Шыман Караль Агінскі
Шыман Караль Агінскі (каля 1625 — 3 ліпеня 1694[1]) — вялікалітоўскі дзяржаўны і вайсковы дзеяч. Падкаморы віцебскі (з 1654), вялікі мечнік літоўскі (1679—1687), ваявода мсціслаўскі (1687—1688).
| Шыман Караль Агінскі | |||||||
|---|---|---|---|---|---|---|---|
.jpg) | |||||||
 Герб «Агінскі» | |||||||
|
|||||||
| Папярэднік | Юрый Тызенгаўзен | ||||||
| Пераемнік | Мікалай Францішак Агінскі | ||||||
|
|||||||
| Папярэднік | Ян Агінскі | ||||||
| Пераемнік | Аляксандр Ян Масевіч | ||||||
| Нараджэнне | каля 1625 | ||||||
| Смерць | 3 ліпеня 1694 | ||||||
| Месца пахавання | |||||||
| Род | Агінскія | ||||||
| Бацька | Самуэль Леў Агінскі | ||||||
| Маці | Соф'я з Білевічаў | ||||||
| Жонка |
Тэадора з Корсакаў Тэрэза Ясянецкая |
||||||
| Дзеці |
|
||||||
Біяграфія Правіць
Са старэйшай княжацкай лініі роду Агінскіх, сын Самуэля Льва і Соф’і з Білевічаў.
У 1641—1655 гадах навучаўся ва ўніверсітэце Франекера ў Галандыі, дзе на лацінскай мове выдаў кнігу пра паводзіны пры двары. У Галандыі ж ажаніўся з Т. Стаакман, якая неўзабаве па прыездзе ў Літву пакінула яго і вярнулася дадому.
У 1654 годзе атрымаў урад падкаморага віцебскага. Пасля захопу 22 лістапада 1654 года Віцебска расійскім ваяводам Шарамецьевым, разам з бацькам пераехаў у Вільню. У 1660 годзе далучыўся да войска вялікага гетмана літоўскага Вінцэнта Гансеўскага. У 1660—1663 гадах як паручнік удзельнічаў у вайсковых аперацыях. Пасля вяртання паводле Андрусаўскага перамір’я Віцебска ў склад Рэчы Паспалітай, застаўся на ўрадзе падкаморага.
Валодаў Еўем і Лёзнам. У 1690 годзе атрымаў спадчыну стрыечнага брата Марцыяна Аляксандра.
У шлюбе з Тэадорай Корсак меў сыноў Багуслава Казіміра, Марцыяна Міхала і 2 дачок. У шлюбе з Тэрэзай Войнай-Ясянецкай — сына Аляксандра.
Сябар Віленскага праваслаўнага Святадухаўскага брацтва[2]. У 1680 годзе перайшоў у каталіцтва. Быў фундатарам Віленскага касцёла кармелітаў босых, дзе і пахаваны.
Зноскі
Літаратура Правіць
- Грыцкевіч А. Агінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 203. — 688 с. — ISBN 985-11-0314-4 (т. 1), ISBN 985-11-0315-2.
- Грыцкевіч А. П. Агінскія // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — С. 33. — 20 000 экз. — ISBN 5-85700-074-2.