Караліна Плішкава

Караліна Плішкава (афіцыйна пасля замужжа — Грдлічкава, чэшск.: Karolína Plíšková; чэшск.: Hrdličková; нар. 21 сакавіка 1992(1992-03-21)^[…], Лоўні^[d], Чэхаславакія) — чэшская прафесійная тэнісістка, былая першая ракетка свету ў адзіночным разрадзе; фіналістка двух турніраў Вялікага шлема ў адзіночным разрадзе (Адкрыты чэмпіянат ЗША-2016, Уімблдан-2021); пераможца 21 турніру WTA (з іх 16 у адзіночным разрадзе); трохразовая ўладальніца Кубка Федэрацыі (2015—2016, 2018) у складзе нацыянальнай зборнай Чэхіі; пераможца аднаго юніёрскага турніру Вялікага шлема ў адзіночным разрадзе (Адкрыты чэмпіянат Аўстраліі-2010).

Караліна Плішкава
Нарадзілася	21 сакавіка 1992(1992-03-21)[…] (32 гады) Лоўні[d], Чэхаславакія
Грамадзянства	Чэхія
Рэзідэнцыя	Монтэ-Карла, Манака
Рост	186 см
Вага	72 кг
Прафесійная кар’ера	2009 — ц.ч.
Вядучая рука	правая
Удар злева	двуручны
Трэнер(ы)	Леаш Фрыдль
Прызавыя грошы	25 042 076 $
Адзіночны разрад
Вынікі (в/п)	627–359
Тытулы	16 WTA, 10 ITF
Найвышэйшы рэйтынг	1 (17 ліпеня 2017)
Турніры серыі Вялікага шлема
Аўстралія	1/2 фіналу (2019)
Францыя	1/2 фіналу (2017)
Уімблдан	фінал (2021)
ЗША	фінал (2016)
Парны разрад
Вынікі (в/п)	184–146
Тытулы	5 WTA, 6 ITF
Найвышэйшы рэйтынг	11 (31 кастрычніка 2016)
Турніры серыі Вялікага шлема
Аўстралія	1/2 фіналу (2016)
Францыя	1/4 фіналу (2021)
Уімблдан	1/2 фіналу (2016)
ЗША	3-і раўнд (2016)
karolina-pliskova.com (чэшск.)​ (англ.)
Медыяфайлы на Вікісховішчы
Апошняе абнаўленне: 14 лістапада 2022 года

Агульная інфармацыя

Караліна — адна з дзвюх дачок Радэка Плішка і Марціны Плішкавай; яе сястру-блізніцу завуць Крысціна.

Абедзве сястры прафесійна гуляюць у тэніс, Караліна ўпершыню прыйшла на корт у чатыры гады. Цяпер чэшка трэніруецца ў адным з пражскіх тэнісных клубаў.

Спартыўная кар’ера

Пачатак кар’еры

Караліна і Крысціна Плішкавы ў 2012 годзе

У маі 2007 года ва ўзросце 15 гадоў Караліна дэбютавала ў WTA-туры, згуляўшы на хатнім для сябе турніры ў Празе. У красавіку 2008 года яна здабыла першую перамогу на турніры ITF. У канцы таго ж месяца Плішкава ізноў згуляла на турніры ў Празе і змагла абыйграць Алісію Молік і Каю Канэпі, дайшоўшы да чвэрцьфіналу, дзе яна прайграла Вікторыі Азаранка. За 2009 год чэшская тэнісістка змагла выйграць два тытулы на 25-тысячніках ITF. У студзені 2010 года выйграла адзіночныя юніёрскія спаборніцтвы Адкрытага чэмпіянату Аўстраліі. У тым сезоне яна змагла выйграць яшчэ адзін 25-тысячнік ITF і адзін турнір з прызавым фондам 50 000 долараў. У 2011 годзе яна перамагла на двух 25-тысячніках у адзіночным і двух у парным разрадзе сумесна з сястрой-блізніцай Крысцінай. Таксама чэшкі ў жніўні таго года змаглі выйграць парны трафей на 100-тысячніку ў Ванкуверы.

За 2012 год Плішкава выйграла два адзіночных і тры парных 25-тысячнікі ITF. У маі таго года яна ўпершыню згуляла ў асноўнай сетцы турніру серыі Вялікага шлема, прайшоўшы кваліфікацыйны адбор Адкрытага чэмпіянату Францыі. У першым раўндзе 20-гадовай чэшцы дасталася ў суперніцы восьмая ракетка свету на той момант Марыён Барталі. Больш знакамітая францужанка выйграла з лікам 6-3, 6-3. Таксама праз тры раўнды кваліфікацыі Караліна прабілася на Уімблданскі турнір, дзе ў першым раўндзе саступіла Слоан Стывенс.

На Адкрытым чэмпіянаце Аўстраліі 2013 года Караліна выбыла ў першым жа раўндзе. На пачатку сакавіка чэшка змагла выйграць першы тытул WTA. Адбылося гэта на турніры ў Куала-Лумпуры, дзе ў фінале яна абыйграла Бетані Матэк-Сандс 1-6, 7-5, 6-3. Пасля гэтага поспеху Плішкава ўвайшла ў топ-100 сусветнай жаночай класіфікацыі. У красавіку на турніры ў Катавіцах яна дайшла да 1/4 фіналу. На Адкрытым чэмпіянаце Францыі прайграла ў першым раўндзе, а на Уімблданскім турніры на старце перайграла 16-ю ў свеце Надзею Пятрову і прайшла ў стадыю другога раўнда. На Адкрытым чэмпіянаце ЗША Плішкава ізноў прайграла ў першым раўндзе. У верасні яна выйграла 50-тысячнік ITF у Кітаі, а ў кастрычніку ў пары з сястрой Крысцінай выйграла турнір WTA ў Лінцы.

