Алена Канстанцінаўна Стампкоўская

Алена Канстанцінаўна Стампкоўская
Алена Канстанцінаўна Стампкоўская
Дата нараджэння	1921
Месца нараджэння	Мазуршчына, Старобінская воласць[d], Слуцкі павет, Расійская імперыя;
Дата смерці	26 чэрвеня 1942
Месца смерці	Зімавенька[d], Вялікатроіцкі раён[d], Курская вобласць, РСФСР, СССР;
Месца пахавання	Зімавенька[d];
Грамадзянства	СССР;
Прыналежнасць	СССР
Род войскаў	Рабоча-Сялянская Чырвоная Армія
Гады службы	1941—1942
Званне	сяржант
Часць	216-ы стралковы полк ; 76-й стралковай дывізіі ; 21-й арміі паўднёва-Заходняга фронта
Бітвы/войны	Вялікая Айчынная вайна;
Узнагароды і званні	;
	Медыяфайлы на Вікісховішчы

Алена Канстанцінаўна Стампко́ўская^[1] (1921 — 26 чэрвеня 1942) — Герой Савецкага Саюза, радыст, малодшы сяржант.

Біяграфія

Нарадзілася ў вёсцы Мазуршчына (цяпер — Салігорскі раён Мінскай вобласці) ў сям’і беларускага селяніна, удзельніка абароны Порт-Артура (руск.) (бел. і Грамадзянскай вайны Канстанціна Максімавіча Сцемпкоўскага. Там яна скончыла 7 класаў сельскай школы.

У канцы 1930-х гадоў сям’я пераехала ў пасёлак Баяут Баяуцкага раёна Сырдар’інскай вобласці Узбекскай ССР дзе тады пачалі развіваць баваўнаводства. Там яна пайшла вучыцца ў 8-ы клас. Пасля ўрокаў яна разам з аднакласнікамі працавала на плантацыях.

Пасля заканчэння школы паступіла ў Ташкенцкі педагагічны інстытут. У Чырвонай Арміі з чэрвеня 1941 года. Прайшла падрыхтоўку на курсах радыётэлеграфістаў. З студзеня 1942 года на фронце Вялікай Айчыннай вайны. Служыла ў стралковым батальёне 216-га стралковага палка (76-я стралковая дывізія, 21-я армія, Паўднёва-Заходні фронт).

У чэрвені 1942 года ў раёне вёскі Зімавенька Вялікатроіцкага раёна Курскай вобласці (цяпер Шэбекінскага раёна Белгародскай вобласці) батальён трапіў у акружэнне. Алена Стампкоўская забяспечвала радыёсувязь са штабам палка, а калі быў забіты карэктоўшчык, выклікала агонь на сябе. Пры прарыве кальца ў складзе ўзвода забяспечвала адыход батальёна да сваіх. Загінула ў гэтым баі. Пахаваная ў сяле Зімавенька.

Узнагароды

Званне Героя Савецкага Саюза (Указ Прэзідыума Вярхоўнага Савета СССР ад 15 мая 1946 года);
ордэн Леніна;
ордэн Чырвонага Сцяга.

Памяць

У цэнтральнай сядзібе саўгаса «Баяут-1» быў усталяваны помнік Гераіні.
Яна была залічана ў спісы студэнтаў Ташкенцкага дзяржаўнага педагагічнага інстытута, на будынку якога устаноўлена мемарыяльная дошка.
Імя Гераіні было прысвоена школам у вёсцы Мазуршчына, кішлаку Баяут-1, школе № 89 горада Ташкента, тэхнічнаму вучылішчу № 16 горада Валгаграда.
Шэбекінскім радыёклубам «Эфір» быў заснаваны дыплом імя Стампкоўскай.
Школа № 217 Чыланзарскага раёна горада Ташкента насіла імя Е. Стампкоўскай.

Зноскі

↑ БелЭн 2002.

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Стампкоўская Алена Канстанцінаўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 143. — 10 000 экз. — ISBN 985-11-0035-8. — ISBN 985-11-0251-2 (т. 15).
Савельев Л. Девушка из совхоза «Баяут» // Героини: очерки о женщинах — Героях Советского Союза / ред.-сост. Л. Ф. торопов; предисл. Е. Кононенко. — Вып. 2. — М.: Политиздат, 1969. — 463 с.
Селиванов Ф. Поединок // Молодые герои Великой Отечественной войны. — М.: Молодая гвардия, 1970. — С. 337—352.

Спасылкі

Стампкоўская Алена Канстанцінаўна на сайце анлайн-энцыклапедыі «Беларусь у асобах і падзеях»
Алена Канстанцінаўна Стампкоўская на сайце «Героі краіны»
Г. Г. Набойщиков. Смерть во имя жизни.
Диплом имени Стемпковской.
Беларусь у інфармацыйнай прасторы. 2021. Даты беларускага календара Архівавана 11 верасня 2022. // Нацыянальная бібліятэка Беларусі

[FOOTNOTEБелЭн2002-1] БелЭн 2002.

[1]