Леаніла Апанасаўна Малаш-Аксамітава

Леані́ла Апана́саўна Ма́лаш-Аксамі́тава (нар. 1 чэрвеня 1927(1927-06-01), Несцераўка, Віленскае ваяводства) — беларуская фалькларыстка. Кандыдат філалагічных навук (1967).

Леаніла Апанасаўна Малаш-Аксамітава
Дата нараджэння	1 чэрвеня 1927(1927-06-01) (97 гадоў)
Месца нараджэння	Несцераўка, гміна Параф’янаў, Дзісенскі павет, Віленскае ваяводства, Польская Рэспубліка
Грамадзянства	Беларусь
Муж	Анатоль Сцяпанавіч Аксамітаў
Род дзейнасці	фалькларыстка, этнограф
Навуковая сфера	фалькларыстыка
Месца працы	БДУ Інстытут літаратуразнаўства НАНБ Цэнтральная навуковая бібліятэка імя Я. Коласа НАН Беларусі Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат філалагічных навук (1967)
Альма-матар	БДУ (1952)

Біяграфія

Нарадзілася 1 чэрвеня 1927 года ў в. Несцераўка Дзісенскага павета Віленскага ваяводства (цяпер — Докшыцкі раён Віцебскай вобласці).

Скончыла ў 1952 годзе БДУ. З 1952 года працавала ў Інстытуце літаратуры і Цэнтральнай навуковай бібліятэцы АН Беларусі, БДУ, у 1968—1990 гадах — у Інстытуце мастацтвазнаўства, этнаграфіі і фальклору АН Беларусі.

Навуковая дзейнасць

Даследуе беларускі фальклор, гісторыю беларускай фалькларыстыкі, беларускае вяселле на агульнаславянскім фоне. Адзін з аўтараў манаграфій «Беларуская фалькларыстыка: Эпоха феадалізму» (1989, з Г. А. Каханоўскім і К. А. Цвіркам), «З душой славяніна: Жыццё і дзейнасць З. Я. Даленгі-Хадакоўскага» (1991, з А. С. Аксамітавым). Укладальнік кнігі «Вяселле: Песні» (кн. 1—6, 1980—1988), а таксама зборніка «Украінскія народныя песні ў запісах Зарыяна Даленгі-Хадакоўскага» (Кіеў, 1974, з А. Дэем).

Сям’я

У шлюбе з беларускім мовазнаўцам Анатолем Аксамітавым (1926—2003).

Творы

• Беларуская этнаграфія і фальклор у працах славянскіх вучоных эпохі рамантызму. Мн., 1973 (разам з В. К. Бандарчыкам);
• Беларускае вяселле ў яго адносінах да заходнеславянскіх вяселляў — польскага і славацкага. Мн., 1993 (разам з А. С. Аксамітавым).

Узнагароды

• Дзяржаўная прэмія БССР (1986) — за ўдзел у шматтомным навуковым выданні «Беларуская народная творчасць».

Літаратура

• Малаш-Аксамітава Леаніла Апанасаўна // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).