2014—2015 (перамога ў Кубку Федэрацыі і дэбют у топ-10)

Караліна на Адкрытым чэмпіянаце Францыі 2015 года

На Аўстралійскім чэмпіянаце 2014 года Плішкава выйшла ў другі раўнд. Пасля яго трапіла ў фінал на турніры ў Патаі, але саступіла ў барацьбе за тытул Кацярыне Макаравай 3-6, 6-7(7). У красавіку яна выходзіць у чвэрцьфінал у Мантэрэі і паўфінал у Куала-Лумпуры. У маі Караліна выйшла ў яшчэ адзін чвэрцьфінал у Празе, а на турніры ў Нюрнбергу змагла выйсці ў фінал і абыйграць у чвэрцьфінале тэнісістку з топ-10 — Анжаліку Кербер (7-6(5), 6-4). У фінале яна саступіла прадстаўніцы Канады Эжэні Бушар. У парным розыгрышы турніру ў Нюрнбергу яна выйграла галоўны прыз, выступаючы ў альянсе з Міхаэлай Крайчак. На Адкрытым чэмпіянаце Францыі чэшка ў другім раўндзе прайграла № 3 у свеце Агнешцы Радваньскай. На Уімблданскім турніры на той жа стадыі яна саступіла Сабіне Лісіцкі.

У ліпені 2014 года на турніры ў Бадгастайне яна выйшла ў чвэрцьфінал, а ў парных спаборніцтвах у дуэце з сястрой Крысцінай заваявала галоўны трафей. Праз тыдзень на турніры ў Стамбуле яна ізноў прайшла ў 1/4 фіналу. На Адкрытым чэмпіянаце ЗША ў матчы другога раўнда Караліне ўдалося перайграць 9-ю ракетку свету Ану Іванавіч і ўпершыню прайсці ў трэці раўнд турніру Вялікага шлема. У верасні на турніры ў Ганконгу Плішкава дайшла да абодвух фіналаў. У адзіночным разрадзе яна саступіла ў вырашальным матчы першай сеянай на турніры Сабіне Лісіцкі, а ў парным сумесна з сястрой змагла заваяваць тытул. Праз тыдзень ёй пакарыўся галоўны трафей турніру ў Сеуле. У фінале была пераможана Варвара Лепчанка з лікам 6-3, 6-7(5), 6-2. Яшчэ адзін тытул яна выйграла ў лістападзе, абыйграўшы ў фінале турніру ў Лінцы Камілу Джорджы. Па выніках 2014 года яна заняла 24-е месца ў сусветным рэйтынгу.

У студзені 2015 года Плішкава выйшла ў фінал турніру ў Сіднеі, абыйграўшы сярод іншых 9-ю ракетку свету Анжаліку Кербер. У вырашальным матчы яна саступіла суайчынніцы Петры Квітавай на двух тай-брэйках. На Аўстралійскім чэмпіянаце Караліна ўпершыню трапіла ў трэці раўнд, дзе прайграла расіянцы Кацярыне Макаравай. У лютым Плішкава згуляла першыя матчы за зборную Чэхіі ў розыгрышы Кубка Федэрацыі. У тым жа месяцы яна выйшла ў 1/2 фіналу турніру ў Антверпене, а затым упершыню ў кар’еры дайшла да фіналу на турніры серыі Прэм’ер 5. Адбылося гэта ў Дубаі, дзе для дасягнення поспеху яна абыйграла Анастасію Паўлючэнкаву, Барбару Стрыцаву, Ану Іванавіч, Луцыю Шафаржаву і Гарбінье Мугурусу. У выніковым матчы таго турніру ёй супрацьстаяла першы нумар пасеву Сімона Халеп, якая змагла абыйграць Плішкаву 6-4, 7-6(4). Лютаўскія вынікі дазволілі чэшцы трапіць у топ-20 жаночай класіфікацыі. На сакавіцкіх супертурнірах у Індыян-Уэлсе і Маямі яна выйшла ў чацвёрты раўнд і чвэрцьфінал. У першых лічбах мая, абыйграўшы суайчынніцу Луцыю Градэцкую 4-6, 7-5, 6-3 у фінале турніру ў Празе, Плішкава заваявала чацвёрты ў сваёй кар’еры адзіночны тытул WTA.

На Ралан Гарос 2015 года ў другім раўндзе Караліна нечакана прайграла 100-й у свеце Крысціне-Андрэе Міту. У чэрвені на травяным турніры ў Бірмінгеме яна выйшла ў фінал, абыйграўшы на шляху да яго 9-ю ў свеце Карлу Суарэс Навара (у 1/4 фіналу). У барацьбе за галоўны прыз яна прайграла яшчэ адной прадстаўніцы топ-10 Анжаліцы Кербер. На галоўным турніры сезона на траве — Уімблдане Плішкава ў другім раўндзе прайграла Како Вандэвегэ. Перайшоўшы ў жніўні на хард, чэшка выйшла ў фінал турніру ў Стэнфардзе, але ізноў прайграла ў вырашальным матчы Анжаліцы Кербер. Нягледзячы на паражэнне, Плішкава, дзякуючы набраным рэйтынгавым ачкам, упершыню ў кар’еры трапіла ў першую дзясятку, заняўшы 8-е месца. Напярэдадні Адкрытага чэмпіянату ЗША выйшла ў 1/4 фіналу турніру ў Нью-Хейвене. На апошнім у сезоне турніры Вялікага шлема Караліна ўжо ў першым раўндзе прайграла тэнісістцы з другой сотні — Ганне Тацішвілі.

