Віталь Сцяпанавіч Севяранін

Віталь Сцяпанавіч Севяра́нін (руск.: Виталий Степанович Северянин; 21 сакавіка 1937) — вучоны ў галіне цеплаэнергетыкі, доктар тэхнічных навук (1987), прафесар (1989). Акадэмік Беларускай інжынернай акадэміі (1997), Беларускай акадэміі сацыяльных навук (1999).

Віталь Сцяпанавіч Севяранін
руск.: Виталий Степанович Северянин
Дата нараджэння	21 сакавіка 1937(1937-03-21) (87 гадоў)
Месца нараджэння	Іркуцк, Усходне-Сібірская вобласць[d], РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	цеплаэнэргетыка[d]
Месца працы	Інжынерны цэнтр энергетыкі Урала[d] БрДТУ
Навуковая ступень	доктар тэхнічных навук (1987)
Навуковае званне	прафесар
Альма-матар	энергетычны факультэт БНТУ
Прэміі	прэмія Нацыянальнай акадэміі навук Беларусі (1997)
Узнагароды

Біяграфія

В. С. Севяранін нарадзіўся ў Іркуцку. З 1947 па 1955 год жыў у Пінску, скончыў сярэднюю школу № 4. Працаваў ва Уральскім цеплатэхнічным навукова-даследчым інстытуце ў Чалябінску. З 1973 года В. С. Севяранін у Брэсцкім інжынерна-будаўнічым інстытуце (сучасны Брэсцкі дзяржаўны тэхнічны ўніверсітэт). З 1979 па 1987 год займаў пасаду загадчыка кафедры цеплагазазабеспячэння і вентыляцыі факультэта інжынерных сістэм і экалогіі, з 1991 года — з 1991 — кіраўнік лабараторыі «Пульсар».

Навуковая дзейнасць

В. С. Севяраніну належаць працы па праблемах гарэння розных відаў паліва, цепламасаабмену, асновах энергазберажэння. Выявіў слаявое пульсуючае гарэнне і ўстанавіў яго фазавыя суадносіны. Таксама даследаваў асаблівасці абдзімання паліва пульсуючым патокам. Аўтар больш за 400 публікацый. Больш за 200 тэхнічных канструкцый, схем, гуманітарных ідэй абаронены патэнтамі на вынаходствы.

Узнагароды і званні

• Прэмія Нацыянальнай акадэміі навук Беларусі 1997 года.
• Медаль Францыска Скарыны (2016).
• Ганаровы прафесар Брэсцкага дзяржаўнага тэхнічнага ўніверсітэта (2001).
• Чалавек года (2004, 2012) па версіі Амерыканскага біяграфічнага інстытута (American Biographical Institute).

Літаратура

• Севяранін Віталь Сцяпанавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 291. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Севяранін Віталь Сцяпанавіч на сайце анлайн-энцыклапедыі «Беларусь у асобах і падзеях»
• Вучоныя Беларусі. Севяранін Віталь Сцяпанавіч // Нацыянальная бібліятэка Беларусі
• Северянин Виталий Степанович (руск.) // Рэспубліканская навукова-тэхнічная бібліятэка
• База патэнтаў Беларусі (руск.)