Янка Бобрык

Янка Бобрык
Янка Бобрык
Асабістыя звесткі
Дата нараджэння	8 (21) ліпеня 1905
Месца нараджэння	Глуск, Бабруйскі павет, Мінская губерня, Расійская імперыя;
Дата смерці	25 жніўня 1942 (37 гадоў)
Месца смерці	Ленінград, РСФСР, СССР;
Пахаванне	Піскароўскія мемарыяльныя могілкі;
Грамадзянства	Расійская імперыя; СССР;
Жонка	Наталля Вячаславаўна Вішнеўская
Альма-матар	педагагічны факультэт БДУ;
Прафесійная дзейнасць
Род дзейнасці	паэт, кінакрытык
Мова твораў	беларуская
Грамадская дзейнасць
Партыя	КПСС;
Член у	Маладняк;
	Творы ў Вікікрыніцах
	Медыяфайлы на Вікісховішчы

Янка (Іван Іванавіч) Бобрык (21 ліпеня 1905, Глуск Магілёўскай вобласці — 25 жніўня 1942, Ленінград) — беларускі паэт, кінакрытык. Стрыечны брат С. Грахоўскага.

Біяграфія

Літаратурнае аб’яднанне «Маладняк», 1927. Янка Бобрык стаіць у цэнтры

У 1929 годзе скончыў літаратурна-лінгвістычнае аддзяленне педагагічнага факультэта БДУ, працаваў настаўнікам у Мілаславіцкай сямігадовай школе Клімавіцкага раёна. У 1931 годзе паступіў у аспірантуру Дзяржаўнай акадэміі мастацтвазнаўства ў Ленінградзе, з 1934 года быў навуковым супрацоўнікам сектара кіно гэтай акадэміі. Працаваў у сцэнарным аддзеле Белдзяржкіно (у Ленінградзе). З 1938 года галоўны рэдактар упраўлення па справах мастацтваў Ленінградcкага гарвыканкама.

У 1938 ажаніўся з паэтэсай Наталляй Вішнеўскай.

Валерый Маракоў, Янка Бобрык і Яўгенія Пфляўмбаўм гартаюць кнігі з бібліятэчкі «Маладняка». Мінск, 1925 г.

Падчас Вялікай Айчыннай вайны па стане здароўя быў зняты з ваеннага ўліку, але ў жніўні 1941 года дамогся, каб яму дазволілі стаць добраахвотнікам народнага апалчэння. У часе блакады, у канцы ліпеня 1942 яго знясіленага на вуліцы падабралі санітары і адправілі ў бальніцу. 25 жніўня Янка Бобрык памёр і пахаваны на Піскароўскіх могілках.

Творчасць

Друкаваўся з 1924 года, першы верш апублікаваны ў часопісе «Беларускі піянер». У 1926 годзе разам з Алесем Звонакам і Янкам Туміловічам выдаў калектыўны зборнік «Пунсовае ранне»^[1]. Аўтар паэмы «Галіна» (1930) пра жыццё вясковай інтэлігенцыі. Выступаў у перыёдыцы з апавяданнямі і нарысамі, пісаў артыкулы па гісторыі кіно і па пытаннях развіцця беларускай кінематографіі.

Зноскі

↑ Янка Бобрык, Алесь Звонак, Янка Туміловіч. Пунсовае ранне: вершы. — ЦБ «Маладняка». — Менск, 1926. — 62 с. — (Кніжніца «Маладняка»).

Літаратура

Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 200. — 10 000 экз. — ISBN 985-11-0035-8. — ISBN 985-11-0068-4 (т. 3).
Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1984. — Т. 1. А капэла — Габелен. — С. 458. — 727 с. — 10 000 экз.
Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992. — Т. 1. Абуховіч — Ватацы. — С. 295. — 542 с.; іл.. — ISBN 5-85700-061-0.
- Кветкі і вечны агонь (Я. Бобрык) // Грахоўскі С. Так і было: артыкулы, успаміны, эсэ. — Мн: Мастацкая літаратура, 1986. — С. 160-163.

Спасылкі

	Янка Бобрык у Вікікрыніцах
	Янка Бобрык на Вікісховішчы

Бобрык Янка (Іван Іванавіч)(недаступная спасылка) // Магілёўская абласная бібліятэка
Алесь Марціновіч. Янка Бобрык і Уладзімір Рагуцкі. Іх паэзія заўсёды будзе чутна ў курлыканні журавоў

[1] Янка Бобрык, Алесь Звонак, Янка Туміловіч. Пунсовае ранне: вершы. — ЦБ «Маладняка». — Менск, 1926. — 62 с. — (Кніжніца «Маладняка»).

[1]