У верасні 2015 года, спачатку ў Токіа, а затым ва Ухані, Плішкава выходзіць у чвэрцьфінал. У кастрычніку на турніры ў Цяньцзіні яна праходзіць у паўфінал. У канцоўцы сезона ёй удаецца выйсці ў фінал турніру Трафей эліты WTA, дзе Плішкава саступіла Вінус Уільямс, а затым унесці значны ўнёсак у агульную перамогу зборнай Чэхіі над Расіяй у розыгрышы Кубка Федэрацыі. Караліна змагла выйграць адну з дзвюх адзіночных сустрэчаў, а сумесна са Стрыцавай перамагла яшчэ і ў парнай, і такім чынам фінал завяршыўся агульнай перамогай чэшскіх тэнісістак з лікам 3-2. Паспяховы для сябе сезон Плішкава завяршыла ў адным кроку ад першай дзясяткі, заняўшы 11-ю пазіцыю ў рэйтынгу.

2016—2017 (фінал у ЗША і № 1 у свеце)

Плішкава на Адкрытым чэмпіянаце ЗША 2016 года

У студзені 2016 года Плішкава выйшла ў чвэрцьфінал турніру ў Сіднеі. На Адкрытым чэмпіянаце Аўстраліі-2016 яна прайшла ў трэці раўнд, дзе прайграла другі год запар Кацярыне Макаравай. У парным розыгрышы яна змагла ўпершыню выйсці ў паўфінал турніру Вялікага шлема, выступіўшы ў дуэце з Юліяй Гёргес. У лютым Караліна дапамагла зборнай Чэхіі абыйграць у 1/4 фіналу Кубка Федэрацыі каманду Румыніі. Плішкава выйграла ўсе свае матчы (два ў адзіночках і адзін у парах), абыйграўшы, у тым ліку, № 3 у свеце Сімону Халеп.

У сакавіку на турніры вышэйшай катэгорыі Прэм’ер у Індыян-Уэлсе Караліна выйшла ў паўфінал, дзе прайграла Вікторыі Азаранка. У парным розыгрышы яна здолела дайсці да фіналу ў альянсе з Юліяй Гёргес. У красавіку Плішкава паўдзельнічала ў перамозе Чэхіі над Швейцарыяй у паўфінале Кубка Федэрацыі. Перайшоўшы на грунт, яна выйшла ў 1/4 фіналу ў Штутгарце, а затым у 1/2 фіналу ў Празе.

У чэрвені на травяным турніры ў Нотынгеме чэшская тэнісістка заваявала свой пяты адзіночны тытул у асноўным туры. У фінале яна перайграла амерыканку Алісан Рыск — 7-6(8), 7-5. На наступным турніры ў Бірмінгеме Караліна таксама ўзяла пяты тытул WTA, але ўжо ў парным разрадзе, раздзяліўшы свой поспех з Барбарай Стрыцавай. Перад Уімблданам яна змагла згуляць яшчэ ў адзіночным фінале ў Істбарне, дзе прайграла Дамініцы Цыбулкавай — 5-7, 3-6. На Уімблданскім турніры яна лепш за ўсё згуляла ў парах, дайграўшы да паўфіналу ў альянсе з Гёргес (у адзіночках выбыла ў другім раўндзе).

У жніўні Плішкава набрала добрую форму і выдала серыю з 10 перамог запар. Яна змагла стаць пераможцай турніру серыі Прэм’ер 5 у Цынцынаці. На шляху да тытула Караліна абыйграла адразу трох прадстаўніц топ-10: у 1/4 фіналу Святлану Кузняцову, у 1/2 фіналу Гарбінью Мугурусу, а ў фінале з лікам 6-3, 6-1 другую ракетку свету Анжаліку Кербер. Далей было выдатнае выступленне на Адкрытым чэмпіянаце ЗША. Плішкава змагла выйсці ў свой першы фінал на Вялікім шлеме, абыйграўшы для гэтага ў паўфінале лідарку сусветнага рэйтынгу Серэну Уільямс. У фінале яна не здолела дабіцца перамогі над Анжалікай Кербер. Плішкава стала першай чэшскай тэнісісткай у фінале адзіночных спаборніцтваў у ЗША з 1993 года. Гэты рэзультат дазволіў Караліне падняцца на 6-ю пазіцыю сусветнага рэйтынгу.

Гісторыя выступлення Караліны Плішкавай на Адкрытым чэмпіянаце ЗША 2016 года

Стадыя	Суперніца (пасеў)	Рэйтынг	Лік
1 раўнд	Сафія Кенін (WC)	243	6-4 6-3
2 раўнд	Мансерат Гансалес (Q)	192	6-1 7-5
3 раўнд	Анастасія Паўлючэнкава (17)	18	6-2 6-4
4 раўнд	Вінус Уільямс (6)	6	6-3 7-5
1/4	Ана Конюх	92	6-2 6-2
1/2	Серэна Уільямс (1)	1	6-2 7-6(5)
Фінал	Анжаліка Кербер (2)	2	3-6 6-4 4-6

Восенню рэзультаты Плішкавай былі больш сціплымі, найлепшым дасягненнем на шляху да Выніковага турніру стаў выхад у трэці раўнд на Прэм’ер-турніры ў Пекіне, дзе Караліна прайграла брытанцы Яхане Конце. Напрыканцы кастрычніка яна прыняла ўдзел у Выніковым турніры WTA ў Сінгапуры. На групавым этапе — два паражэнні (ад Кузняцовай і Радваньскай) і адна перамога над Гарбінье Мугурусай (6-2, 6-7, 7-5). Такім чынам Караліна не прайшла ў паўфінал. Па выніках сезона яна заняла 6-е месца рэйтынгу, а ў парным рэйтынгу дасягнула найвышэйшай для сябе 11-й пазіцыі. У самым канцы сезона Плішкава згуляла ў фінале Кубка Федэрацыі супраць зборнай Францыі. На грунце яна перамагла Крысціну Младэнавіч у зацяжным і цяжкім матчы (6-3, 4-6, 16-14) і прайграла Каралін Гарсіі ў трох сэтах. У вырашальнай парнай сустрэчы ў дуэце са Стрыцавай яна змагла перайграць гэтых жа суперніц у іншай пары з лікам 7-5, 7-5, што дазволіла Чэхіі стаць уладальніцай Кубка ў 10-ы раз і 3-і раз запар.

