Англезіт
Англезі́т — мінерал класа сульфатаў, сульфат свінцу PbSO4. Назва паходзіць ад вострава Англсі ва Уэльсе, дзе мінерал знайшоў упершыню[1] ў 1832 годзе французскі мінералог і геолаг Франсуа Сюльпіс Бёдан (фр.: François Sulpice Beudant)[2].
| Англезіт | |
|---|---|
| |
| Формула | PbSO4 |
| Прымесь | Ba,Cu, Ag |
| Сінгонія | рамбічная |
| Колер | бясколерны, белы з жоўтым, шэрым,бурым, сінім адценнем |
| Колер рысы | бясколерны |
| Бляск | шкляны, смаляны, алмазны |
| Празрыстасць | празрысты, паўпразрысты, непразрысты |
| Цвёрдасць | 2,5—3 |
| Злом | няроўны |
| Шчыльнасць | 6,37—6,39 г/см³ |
| Паказчык пераламлення | nα = 1,878 nβ = 1,883 nγ = 1,895 |
У складзе англезіту: PbO — 73,6 % (свінцу 68,3 %) і SO3 — 26,4 %, прымесі барыю, медзі, серабра.
Уласцівасці правіць
Крышталізуецца ў рамбічнай сінгоніі. Утварае таблічастыя, прызматычныя крышталі, зярністыя і шчыльныя агрэгаты, жаўлакі, скарынкі. Бясколерны, белы і злёгку афарбаваны ў жоўты, шэры, буры, сіні колер. Бляск шкляны, смаляны, алмазны. Рыса бясколерная. Крохкі[1]. Цвёрдасць 2,5—3[1] па шкале Моаса. Шчыльнасць 6,37—6,39[1] г/см³. Цалкам раствараецца ў едкім калі, пры награванні раствараецца ў канцэнтраванай сернай кіслаце[1].
Паходжанне і радовішчы правіць
Англезіт мае пераважна гіпергеннае паходжанне. Утвараецца ў выніку акіслення галеніту і іншых сярністых злучэнняў свінцу ў свінцовых і поліметалічных радовішчах руд[1]. Сустракаецца разам з цэрусітам, галенітам, смітсанітам, сфалерытам, гётытам, ліманітам, пірамарфітам і малахітам[1] і інш.
Радовішчы і праяўленні ў Англіі, Аўстраліі, Аўстрыі, Германіі, Мексіцы, Намібіі, Расіі, Славеніі, ЗША, Уэльсе, Шатландыі[3].
Выкарыстоўваецца ў якасці руды на свінец.
Зноскі
- ↑ а б в г д е ё Англезит // Каталог Минералов. RU (руск.)
- ↑ Anglesite // Mindat.org (англ.)
- ↑ Англезит // Кристаллов.net (руск.)
Літаратура правіць
- Англезіт // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 347. — 10 000 экз. — ISBN 985-11-0035-8. — ISBN 985-11-0036-6 (т. 1).
- Малая советская энциклопедия / Гл. ред. Б. А. Введенский — 3-е изд. — М.: Советская энциклопедия, 1958. — 250 000 экз. — Т. 1. — С. 385. (руск.)
Спасылкі правіць
- Anglesite // Mindat.org (англ.)
- Англезит // Кристаллов.net (руск.)
- Англезит // Каталог Минералов. RU (руск.)
|
Англезіт на Вікісховішчы |
|---|