
Найбольшая глыбіня	4,5 м
Плошча вадазбору	1793 км²
Упадаюць	Случ, Рутка, каналы
Выцякаюць	Случ
Год напаўнення	1967
; Салігорскае вадасховішча
; Салігорскае вадасховішча
	Медыяфайлы на Вікісховішчы

Саліго́рскае вадасхо́вішча^[1] — вадасховішча ў Салігорскім раёне Мінскай вобласці Беларусі на рацэ Случ, каля горада Салігорск.

Вадасховішча створана ў 1967 годзе ў мэтах забеспячэння вадой прадпрыемстваў вытворчага аб’яднання «Беларуськалій», рэгулявання сцёку ракі Случ абваднення сельскагаспадарчых угоддзяў, жыўлення рыбаводнай гаспадаркі^[1].

Плошча паверхні вадасховішча складае 23,1 км². Даўжыня 24 км, найбольшая шырыня 2 км. Даўжыня берагавой лініі 70 (61,2 км^[2]) км. Найбольшая глыбіня 4,5 м, сярэдняя — 2,5 м. Аб’ём вады 55,9 млн м³. Сярэдні шматгадовы сцёк 288 млн м³. Плошча вадазбору 1793 км². З захаду ўпадае рака Рутка.
Вадасховішча створана на месцы балотнага масіву (каля 40 % берагоў штучныя). Катлавіна моцна выцягнутая ў напрамку з паўночнага ўсходу на паўднёвы захад. Берагі нізкія, забалочаныя або ўмацаваныя дамбамі і насыпамі. Каля Салігорска вышыня берагоў 1—3 м. Моцна зарастае.

У вадасховішчы водзяцца шчупак, лешч, гусцяра, плотка, лінь, акунь і іншыя віды рыб.

Вакол вадасховішча створана зона адпачынку.

Зноскі

Літаратура

Салігорскае вадасховішча // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 108—109. — 10 000 экз. — ISBN 985-11-0035-8. — ISBN 985-11-0238-5 (т. 14).
Саліго́рскае вадасхо́вішча // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 643. — 800 с. — 5 000 экз. — ISBN 985-11-0026-9.
Республика Беларусь. Атлас охотника и рыболова: Минская область (руск.) / Редактор Г. Г. Науменко. — Мн.: РУП «Белкартография», 2009. — С. 32, 46—47. — 60 с. — 20 000 экз. — ISBN 978-985-508-174-7.
Республика Беларусь. Минская область: Общегеографический атлас (руск.) / Ред. Г. Г. Науменко. — Мн.: РУП «Белкартография», 2008. — С. 28. — 48 с. — 10 000 экз. — ISBN 978-985-508-054-2.

Спасылкі

[FOOTNOTEБеларусь1995-1] а ^б Беларусь 1995.

[спр-2] Водохранилища — Минская область. Морфометрические показатели и характерные уровни водохранилищ // Справочник «Водные объекты Республики Беларусь» Архівавана 9 кастрычніка 2020. (руск.)

[1]

[2]