Сезон 2017 года Караліна Плішкава пачала надзвычай паспяхова. На 19 лютага ў яе было 15 перамог пры адным паражэнні. На першым для сябе турніры ў Брысбене яна заваявала галоўны прыз, на шляху абыйграўшы такіх моцных суперніц як Эліна Світоліна, Раберта Вінчы і Юлія Пуцінцава. Плішкава заваявала тытул, упэўнена абыйграўшы ў фінале Алізэ Карнэ з Францыі — 6-0, 6-3. На Адкрытым чэмпіянаце Аўстраліі яна ўпершыню дайшла да 1/4 фіналу, абыйграўшы ў тым ліку Алену Астапенка і Дар’ю Гаўрылаву. У барацьбе за паўфінал харватка Мір’яна Лучыч-Бароні нанесла паражэнне чэшцы — 4-6, 6-3, 4-6. Поспехі Караліны ў студзені паднялі яе ў рэйтынгу WTA з шостага да трэцяга месца, на той момант яна саступала толькі Серэне Уільямс і Анжаліцы Кербер.

У лютым пасля выступлення ў Аўстраліі Караліна дапамагла зборнай Чэхіі супраць зборнай Іспаніі ў 1/4 Кубка Федэрацыі — две перамогі і абедзве ў двух сэтах, уключаючы перамогу над Гарбінье Мугурусай — 6-2, 6-2. Пераможная серыя Плішкавай працягнулася на Прэм’ер-турніры ў Досе. Плішкава выйшла ў фінал, перамогшы на шляху трох тэнісістак, уключаючы Гарсію з Францыі і № 3 у свеце Цыбулкаву (славачку — у трох сэтах). У фінале чэшка перамагла Караліну Вазняцкі з Даніі, якой раней тры разы прайграла. Лік — 6-3, 6-4. Гэта быў восьмы тытул WTA ў кар’еры Караліны і ўжо другі прэм’ер-тытул за паўтары месяцы ў 2017 годзе. Караліна да канца лютага заняла другое месца ў Чэмпіёнскай гонцы WTA за 2017 год, пацясніўшы на трэцяе месца Вінус Уільямс са ЗША і саступаючы толькі Серэне Уільямс.

У сакавіку Плішкава добра згуляла на супер-турніры ў Індыян-Уэлсе, прайшоўшы ў паўфінал. На шляху яна здабыла чатыры перамогі, у тым ліку — над чэмпіёнкай Алімпійскіх гульняў у Рыа-дэ-Жанэйра Монікай Пуіг і іспанкай Гарбінье Мугурусай. Расіянка Святлана Кузняцова ў 1/2 фінала перамагла чэшку ў двух тай-брэйках 6-7(5), 6-7(2). На наступным турніры вышэйшай катэгорыі ў Маямі Плішкава таксама змагла выйсці ў паўфінал. Былі пераможаны Мэдысан Брэнгл, Юлія Пуцінцава, Барбара Стрыцава і Мір’яна Лючыч-Бароні. Караліна Вазняцкі з Даніі спыніла пераможную серыю Плішкавай у 1/2 фіналу.

Грунтовую частку сезона Плішкава пачала з чвэрцьфіналу ў Штутгарце. На 1 мая яна працягнула лідзіраваць у Чэмпіёнскай гонцы WTA, апярэджваючы Вазняцкі і брытанку Кантуі, займаючы 3-е месца ў агульным рэйтынгу. У маі яна ізноў дасягнула чвэрцьфіналу на турніры серыі Прэм’ер 5 у Рыме. На Адкрытым чэмпіянаце Францыі Караліна ўпершыню змагла прайсці ў паўфінал, у якім не змагла саўладаць з Халеп. У чэрвені яна выйграла турнір на траве ў Істбарне, абыйграўшы двух тэнісістак з топ-10 (у 1/4 фіналу Святлану Кузняцову і ў фінале Караліну Вазняцкі). Пасля трыумфу ў Істбарне 3 ліпеня Караліна Плішкава павярнула сябе лідарства ў Чэмпіёнскай гонцы-2017. На Уімблдане чэшка выступіла няўдала, выбыўшы ў другім раўндзе, аднак страты рэйтынгавых ачкоў у канкурэнтак дазволілі Плішкавай упершыню стаць першай ракеткай свету. Яна стала першай тэнісісткай, што выступае пад сцягам Чэхіі (Марціна Наўрацілава, якая родам з Чэхаславакіі, узначаліла рэйтынг у 1978 годзе, выступаючы пад сцягам ЗША). Таксама яна стала шостай з 23-х першых ракетак свету на той момант, хто падняўся на першую пазіцыю, не маючы перамог на турнірах Вялікага шлема.

У рангу першай ракеткі свету Плішкава змагла выйсці ў чвэрцьфінал у Таронта, паўфінал у Цынцынаці і чвэрцьфінал Адкрытага чэмпіянату ЗША. Пасля выступлення ў Нью-Ёрку яна саступіла першае месца рэйтынгу, прабыўшы на вяршыні 8 тыдняў. Восенню чэшская тэнісістка дасягнула чвэрцьфіналаў у Токіа і Ухані. На Выніковым турніры яна змагла выйсці ў паўфінал, выйграўшы два з трох матчаў у сваёй групе. Аднак у вырашальным матчы Караліна прайграла Вазняцкі. Па выніках сезона 2017 года яна заняла 4-е месца рэйтынгу.

2018—2020 (паўфінал у Аўстраліі і тытул у Рыме)

Сезон 2018 года Плішкава пачала з выхаду ў паўфінал у Брысбене, у якім прайграла Эліне Світолінай. На першым у годзе турніры Вялікага шлема Караліна ізноў, як і ў 2017 годзе, дайшла да чвэрцьфіналу, дзе саступіла Сімоне Халеп з Румыніі. Гэта паўтарэнне найлепшага рэзультату на кортах Мельбурна. У сярэдзіне лютага на турніры ў Дубаі чэшская спартсменка здолела дайсці да чвэрцьфіналу.

