Сядзібна-паркавы комплекс Скірмунтаў (Моладава)

Сядзібна-паркавы комплекс Скірмунтаў — колішняя сядзіба ў в. Моладава (Іванаўскі раён), якая існавала ў канцы XVIII — пачатку XX ст. Належаў Скірмунтам.

Славутасць
Сядзібна-паркавы комплекс Скірмунтаў
Palac u Moladave - Skirmunt - 1937 AD.jpg
Сядзіба ў 1937 годзе
52°17′32,58″ пн. ш. 25°41′16,12″ у. д.HGЯO
Краіна Flag of Belarus.svg Беларусь
Вёска Моладава
Архітэктурны стыль ампір
Архітэктар фон Грос
Заснавальнік Сымон Скірмунт[d]
Будаўніцтва 17951798 гады

ГісторыяПравіць

 
Сядзіба на малюнку Н. Орды

Палац пабудаваны ў 17951798 гг. Сымонам Скірмунтам паводле праекту архітэктара фон Гроса (von Gross); меў рысы стылю ампір.

У 19051908 гг. перад уездам да сядзібы паводле праекта архітэктара Т. Раствароўскага Генрыхам Аляксандравічам Скірмунтам пабудавана капліца-пахавальня Скірмунтаў, якая захавалася да нашых дзён.

У 1939 г. палац быў разрабаваны. У 1943 г. — спалены, пазней разабраны на цэглу, а парк знішчаны.

АрхітэктураПравіць

 
Сядзіба на малюнку Н. Орды

Мураваны аднапавярховы прамавугольны ў плане на высокім цокалі будынак з трыма рызалітамі, накрыты вальмавым дахам. Сцены, аздобленыя рустам, завяршаліся антаблементам і карнізам на сухарыках. Цэнтральны рызаліт на галоўным фасадзе быў вылучаны дарычным порцікам з дзвюма парамі калон і трохвугольным франтонам, на фасадзе, што выходзіў у парк, — трохграннай галерэйкай з вальмавым пакрыццём. Бакавыя рызаліты на галоўным і паркавым фасадах былі вылучаны чатырохкалоннымі порцікамі з трохвугольнымі франтонамі. Высокія прамавугольныя вокны з франтончыкамі ў завяршэнні і скульптурнымі ўстаўкамі пад карнізамі.

Каля палаца стаяў мураваны аднапавярховы прамавугольны ў плане флігель з порцікам на галоўным фасадзе.

ЛітаратураПравіць

СпасылкіПравіць