Касцёл Маці Божай Нястомнай Дапамогі (Шэметава)

Касцёл Маці Божай Нястомнай Дапамогі — мураваны каталіцкі храм у вёсцы Шэметава Мядзельскага раёна Мінскай вобласці, помнік архітэктуры класіцызму.

Каталіцкі храм
Касцёл Маці Божай Нястомнай Дапамогі
54°49′06,26″ пн. ш. 26°33′42,13″ у. д.
Краіна	Беларусь
Вёска	Шэметава
Канфесія	Каталіцтва
Епархія	Мінска-Магілёўская архідыяцэзія
Архітэктурны стыль	класіцызм
Будаўніцтва	кан. XVIII ст. — пач. XIX ст.
Статус	Гісторыка-культурная каштоўнасць Беларусі, шыфр 613Г000464
Стан	дзейнічае
Медыяфайлы на Вікісховішчы

Гісторыя

Пабудаваны Сулістроўскімі ў канцы XVIII — пачатку XIX ст., у 1902 годзе рэстаўрыраваны і павялічаны.

Архітэктура

Касцёл са званіцай

Касцёл мураваны, аднанефны, крыжовы ў плане з прамавугольнай апсідай і развітым трансептам, накрыты двухсхільнымі дахамі. Галоўны фасад вылучаны порцікам з чатырма трохчвертнымі калонамі дарычнага ордара. Над парталам галоўнага ўваходу паўкруглае акно, паміж бакавымі парамі калон неглыбокія конхавыя нішы. Тарцы трансепту вырашаныя ў выглядзе двухкалонных порцікаў. Сцены бакавых фасадаў з прамавугольнымі вокнамі.

З паўднёвага захаду ад касцёлу размешчаная званіца, пабудаваная ў XIX ст. з дрэва.

Касцёл і званіца дзейнічаюць.

Інтэр’ер

У інтэр'еры сцены раскрапаваныя пілястрамі з пазалочанымі карынфскімі капітэлямі. Аконныя праёмы ўпрыгожваюць каляровыя вітражы. Алтар дэкарыраваны пазалочанай драўлянай разьбой. Высокія хоры з арганм абапіраюцца на два шматгранныя слупы. Насценная размалёўка на евангельскія сюжэты ўключае раслінны арнамент. Амбон выкананы ў стылі ракако ў выглядзе чашы (разьба, пазалота), якую падрымлівае птушка.

Літаратура

• «Архітэктура Беларусі. Энцыклапедычны даведнік», Мінск 1993

Спасылкі

• Касцёл Маці Божай Нястомнай Дапамогі (Шэметава) на сайце Radzima.org
• Касцёл Маці Божай Нястомнай Дапамогі (Шэметава) на сайце Глобус Беларусі (руск.)
• Касцёл Маці Божай Нястомнай Дапамогі (Шэметава) на сайце Catholic.by (бел.)