У сакавіку на буйным турніры ў Індыян-Уэлсе Плішкава выйшла ў чвэрцьфінал, у якім прайграла Наомі Осацы. На наступным падобным турніры ў Маямі яна таксама выйшла ў 1/4 фіналу, дзе саступіла ўжо Вікторыі Азаранка. У красавіку, абыйграўшы Анжаліку Кербер, яна дапамагла Чэхіі выйсці ў фінал Кубка Федэрацыі. Затым Плішкава выйграла першы ў сезоне турнір, абыйграўшы ў фінале ў Штутгарце амерыканку Како Вандэвегэ — 7-6(2), 6-4. У маі на турніры вышэйшай катэгорыі Прэм’ер у Мадрыдзе Плішкава абыйграла ў трэцім раўндзе Слоан Стывенс (№ 9 у свеце), а затым у чвэрцьфінале выбіла першую ракетку свету Сімону Халеп — 6-4, 6-3, прайшоўшы ў паўфінал. На Ралан Гарос яна прайграла ў трэцім раўндзе.

У чэрвені Плішкава выйшла ў чвэрцьфінал у Істбарне, а на Уімблданскім турніры ўпершыню згуляла на стадыі чацвёртага раўнда. На Адкрытым чэмпіянаце ЗША яна дайшла да чвэрцьфіналу, прайграўшы ў ім Серэне Уільямс. У верасні Караліна змагла ўзяць другі тытул у сезоне, стаўшы пераможцай турніру ў Токіа. У вырашальным матчы яна змагла перайграць № 7 у свеце Наомі Осаку з лікам 6-4, 6-4. У кастрычніку Плішкава згуляла ў фінале турніру Цяньцзіні, у якім упусціла перамогу, прайграўшы Каралін Гарсіі — 6-7(7), 3-6. Трапіўшы па выніках сезона на Выніковы турнір, Плішкава ў сваёй групе абыйграла Вазняцкі і Квітаву і выйшла ў паўфінал з другога месца ў групе, прапусціўшы на першае Світоліну. У 1/2 фіналу чэшка не справілася з амерыканкай Слоан Стывенс. Выніковай пазіцыяй у рэйтынгу 2018 года стала 8-е месца.

На першым студзеньскім тыдні сезона 2019 года Плішкава здолела заваяваць трафей у Брысбене, дзе ўжо перамагала ў 2017 годзе. У вырашальным матчы, у трох сэтах, яна абыйграла ўкраінскую тэнісістку Лесю Цурэнка. 23 студзеня ў чвэрцьфінале Адкрытага чэмпіянату Аўстраліі Караліна Плішкава абыйграла Серэну Уільямс, адыграўшыся з ліку 1:5 ў вырашальным сэце пры тым, што суперніца мела 4 матчболы. Ужо на наступны дзень у паўфінале Караліна саступіла японскай тэнісістцы Наомі Осацы. Гэта быў першы паўфінал чэшкі на турніры Вялікага шлема ў Аўстраліі і пасля турніру яна змагла вярнуцца ў топ-5 жаночага рэйтынгу. У лютым на турніры ў Дубаі яна дайграла да чвэрцьфіналу, дзе прайграла Се Шувэй. У сакавіку на прэстыжным турніры ў Індыян-Уэлсе яна таксама дайшла да чвэрцьфіналу, дзе саступіла швейцарцы Беліндзе Бенчыч. Наступны турнір вышэйшай катэгорыі Прэм’ер у Маямі прынёс Караліне выхад у фінал, у які яна трапіла пасля выйгрышу ў паўфінале ў трэцяй ракеткі свету Сімоны Халеп (7-5, 6-1). У фінале 30 сакавіка яна згуляла супраць аўстралійкі Эшлі Барці, але прайграла ёй з лікам 6-7(1), 3-6.

Галоўным дасягненнем у грунтовай частцы сезона стала перамога Плішкавай на турніры серыі Прэм’ер 5 у Рыме. Яна змагла цудоўна выступіць на турніры, здабыўшы пяць перамог і абыйграўшы ў фінале брытанку Яхану Конту — 6-3, 6-4. Перамога ў Рыме прынесла Плішкавай выдатны ўзлёт у рэйтынгу. З сёмага месца яна зараз паднялася на другое месца ў свеце, але пасля трэцяга раўнда на Ралан Гарос апусцілася на трэцяе. Наступны тытул Караліна выйграла ў чэрвені на траве ў Істбарне, перайграўшы ў вырашальных матчах № 4 у свеце Кікі Бертэнс (6-1, 6-2) і № 5 Анжаліку Кербер (6-1, 6-4). На Уімблдане яна другі год запар дайграла да чацвёртага раўнда.

У жніўні на звязцы турніраў Прэм’ер 5 у Таронта і Цынцынаці Плішкава дайграла да чвэрцьфіналу. На Адкрытым чэмпіянаце ЗША 2019 года яна прайграла ў чацвёртым раўндзе брытанцы Яхане Конце ў трох сэтах. З верасня Плішкава ізноў паднялася на другое месца ў свеце. У гэтым статусе яна выйграла турнір у Чжэнчжоу, узяўшы ў фінале рэванш за паражэнне на Ралан Гарос у Петры Марціч (6-3, 6-2). Гэтая перамога стала 15-й у кар’еры тэнісісткі на адзіночных турнірах WTA. На Выніковым турніры Караліна ў сваёй групе абыйграла Сімону Халеп і здабыла перамогу на адмове Б’янкі Андрэеску ад працягу сустрэчы, але прайграла Эліне Світолінай. Трэці год запар чэшская тэнісістка выйшла ў паўфінал, дзе гэтым разам у рангу другой ракеткі свету трапіла на першую — Эшлі Барці, прайграўшы аўстралійцы ў трох сэтах. Па выніках сезона Плішкава змагла захаваць другую пазіцыю.

