Hypocnemoides melanopogon

Hypocnemoides melanopogon — від вераб’інападобных птушак сямейства Thamnophilidae. Жыве ў Амазоніі і на Гвіянскім нагор’і.

Hypocnemoides melanopogon
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Аднагалосыя Інфраатрад:  Tyrannides Клада:  Thamnophilida Сямейства:  Thamnophilidae Род:  Hypocnemoides Від:  Hypocnemoides melanopogon
Міжнародная навуковая назва
Hypocnemoides melanopogon Sclater, 1857
Арэал
Сістэматыка на Віківідах Выявы на Вікісховішчы ITIS   560544 NCBI   1118570

Апісанне

Даўжыня цела птушкі — 11,5 см. Самцы ў асноўным шэрай афарбоўкі, ніжняя частка цела ў іх святлейшая, горла чорнае, покрыўныя пёры крылаў чорныя, з трыма белымі палосамі. Хвост чорны, на канцы белы, на спіне белай плямы няма. Вочы светла-шэрыя, лапы шараватыя. У самак ніз цела белы, грудзі спярэшчаная шэрымі плямамі.

Падвіды

Адрозніваюць тры падвіды:

• H. m. occidentalis Zimmer, JT, 1932 — усходняя Калумбія, паўночны ўсход Эквадора і Перу, Венесуэла і паўночны захад Бразіліі
• H. m. melanopogon (Sclater, PL, 1857) — Гвіяна і поўнач бразільскай Амазоніі (на поўнач ад Амазонкі);
• H. m. minor Gyldenstolpe, 1941 — поўдзень цэнтральнай бразільскай Амазоніі (нізоўе рэк Пурус і Мадэйра, а таксама міжрэчча Тапажос і Такантынс).

Распаўсюджанне і экалогія

Распаўсюджаныя ў Калумбіі, Эквадоры, Перу, Венесуэле, Гаяне, Сурынаме, Французскай Гвіяне і Бразіліі. Жывуць на балотах і забалочаных лясах, у вільготных нізінных трапічных лясах і вільготных саванах, па берагах рэк і азёр. Сустракаюцца на вышыні да 700 м над узроўнем мора. Часта далучаюцца да змешаных зграй птушак. Жывяцца казуркамі і павукамі, якіх шукаюць у падлеску і над вадой, часам ідуць за вандроўнымі мурашкамі. Гняздо чашападобнае, глыбокае, зробленае з каранёў і лісця, размешчанае пад вялікім лістом, які служыць дахам для гнязда, звычайна падвешанае на сухой галінцы, якая звісае над вадой. У кладцы 2 яйкі.