Ян Мікалай Масальскі

Ян Мікалай Масальскі (1728 — 27 студзеня 1763) — дзяржаўны дзеяч Вялікага Княства Літоўскага.

Ян Мікалай Масальскі
Герб «Масальскі III»
Вялікі падчашы літоўскі 20 снежня 1756 — 27 студзеня 1763
Папярэднік	Казімір Адрыян Масальскі
Пераемнік	Яўхім Патоцкі
Нараджэнне	1728[…]
Смерць	27 студзеня 1763(1763-01-27) Новагародак, Новагародскі павет, Новагародскае ваяводства, Вялікае Княства Літоўскае, Рэч Паспалітая
Род	Масальскія
Бацька	Міхал Юзаф Масальскі
Маці	Францішка з Агінскіх[d]
Жонка	няма
Дзеці	няма
Званне	палкоўнік
Узнагароды	Ордэн Белага арла

Староста ваўкавыскі і радашковіцкі, палкоўнік артылерыі ВКЛ (1748), падчашы ВКЛ з 1756, пасол на соймы 1744, 1746, 1750.

Належаў да групоўкі Чартарыйскіх, праціўнікаў караля польскага і вялікага князя літоўскага Аўгуста III.

Быў абраны дэпутатам Трыбунала ВКЛ у 1761 і прэтэндаваў на пасаду маршалка. У выніку процідзеяння палітычных праціўнікаў яе не атрымаў, але яму было абяцана, што стане маршалкам наступнага Трыбунала. Абраны дэпутатам Трыбунала ВКЛ у 1762 і яго маршалкам, але раптоўна памёр.

Кавалер ордэна Белага Арла (1762).

Сям'я

Быў сынам вялікага літоўскага гетмана Міхала Юзафа Масальскага і Францішкі Агінскай, дачкі троцкага кашталяна Мікалая Францішка Агінскага.

Меў братоў Юзафа Адрыяна, Ігнацыя Якуба і Казіміра Адрыяна.

Не быў жанаты і не пакінуў нашчадкаў.

Літаратура

• Масальскі Ян Мікалай // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 342. — 696 с. — ISBN 978-985-11-0487-7 (т. 3), ISBN 985-11-0315-2.