2020 год Плішкава пачала з перамогі на турніры ў Брысбене, дзе яна першынствавала ў трэці раз у кар’еры і другі раз запар. У фінале яна сустракалася з амерыканкай Мэдысан Кіз і перайграла яе ў трох сэтах (6-4, 4-6, 7-5). На Аўстралійскім чэмпіянаце яна выбыла ў трэцім раўндзе, пацярпеўшы паражэнне ад расіянкі Анастасіі Паўлючэнкавай. У лютым яна максімум змагла выйсці ў чвэрцьфінал у Дубаі і трэці раўнд у Досе. Пасля аднаўлення сезона ў жніўні яна выступіла на Адкрытым чэмпіянаце ЗША, але прайграла там ужо ў другім раўндзе.

Выніковае месца ў рэйтынгу WTA паводле гадоў

Год	Адзіночны рэйтынг	Парны рэйтынг
2022	32	329
2021	4	124
2020	6	86
2019	2	96
2018	8	208
2017	4	414
2016	6	11
2015	11	46
2014	24	46
2013	67	77
2012	120	102
2011	159	130
2010	203	364
2009	228
2008	427	818
2007	860	917
2006	1 168

Паводле звестак з афіцыйнага сайта WTA.

Выступленні на турнірах

Выступленні ў адзіночным разрадзе

Фіналы турніраў Вялікага шлема ў адзіночным разрадзе (2)

Паражэнні (2)

№	Год	Турнір	Пакрыццё	Суперніца ў фінале	Лік
1.	2016	Адкрыты чэмпіянат ЗША	Хард	Анжаліка Кербер	3-6 6-4 4-6
2.	2021	Уімблдан	Трава	Эшлі Барці	3-6 7-6(4) 3-6

Фіналы Выніковых турніраў WTA ў адзіночным разрадзе (1)

Паражэнні (1)

№	Год	Турнір	Пакрыццё	Суперніца ў фінале	Лік
1.	2015	Трафей эліты WTA	Хард(i)	Вінус Уільямс	5-7 6-7(6)

Фіналы турніраў WTA ў адзіночным разрадзе (32)

Перамогі (16)

Легенда:
Турніры Вялікага шлема (0*)
Алімпіяда (0)
Выніковы турнір WTA (0)
Трафей эліты WTA (0)
Premier Mandatory / WTA 1000 Mandatory (0)
Premier 5 / WTA 1000 (2)
Premier / WTA 500 (9+1)
International / WTA 250 (5+4)

Тытулы па пакрыццях	Тытулы па месцы правядзення матчаў турніру
Хард (10+2*)	Зал (3+1)
Грунт (3+2)
Трава (3+1)	Адкрытае паветра (13+4)
Дыван (0)

* колькасць перамог у адзіночным разрадзе + колькасць перамог у парным разрадзе.

№	Дата	Турнір	Пакрыццё	Суперніца ў фінале	Лік
1.	3 сакавіка 2013	Куала-Лумпур, Малайзія	Хард	Бетані Матэк-Сандс	1-6 7-5 6-3
2.	21 верасня 2014	Сеул, Паўднёвая Карэя	Хард	Варвара Лепчанка	6-3 6-7(5) 6-2
3.	12 кастрычніка 2014	Лінц, Аўстрыя	Хард(i)	Каміла Джорджы	6-7(4) 6-3 7-6(4)
4.	2 мая 2015	Прага, Чэхія	Грунт	Луцыя Градэцкая	4-6 7-5 6-3
5.	12 чэрвеня 2016	Нотынгем, Вялікабрытанія	Трава	Алісан Рыск	7-6(8) 7-5
6.	21 жніўня 2016	Цынцынаці, ЗША	Хард	Анжаліка Кербер	6-3 6-1
7.	7 студзеня 2017	Брысбен, Аўстралія	Хард	Алізэ Карнэ	6-0 6-3
8.	18 лютага 2017	Доха, Катар	Хард	Караліна Вазняцкі	6-3 6-4
9.	1 ліпеня 2017	Істбарн, Вялікабрытанія	Трава	Караліна Вазняцкі	6-4 6-4
10.	29 красавіка 2018	Штутгарт, Германія	Грунт(i)	Како Вандэвегэ	7-6(2) 6-4
11.	23 верасня 2018	Токіа, Японія	Хард	Наомі Осака	6-4 6-4
12.	6 студзеня 2019	Брысбен, Аўстралія (2)	Хард	Леся Цурэнка	4-6 7-5 6-2
13.	19 мая 2019	Рым, Італія	Грунт	Яхана Конта	6-3 6-4
14.	29 чэрвеня 2019	Істбарн, Вялікабрытанія (2)	Трава	Анжаліка Кербер	6-1 6-4
15.	15 верасня 2019	Чжэнчжоу, Кітай	Хард	Петра Марціч	6-3 6-2
16.	12 студзеня 2020	Брысбен, Аўстралія (3)	Хард	Мэдысан Кіз	6-4 4-6 7-5

Паражэнні (16)

