Свята-Успенская царква (Галяні 1)

Свя́та-Успе́нская царква́ — праваслаўны храм у вёсцы Галяні 1 Магілёўскага раёна Магілёўскай вобласці. Размяшчаецца ва ўсходняй частцы вёскі.

Праваслаўны храм
Свята-Успенская царква
53°47′52,80″ пн. ш. 30°36′29,30″ у. д.
Краіна	Беларусь
Вёска	Галяні 1
Канфесія	Праваслаўе
Епархія	Магілёўская і Мсціслаўская
Благачынне	Магілёўскае раённае
Архітэктурны стыль	эклектыка
Дата пабудовы	1903 год
Статус	Гісторыка-культурная каштоўнасць Беларусі, шыфр 513Г000490
Стан	дзейнічае
Медыяфайлы на Вікісховішчы

Гісторыя

Выгляд з боку апсіды

Пабудаваны ў 1903 годзе з цэглы.

Архітэктура

Помнік архітэктуры эклектыкі з выкарыстаннем форм старажытнарускага царкоўнага дойлідства. Чатырохчасткавая падоўжна-восевая кампазіцыя храма складаецца з прытвора-званіцы (васьмярык — чацвярык — васьмярык), працяглай трапезнай, кубападобнай малітоўнай залы з бакавымі прыдзеламі, паўкруглых апсіды і бакавых рызніц. Сяродкрыжжа завершана 8-гранным светлавым барабанам з шатровым верхам і макаўкай. Акрамя галоўнага ёсць 2 вуглавыя ўваходныя прытворы ў выглядзе далучаных да асноўнага аб'ёму гранёных прыбудоў. На плоскасных атынкаваных фасадах вылучаюцца пластычныя ліштвы аконных праёмаў з трохвугольнымі сандрыкамі.

Унутры пануе прастора сяродкрыжжа, завершанага светлавым барабанам на ветразевых скляпеннях.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл. — С. 288
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Успенская царква (Галяні 1)
• Свята-Успенская царква (Галяні 1) на сайце Праваслаўная архітэктура Беларусі (бел.)
• Свята-Успенская царква (Галяні 1) на сайце Radzima.org
• Свята-Успенская царква (Галяні 1) на сайце Глобус Беларусі (руск.)
• Свята-Успенская царква (Галяні 1) на сайце «Архіварта»