Купалаўская (станцыя метро, Мінск)
Купалаўская (трансліт.: Kupalaŭskaja) — станцыя Мінскага метрапалітэна. Размешчана на Аўтазаводской лініі паміж станцыямі «Першамайская» і «Няміга». Адкрыта 31 снежня 1990 года ў складзе першага ўчастку Аўтазаводской лініі «Фрунзенская» — «Трактарны завод» (без «Першамайскай»). Звязана перасадкай са станцыяй «Кастрычніцкай» Маскоўскай лініі. З’яўляецца самай малалюднай станіцай Мінскага метрапалітэна: пасажырапаток тут у суткі складае каля 6 тысяч чалавек[1] (даныя за 2016 год)[2]. Названа ў гонар народнага беларускага паэта і пісьменніка Янкі Купалы, а таксама тэатра імя Янкі Купалы, які знаходзіцца побач.
«Купалаўская» руск.: Купаловская | |
|---|---|
Аўтазаводская лінія (Мінск) | |
| Мінскі метрапалітэн | |
 | |
| Дата адкрыцця | 31 снежня 1990 |
| Праектная назва | імя Янкі Купалы |
| Раён | Цэнтральны |
| Тып | аднаскляпеністая дробнага залажэння |
| Колькасць платформаў | 1 |
| Тып платформы | астраўная |
| Форма платформы | прамая |
| Архітэктары | Яўстафій Яўстаф’евіч Леановіч |
| Мастакі | Валерый Цімафеевіч Даўгала |
| Выхад да вуліц | праспект Незалежнасці, вуліца Энгельса, вуліца Карла Маркса |
| Пераходы на станцыі |
 Кастрычніцкая |
| Наземны транспарт | А 100, 111, 115э |
| Код станцыі | 216 |
| Суседнія станцыі | Няміга і Першамайская |
 Медыяфайлы на Вікісховішчы | |
Канструкцыя
правіцьСтанцыя метро «Купалаўская» — аднаскляпеністая, дробнага залажэння, мае два ўваходныя вестыбюлі. Станцыя злучаецца з «Кастрычніцкай» Маскоўскай лініі праз агульны вестыбюль і пераход, які злучае цэнтры платформаў[3].
«Купалаўская» і тунэлі Аўтазаводской лініі пабудаваны на меншай глыбіні, чым «Кастрычніцкая», і скляпенні станцыі аддзелены ад паверхні вуліцы Энгельса адлегласцю менш за метр.
Афармленне
правіцьТэма матываў паэзіі Янкі Купалы натхніла архітэктара Я. Леановіча і мастака В. Даўгалу, таму інтэр’ер так і перапоўнены гэтым сугуччам. Вядучая тэма задала тон усёй мастацкай кампазіцыі. Чыстыя белыя скляпенні асветлены схаванымі крыніцамі асвятлення. Рэльеф стылізаванага арнаменту складае яркі кантраст з керамікай, якой абліцаваны пуцявыя сцены. Каляровая палітра тут — цёплыя зеленавата-залацістыя адценні і цёмна-шэры, амаль зямлісты колер, якім выкладзены цокаль сцен і падлога пасадачнага перона. Дапаўняюць агульную кампазіцыю тарцавыя сцены, выкананыя з празрыстага падсветленага знутры каляровага мастацкага шкла. Усё разам стварае цэласны вобраз утульнасці і мяккіх беларускіх напеваў[4].
Выхады
правіцьАгульны з «Кастрычніцкай» выхад размешчаны на праспекце Незалежнасці і вядзе да Кастрычніцкай плошчы, Палацаў Рэспублікі і культуры прафсаюзаў, універмага ГУМ і ўніверсама «Цэнтральны».
Другі выхад, паўднёвы, размешчаны ў падземным пераходзе пад скрыжаваннем вуліц Карла Маркса і Энгельса і вядзе да тэатра імя Янкі Купалы, Аляксандраўскага сквера і будынка Адміністрацыі Прэзідэнта Рэспублікі Беларусь.
Выхад са станцыі з бок тэатра імя Янкі Купалы працуе з 7:00-21:00. У іншы час уваход ажыццяўляецца праз вестыбюль станцыі метро «Кастрычніцкая».
Фотагалерэя
правіць-
-
-
Пуцявая сцяна -
Назва на пуцявой сцяне -
Паказальнік маршруту старога ўзору -
Дэталі афармлення -
-
Інфармацыйная калона -
Выхад у горад
Зноскі
- ↑ Улічваліся толькі пасажыры, якія патрапілі на станцыю з уваходу на вуліцу Карла Маркса
- ↑ МІНСКІ МЕТРАПАЛІТЭН У 2016 ГОДЗЕ: ЛІЧБЫ І ФАКТЫ(недаступная спасылка). Мінскі метрапалітэн. Архівавана з першакрыніцы 27 сакавіка 2019. Праверана 5 снежня 2020.
- ↑ Мінчане далі мянушку "кішка" пераходу паміж Купалаўскай і Кастрычніцкай і "круг" вестыбюлю, які злучае абедзве станцыі. Гл.: Городской фольклор Минска: «бигуди», «гарлем», «помойка» и другое Архівавана 18 верасня 2021. //Інтэрфакс
- ↑ Станцыя метро Купавловская. Ato.by.
Спасылкі
правіць
На Вікісховішчы ёсць медыяфайлы па тэме Купалаўская (станцыя метро, Мінск)
