Аргентыт

Аргенты́т, сярэбраны бляск — мінерал класа сульфідаў, паліморфная высокатэмпературная (вышэй за 179 °С) мадыфікацыя сульфіда серабра Ag₂S. Прымешкі медзі, свінцу, жалеза і інш. Упершыню апісаны ў 1855 годзе.

Аргентыт
Формула	Ag2S
Прымесь	Cu, Pb, Fe
Сінгонія	кубічная
Крышталічная рашотка	a = 4.89 Z = 2 V = 116.93 Den(Calc)= 7.04
Крышталічная рашотка	a = 4.89 Z = 2 V = 116.93 Den(Calc)= 7.04
Колер	ад свінцова-шэрага да чорнага
Колер рысы	цёмна-шэры (бліскучы)
Бляск	металічны
Празрыстасць	непразрысты
Цвёрдасць	2—2,5
Спайнасць	недасканалая
Злом	няроўны, ракавісты
Шчыльнасць	7,2—7,4 г/см³

Крышталізуецца ў кубічнай сінгоніі. Утварае агрэгаты, плёнкі, пражылкі, украпанні. Колер ад свінцова-шэрага да чорнага. Цвёрдасць 2—2,5 па шкале Моаса. Шчыльнасць 7,2—7,4 г/см³. Змяшчае 87,06 % серабра і 12,94 % серы. Раствараецца ў азотнай кіслаце з выдзяленнем серы.

Паходжанне і радовішчы

Даволі рэдкі ў прыродзе мінерал. Сустракаецца ў гідратэрмальных жылах радовішчаў сярэбраных рудаў у Рудных гарах (Германія, Чэхія), у Нарвегіі, ЗША (Невада), Мексіцы, Перу.

Літаратура

• Аргентыт // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1). — С. 469.
• Малая советская энциклопедия / Гл. ред. Б. А. Введенский — 3-е изд. — М.: Советская энциклопедия, 1958. — 250 000 экз. — Т. 1. — С. 498. (руск.)

Спасылкі

• Аргентит // Каталог минералов. Ru (руск.)
• Argentite Mineral Data // Mineralogy Database (англ.)
• Argentite // Mindat.org. Hudson Institute of Mineralogy (англ.)
• Акантит // Кристаллов.net (руск.)
• Аргентит // Геологический словарь: в 2-х томах. / Под редакцией К. Н. Паффенгольца и др. — М.: Недра, 1978. (руск.)