Шчомысліца (станцыя метро, Мінск)

«Шчомысліца» (трансліт.: Ščomyslica) — планаваная станцыя Маскоўскай лініі Мінскага метрапалітэна. Пачаць будаўніцтва планавалі спачатку ў 2013, потым у 2014 і 2015 гадах. Станам на верасень 2022 года будаўніцтва станцыі не плануецца, бо забудова мікрараёна ў Шчомысліцы была адменена і станцыя не будзе мець дастатковай пасажырскай плыні. Названа ад вёскі Шчомысліца і аднайменнага планаванага мікрараёна.

«Шчомысліца» Ščomyslica
Маскоўская лінія
Мінскі метрапалітэн
Раён	Мінскі раён
Код станцыі	109
Суседнія станцыі	Малінаўка

Маскоўская лінія
умоўныя абазначэнні
Смаленская Уручча Барысаўскі тракт Усход Маскоўская Парк Чалюскінцаў Акадэмія навук Плошча Якуба Коласа Плошча Перамогі Кастрычніцкая Плошча Леніна Інстытут культуры ЦЧ-1 «Маскоўскае» Грушаўка Міхалова Пятроўшчына Малінаўка Шчомысліца

Гісторыя

У 2009 годзе планавалася, што вёска і вакольная тэрыторыя стане новым жылым мікрараёнам Мінска, да ўзвядзення якога прыступяць у 2011 годзе. Раён-новабудоўля быў разлічаны на 50 тыс. чалавек. У канцы 2013 года планавалася ўвесці ў эксплуатацыю новую станцыю Мінскага метрапалітэна — «Шчомысліца», якая будзе ісці за станцыяй «Малінаўка». Таксама меркавалася будаўніцтва новага нацыянальнага футбольнага стадыёна на 30 тыс. месцаў з магчымасцю трансфармацыі да 40 тыс. месцаў. Побач са стадыёнам прадугледжвалася пабудаваць Нацыянальны выставачны цэнтр. Пасля змен у генеральным плане Мінска ў 2015 годзе гэты праект быў адменены.