Свята-Ануфрыеўская царква (Баршчэва)
Свята-Ануфрыеўская царква — праваслаўны храм у в. Баршчэва (Камянецкі раён). Размешчана на заходняй ускраіне вёскі, каля могілак. Помнік архітэктуры позняга класіцызму.
| Праваслаўны храм | |
| Свята-Ануфрыеўская царква | |
|---|---|
.jpg) Царква ў імя прападобнага Ануфрыя | |
| 52°21′21″ пн. ш. 23°30′32″ у. д.HGЯO | |
| Краіна |
 Беларусь |
| Вёска | Баршчэва |
| Канфесія | Беларуская праваслаўная царква |
| Епархія | Брэсцкая і Кобрынская |
| Архітэктурны стыль | класіцызм |
| Дата пабудовы | 1840 год |
| Статус |
 Гісторыка-культурная каштоўнасць Беларусі, шыфр 113Г000329 |
| Матэрыял | камень[d] |
 |
|
 Медыяфайлы на Вікісховішчы | |
Пабудавана ў 1840 г. з мясцовага бутавага каменю на сродкі вернікаў і мясцовай памешчыцы[1].
Архітэктура
правіць.jpg)
Царква вырашана кампактным прамавугольным у плане аб'ёмам пад двухсхільным дахам. На галоўным фасадзе вылучаецца рызаліт прытвора, на тыльным — прамавугольная апсіда з бакавымі рызніцамі. Плоскасныя фасады раскрапаваны руставанымі лапаткамі і прарэзаны прамавугольнымі аконнымі праёмамі, апяразанымі ліштвамі з замковымі камянямі. Атынкоўка і пабелка архітэктурнага дэкору кантрастна вылучае яго на фоне паліхромнай бутавай муроўкі сцен. Бляшаны дах па цэнтры завершаны двух'ярусным васьмігранным барабанам з цыбулепадобным купалам. Прамавугольны ўваходны праём і паўкруглая люкарна над ім вылучаны атынкаванымі ліштвамі.
Унутраная прастора з парамі драўляных слупоў размежавана на тры нефы. Апсіда вылучана драўляным разным іканастасам з паўкруглай салеяй перад ім. Над уваходам кансольна выступаюць хоры. Абраз 18 -19 ст. «Святая Магдаліна».
На восі царквы размешчана двух'ярусная (васьмярык на чацверыку) шатровая брама-званіца з макаўкай, выкладзена з бутавага каменю майстрамі з г. Высокае Камянецкага р-на.
Літаратура
правіць- Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі
правіць
На Вікісховішчы ёсць медыяфайлы па тэме Свята-Ануфрыеўская царква (Баршчэва)- Свята-Ануфрыеўская царква (Баршчэва) на сайце Radzima.org
- Свята-Ануфрыеўская царква (Баршчэва) на сайце Глобус Беларусі (руск.)
- Свята-Ануфрыеўская царква (Баршчэва) на сайце «Архіварта»
- ↑ НГАБ у г. Гродна, ф. 1, воп. 20, спр.265.