№	Дата	Турнір	Пакрыццё	Суперніца ў фінале	Лік
1.	2 лютага 2014	Патая, Тайланд	Хард	Кацярына Макарава	3-6 6-7(7)
2.	24 мая 2014	Нюрнберг, Германія	Грунт	Эжэні Бушар	2-6 6-4 3-6
3.	14 верасня 2014	Ганконг	Хард	Сабіна Лісіцкі	5-7 3-6
4.	16 студзеня 2015	Сідней, Аўстралія	Хард	Петра Квітава	6-7(5) 6-7(6)
5.	21 лютага 2015	Дубай, ААЭ	Хард	Сімона Халеп	4-6 6-7(4)
6.	21 чэрвеня 2015	Бірмінгем, Вялікабрытанія	Трава	Анжаліка Кербер	7-6(5) 3-6 6-7(4)
7.	9 жніўня 2015	Станфард, ЗША	Хард	Анжаліка Кербер	3-6 7-5 4-6
8.	8 лістапада 2015	Трафей эліты WTA	Хард(i)	Вінус Уільямс	5-7 6-7(6)
9.	25 чэрвеня 2016	Істбарн, Вялікабрытанія	Трава	Дамініка Цыбулкава	5-7 3-6
10.	10 верасня 2016	Адкрыты чэмпіянат ЗША	Хард	Анжаліка Кербер	3-6 6-4 4-6
11.	14 кастрычніка 2018	Цяньцзінь, Кітай	Хард	Каралін Гарсія	6-7(7) 3-6
12.	30 сакавіка 2019	Маямі, ЗША	Хард	Эшлі Барці	6-7(1) 3-6
13.	21 верасня 2020	Рым, Італія	Грунт	Сімона Халеп	0-6 1-2 — адмова
14.	16 мая 2021	Рым, Італія (2)	Грунт	Іга Свёнтак	0-6 0-6
15.	10 ліпеня 2021	Уімблдан	Трава	Эшлі Барці	3-6 7-6(4) 3-6
16.	15 жніўня 2021	Манрэаль, Канада	Хард	Каміла Джорджы	3-6 5-7

Фіналы турніраў ITF у адзіночным разрадзе (16)

Перамогі (10)

Легенда:
WTA 125 (0*)
100.000 USD (0+1)
75.000 USD (0)
50.000 USD (2)
25.000 USD (7+5)
10.000 USD (1)

Тытулы па пакрыццях	Тытулы па месцы правядзення матчаў турніру
Хард (4+4*)	Зал (3+3)
Грунт (2+1)
Трава (0)	Адкрытае паветра (7+3)
Дыван (4+1)

* колькасць перамог у адзіночным разрадзе + колькасць перамог у парным разрадзе.

№	Дата	Турнір	Пакрыццё	Суперніца ў фінале	Лік
1.	20 красавіка 2008	Бол, Харватыя	Грунт	Фларанс Арынг	6-4 7-5
2.	31 мая 2009	Градо, Італія	Грунт	Юлія Шруф	7-6(2) 7-5
3.	13 верасня 2009	Нота, Японія	Дыван	Сіха Хісамацу	3-6 7-6(2) 7-6(9)
4.	2 мая 2010	Гіфу, Японія	Хард	Сунь Шэнань	6-3 3-6 6-3
5.	24 кастрычніка 2010	Глазга, Вялікабрытанія	Хард(i)	Эйрыні Геаргату	3-6 6-0 6-3
6.	23 кастрычніка 2011	Макінахара, Японія	Дыван	Эрыка Сэма	6-7(5) 6-2 6-0
7.	30 кастрычніка 2011	Хамамацу, Японія	Дыван	Дзюнры Намігата	6-2 7-6(4)
8.	5 лютага 2012	Грэнобль, Францыя	Хард(i)	Крысціна Плішкава	7-6(11) 7-6(6)
9.	18 лістапада 2012	Завада, Польшча	Дыван(i)	Ана Урліч	6-3 6-2
10.	15 верасня 2013	Санья, Кітай	Хард	Чжэн Сайсай	6-3 6-4

Паражэнні (6)

№	Дата	Турнір	Пакрыццё	Суперніца ў фінале	Лік
1.	16 мая 2010	Курумэ, Японія	Дыван	Крысціна Плішкава	7-5 2-6 0-6
2.	5 чэрвеня 2011	Пршэраў, Чэхія	Грунт	Рэка-Луца Яні	0-6 3-6
3.	17 ліпеня 2011	Дармштат, Германія	Грунт	Мэндзі Мінела	6-7(5) 2-6
4.	20 лістапада 2011	Браціслава, Славакія	Хард(i)	Леся Цурэнка	5-7 3-6
5.	4 снежня 2011	Вендрынэ, Чэхія	Хард(i)	Амра Садзікавіч	7-5 1-6 6-7(5)
6.	8 чэрвеня 2013	Нотынгем, Вялікабрытанія	Трава	Петра Марціч	3-6 3-6

Выступленні ў парным разрадзе

Фіналы турніраў WTA ў парным разрадзе (7)

Перамогі (5)

№	Дата	Турнір	Пакрыццё	Партнёрка	Суперніцы ў фінале	Лік
1.	13 кастрычніка 2013	Лінц, Аўстрыя	Хард(i)	Крысціна Плішкава	Габрыэла Даброўскі Аліцыя Расольская	7-6(6) 6-4
2.	24 мая 2014	Нюрнберг, Германія	Грунт	Міхаэла Крайчак	Ралука Алару Шахар Пеер	6-0 4-6 [10-6]
3.	13 ліпеня 2014	Бадгастайн, Аўстрыя	Грунт	Крысціна Плішкава	Андрэя Клепач Марыя Тэрэса Тора Флор	4-6 6-3 [10-6]
4.	14 верасня 2014	Ганконг	Хард	Крысціна Плішкава	Патрыцыя Майр-Ахлайтнер Арына Радыёнава	6-2 2-6 [12-10]
5.	19 чэрвеня 2016	Бірмінгем, Вялікабрытанія	Трава	Барбара Стрыцава	Ваня Кінг Ала Кудраўцава	6-3 7-6(1)

Паражэнні (2)

№	Дата	Турнір	Пакрыццё	Партнёрка	Суперніцы ў фінале	Лік
1.	14 ліпеня 2013	Палерма, Італія	Грунт	Крысціна Плішкава	Крысціна Младэнавіч Катажына Пітэр	1-6 7-5 [8-10]
2.	19 сакавіка 2016	Індыян-Уэлс, ЗША	Хард	Юлія Гёргес	Како Вандэвегэ Бетані Матэк-Сандс	6-4 4-6 [6-10]

Фіналы турніраў ITF у парным разрадзе (12)

Перамогі (6)

