Юзаф Дамінік Касакоўскі

Юзаф Дамінік Касакоўскі
Юзаф Дамінік Касакоўскі
	польск.: Józef Dominik Kossakowski
	; Юзаф Дамінік Касакоўскі. Нясвіж, XIX ст.
	; Герб «Слепаўрон»
лоўчы вялікі літоўскі
	13 студзеня 1794 — 1795
Папярэднік	Юзаф Забела
Нараджэнне	16 красавіка 1771; Вайткушкі[d], Ковенскі павет, Троцкае ваяводства, Вялікае Княства Літоўскае, Рэч Паспалітая;
Смерць	2 лістапада 1840 (69 гадоў); Варшава, Царства Польскае, Расійская імперыя;
Месца пахавання	Касцёл Праабражэння Гасподняга ў Варшаве[d];
Род	Касакоўскія
Бацька	Міхал Касакоўскі
Маці	Барбара з Зыбергаў[d]
Жонка	Людвіка з Патоцкіх[d]
Дзеці	Stanisław Szczęsny Kossakowski[d] і Q123735535?
Член у	Таргавіцкая канфедэрацыя; Масонства;
Бітвы	Напалеонаўскія войны;
Узнагароды
	Медыяфайлы на Вікісховішчы

Юзаф Дамінік Касакоўскі (16 красавіка 1771, Вайткуны Ковенскага павета — 2 лістапада 1840, Варшава) — дзяржаўны і ваенны дзеяч Вялікага Княства Літоўскага. Апошні лоўчы вялікі літоўскі (з 1794), пасол на Чатырохгадовы Сойм. Кавалер Ордэна Белага Арла (1793), Крыжа Ганаровага Легіёна і Ордэна Каралеўства Абедзвюх Сіцылій (абодва 1813).

Біяграфія

Юзэф Дамінік Касакоўскі ў маладосці. Нясвіж, XIX ст.

У 1789 годзе атрымаў пасаду вількамірскага пісара гродскага, 11 сакавіка 1790 года — прызначэнне ротмістрам кавалерыі ў гусарскай брыгадзе. Быў грамадзяна-ваенным камісарам Вількамірскага павета, а таксама паслом ад гэтага павета на Чатырохгадовы сойм. Не падтрымаў Канстытуцыю 3 мая, удзельнік Таргавіцкай канфедэрацыі^[3]. У 1793 годзе ўзнагароджаны каралём Станіславам Аўгустам Панятоўскім Ордэнам Белага Арла.

10 лютага 1793 года ажаніўся з Людвікай Патоцкай.

21 мая 1793 года зрабіўся шэфам Другога палка пяхоты Вялікага Княства Літоўскага, а 13 студзеня 1794 года атрымаў пасаду лоўчага вялікага літоўскага. Удзельнік паўстання Тадэвуша Касцюшкі.

Удзельнічаў у вайне 1812 года: камандаваў палком, атрымаў раненні пад Барысавам (21 лістапада 1812) i на Бярэзіне. За ўдзел у абароне Спандаў атрымаў Крыж Ганаровага легіёна (10 жніўня 1813). 4 ліпеня 1813 года прызначаны шэфам батальёна, а 24 лістапада ўзнагароджаны Ордэнам Каралеўства Абедзвюх Сіцылій^[it].

Чалец масонскай ложы. Пакінуў рукапіс з успамінамі аб ваенных кампаніях 1812—1815 гадоў.

Падчас паўстання 1830—1831 гадоў Юзаф Дамінік Касакоўскі 9 жніўня 1831 года падпісаў акт пра далучэнне Віленскага ваяводства да паўстання.

Памёр 2 лістапада 1840 года ў Варшаве і пахаваны ў варшаўскім касцёле капуцынаў.

↑ ^а ^б Józef Dominik Kossakowski h. Ślepowron // Internetowy Polski Słownik Biograficzny
<a href="https://wikidata.org/wiki/Track:Q96022943"></a>
↑ Senatorowie i dygnitarze Wielkiego Księstwa Litewskiego 1386—1795 / пад рэд. J. Wolff — Kraków: 1885. — С. 240.
<a href="https://wikidata.org/wiki/Track:Q123243396"></a>
↑ Mariusz Machynia, Valdas Rakutis, Czesław Srzednicki. Wojsko Wielkiego Księstwa Litewskiego. — Kraków, 1999. S. 74.