Таганрог

Таганро́г (руск.: Таганрог) — горад (з 1775 года) у Расіі, у Растоўскай вобласці, марскі порт. Насельніцтва 264,4 тыс. чалавек (2007). Заснаваны ў 1698 годзе.

Горад Таганрог руск.: Таганрог Герб Сцяг Краіна Расія Суб’ект федэрацыі Растоўская вобласць Муніцыпальны раён Таганрог Каардынаты 47°14′00″ пн. ш. 38°54′00″ у. д. Кіраўнік Q28498870? Заснаваны 1698 Плошча 95 км² Вышыня цэнтра 30 м Насельніцтва ▼249 848 чал. (1 студзеня 2018) Часавы пояс UTC+03:00 Тэлефонны код 8634 Паштовыя індэксы 347900–347960 Код АКАТП 60437000000 Афіцыйны сайт tagancity.ru (руск.) Таганрог на карце Расіі ±

Медыяфайлы на Вікісховішчы

Геаграфія

Горад размешчаны на беразе Азоўскага мора ў Таганрогскім заліве на паўднёва-ўсходняй частцы Міускага паўвострава. Старая частка горада размешчана на мысу Тагані Рог. Горад размешчаны на раўніннай, хвалепадобнай мясцовасці, узвышаючыся над узроўнем мора на вышыню прыкладна да 75 м. У чарце горада працякаюць два ручаі: у раёне гаю Дубкі па балцы Вялікая Чарапаха і па балцы Малая Чарапаха.

Клімат сухі, умерана-кантынентальны з лішкам цяпла і адносным недахопам вільгаці. Сярэднегадавая тэмпература паветра — +9 °C. Максімальныя тэмпературы ліпеня − да +35−40 °C, мінімальныя тэмпературы студзеня − да −30 °C. Характэрныя моцныя вятры, часам яны суправаджаюцца нагонной хваляй, якая прыводзіць да падмывання берага і апоўзняў.

Насельніцтва

Год Колькасць 1897 51 000 1939 189 000 1959 202 000 Год Колькасць 1970 254 000 1975 277 000 1987 295 000 Год Колькасць 2000 284 000 2015 253 000 2017 250 287 Год Колькасць 2018 249 848

Эканоміка

Таганрог — важны прамысловы цэнтр Поўдня Расіі. Буйнейшае прадпрыемства — Таганрогскі металургічны завод: вытворчасць сталі, сталёвых труб для нафтавай і газавай прамысловасці, тавараў народнага спажывання. У горадзе развітая машынабудаўнічая прамысловасць: заводы «Чырвоны кацельшчык» (вытворчасць кацельнага абсталявання для электрастанцый), «Прэсмаш» (кавальна-прэсавае абсталяванне), «Вібрапрыбор», камбайнавы (выпуск збожжаўборачных камбайнаў), гандлёвага абсталявання, электратэрмічнага абсталявання, «Прыбой», суднарамонтны, «ТАГАЗ» (зборка легкавых і камерцыйных аўтамабіляў маркі Hyundai) і г. д. Ёсць шэраг прадпрыемстваў абароннай прамысловасці.

Таксама ёсць шэраг прадпрыемстваў хімічнай (заводы — «Тэрмапласт», лакафарбавы), лёгкай (гарбарня і іншыя) і харчовай (рыбны, мясны, кандытарскі, мукамольна-крупяны заводы) прамысловасці. У Таганрогу знаходзіцца штаб-кватэра аднаго з вядучых экспарцёраў збожжа, аграпрамысловай кампаніі «Югтранзитсервис».