№	Дата	Турнір	Пакрыццё	Партнёрка	Суперніцы ў фінале	Лік
1.	13 лютага 2011	Ранча-Міраж, ЗША	Хард	Крысціна Плішкава	Надзея Гуськова Сандра Занеўская	6-7(6) 6-1 [10-5]
2.	5 чэрвеня 2011	Пршэраў, Чэхія	Грунт	Кацярына Крамперава	Людміла Кічанок Надзея Кічанок	6-3 6-4
3.	7 жніўня 2011	Ванкувер, Канада	Хард	Крысціна Плішкава	Джэймі Хэмптан Напаван Летчывакан	5-7 6-2 [10-2]
4.	28 студзеня 2012	Андрэзье-Бутэон, Францыя	Хард(i)	Крысціна Плішкава	Жулі Куэн Ева Грдзінава	6-4 4-6 [10-5]
5.	4 лютага 2012	Грэнобль, Францыя	Хард(i)	Крысціна Плішкава	Валянціна Івахненка Марына Занеўская	6-1 6-3
6.	18 лістапада 2012	Завада, Польшча	Дыван(i)	Крысціна Плішкава	Крысціна Баруа Сандра Клеменшыц	6-3 6-1

Паражэнні (6)

№	Дата	Турнір	Пакрыццё	Партнёрка	Суперніцы ў фінале	Лік
1.	16 мая 2010	Курумэ, Японія	Дыван	Крысціна Плішкава	Сунь Шэнань Сюй Іфань	0-6 3-6
2.	17 ліпеня 2011	Дармштат, Германія	Грунт	Гана Бірнерава	Натэла Дзаламідзэ Ганна Цая	5-7 6-2 [6-10]
3.	6 лістапада 2011	Тайбэй, Тайвань	Хард(i)	Крысціна Плішкава	Чжань Юнжань Чжэн Цзэ	6-7(5) 7-5 [5-10]
4.	19 лістапада 2011	Браціслава, Славакія	Хард(i)	Крысціна Плішкава	Наомі Броўдзі Крысціна Младэнавіч	7-5 4-6 [2-10]
5.	23 верасня 2012	Шрусберы, Вялікабрытанія	Хард(i)	Крысціна Плішкава	Весна Доланц Штэфані Фёгелэ	1-6 7-6(3) [13-15]
6.	30 лістапада 2012	Дубай, ААЭ	Хард	Ева Грдзінава	Марыя Алена Камерын Вера Душэвіна	5-7 3-6

Выступленні ў камандных турнірах

Фіналы камандных турніраў (3)

Перамогі (3)

№	Год	Турнір	Каманда	Супернік у фінале	Лік
1.	2015	Кубак Федэрацыі	Чэхія П.Квітава, К.Плішкава, Б.Стрыцава	Расія А.Паўлючэнкава, М.Шарапава, А.Весніна	3-2
2.	2016	Кубак Федэрацыі (2)	Чэхія П.Квітава, К.Плішкава, Б.Стрыцава	Францыя К.Гарсія, А.Карнэ, К.Младэнавіч	3-2
3.	2018	Кубак Федэрацыі (3)	Чэхія Не гуляла ў фінале	ЗША С.Кенін, Д.Колінз, Н.Меліхар, А.Рыск	3-0

Гісторыя выступленняў на турнірах

Станам на 14 лістапада 2022 года

Для таго, каб прадухіліць блытаніну і падвойванне ліку, інфармацыя ў гэтай табліцы карэктуецца толькі па сканчэнні ўдзелу там дадзенага гульца.

Адзіночныя турніры

Турнір	2010	2011	2012	2013	2014	2015	2016	2017	2018	2019	2020	2021	2022	Вынік	В/П за кар’еру
Турніры Вялікага шлема
Адкрыты чэмпіянат Аўстраліі	-	К	К	1Р	2Р	3Р	3Р	1/4	1/4	1/2	3Р	3Р	-	0 / 9	22-9
Адкрыты чэмпіянат Францыі	-	К	1Р	1Р	2Р	2Р	1Р	1/2	3Р	3Р	2Р	2Р	2Р	0 / 11	14-11
Уімблданскі турнір	К	-	1Р	2Р	2Р	2Р	2Р	2Р	4Р	4Р	НП	Ф	2Р	0 / 10	18-10
Адкрыты чэмпіянат ЗША	К	К	К	1Р	3Р	1Р	Ф	1/4	1/4	4Р	2Р	1/4	1/4	0 / 10	28-10
Вынік	0 / 0	0 / 0	0 / 2	0 / 4	0 / 4	0 / 4	0 / 4	0 / 4	0 / 4	0 / 4	0 / 3	0 / 4	0 / 3	0 / 40
В/П у сезоне	0-0	0-0	0-2	1-4	5-4	4-4	9-4	14-4	13-4	13-4	4-3	13-4	6-3		82-40
Алімпійскія гульні
Алімпійскія гульні	Не праводзіўся		-	Не праводзіўся			-	Не праводзіўся				3Р	НП	0 / 1	2-1
Выніковыя турніры
Выніковы турнір WTA	-	-	-	-	-	-	Група	1/2	1/2	1/2	НП	Група	-	0 / 5	9-9
Турнір чэмпіёнак / Трафей эліты	-	-	-	-	Група	Ф	-	-	-	-	Не праводзіўся			0 / 2	3-2

К — пройгрыш у кваліфікацыйным турніры.

Гісторыя асабістых сустрэчаў

Адзіночныя турніры

Суперніца	Усе сустрэчы	Фіналы
Крысціна Плішкава	0-1	0-0	юніёрскія турніры
	5-4	1-1	дарослыя турніры

Спасылкі

• Афіцыйны сайт сясцёр Плішкавых (чэшск.)
• https://www.instagram.com/karolinapliskova/

---

• Профіль на сайце WTA Tour (англ.)
• Профіль на сайце ITF (англ.)
• Профіль на сайце Кубка Федэрацыі (англ.)