Славутасці

Музей «Домік Чэхава»

• Аптэка Ідэльсона
• Архірэйскі дом
• Домік Чэхава
• Дамы Варвацы
• Дом Багдасарава
• Дом з кулямі
• Дом Лабанава
• Дом Лакіера
• Дом Лакіераў
• Дом Ласкіна
• Дом Лукіных
• Дом Намікоса
• Дом Папкова
• Дом Перэсціяні
• Дом Петруцы
• Дом Рафаіловіча
• Дом Сінодзі-Папова
• Дом Сімановіча
• Дом Сіроціных
• Дом Скамарангі
• Дом Случэнкі
• Дом Сфаэла
• Дом Цысарэнкі
• Дом Шыманоўскага
• Літаратурны музей А. П. Чэхава
• Лютэранская царква
• Музей «Горадабудаўніцтва і побыт г. Таганрога»
• Падземныя хады
• Помнік «У памяць аб рэвалюцыі 1905 года»
• Помнік А. П. Чэхаву
• Пятроўскія казармы
• Таганрогскі паштамт
• Скульптурная кампазіцыя «Чалавек у футляры»
• Чэхаўская набярэжная

Вядомыя асобы

Асноўны артыкул: Вядомыя асобы Таганрога

Антон Паўлавіч Чэхаў

• Мікалай Аляксеевіч Багараз (1874—1952) — расійскі хірург.
• Барыс Мікалаевіч Назаранка (1918—2000) — беларускі архітэктар.
• Кузьма Мікітавіч Галіцкі (1897—1973) — савецкі военачальнік, Герой Савецкага Саюза, генерал арміі.
• Васіль Андрэевіч Залатароў (1872—1964) — рускі і беларускі кампазітар і педагог.
• Фаіна Георгіеўна Ранеўская (1896—1984), савецкая актрыса тэатра і кіно.
• Канстанцін Апалонавіч Савіцкі (1844—1905) — рускі жанравы жывапісец, акадэмік.
• Міхаіл Ісаевіч Таніч (1923—2008) — савецкі і расійскі паэт-песеннік.
• Міхаіл Аляксандравіч Чалісаў (1898—1973) — вучоны-псіхіятр.
• Антон Паўлавіч Чэхаў (1860—1904) — расійскі пісьменнік, драматург, урач.
• Ігар Аляксандравіч Міхайлапула (нар. 1938) — беларускі хімік.
• Юрый Васільевіч Глазкоў (1930—2007) — фізік-оптык, доктар фізіка-матэматычных навук (1982), прафесар (1982).

Гарады-пабрацімы

•  Cherven Bryag^[d], Балгарыя
•  Famagusta Municipality^[d], Кіпр (2000)
•  Адэса, Украіна
•  Антрацыт, Украіна
•  Бадэнвайлер, Германія
•  Людэншайд, Германія
•  Марыупаль, Украіна
•  Пінск, Беларусь
•  Харцызск, Украіна
•  Цзінін^[d], Кітай

Гл. таксама

• Станцыя Таганрог-2

Літаратура

• Таганро́г // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 374. — 10 000 экз. — ISBN 985-11-0035-8. — ISBN 985-11-0251-2 (т. 15).
• Таганро́г // Т. 25. Струнино — Тихорецк. — М. : Советская энциклопедия, 1976. — С. 165—166. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Таганро́г // Географические названия Росии: Топонимический словарь: более 4000 единиц / Е. М. Поспелов. — М.: АСТ; Астрель, 2008. — С. 428. — 523 с. — 3 000 экз. — ISBN 978-5-17-054966-5 (Аст), ISBN 978-5-271-20728-0 (Астрель). (руск.)
• Таганро́г // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 464. — 592 с. — 210 000 экз. — ISBN 5-85270-057-6.
• Таганро́г // Географические названия мира: Топонимический словарь: Ок. 5000 единиц (руск.) / Е. М. Поспелов; Отв. ред. P. A. Агеева. — 2-е изд., стереотип.. — М.: Русские сло­вари: ООО «Издательство Астрель»: ООО «Издательство ACT», 2002. — С. 406. — 512 с. — ISBN 5-17-001389-2 (ООО «Издательство ACT»), ISBN 5-271-00446-5 (ООО «Издательство Астрель»), ISBN 5-93259-014-9 (Издательство «Русские словари»).

Спасылкі

• На Вікісховішчы ёсць медыяфайлы па тэме Таганрог