Міхаіл Барысавіч Кроль

Міхаіл Барысавіч Кроль (2 сакавіка 1879, Мінск — 6 жніўня 1939) — беларускі неўрапатолаг. Акадэмік Нацыянальнай акадэміі навук Беларусі (1931), член-карэспандэнт АН СССР (1939), доктар медыцынскіх навук (1918), прафесар (1921). Заслужаны дзеяч навукі БССР (1931). 

Міхаіл Барысавіч Кроль
Дата нараджэння	2 сакавіка 1879(1879-03-02)
Месца нараджэння	Мінск, Мінскі павет, Мінская губерня, Расійская імперыя
Дата смерці	6 жніўня 1939(1939-08-06) (60 гадоў)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Род дзейнасці	урач, неўролаг
Навуковая сфера	Неўралогія
Месца працы	медыцынскі факультэт БДУ Беларускі медыцынскі інстытут Інстытут эксперыментальнай медыцыны[d] Часопіс неўралогіі і псіхіятрыі імя С. С. Корсакава[d]
Навуковая ступень	доктар медыцынскіх навук
Навуковае званне	акадэмік Акадэміі навук Беларускай ССР (1931) член-карэспандэнт АН СССР[d] (1939) прафесар
Альма-матар	МДУ
Вядомыя вучні	Д. А. Маркаў
Партыя	КПСС
Узнагароды

Біяграфія

Дэканат медыцынскага факультэта БДУ, у цэнтры – дэкан М. Кроль. 1923

Скончыў Маскоўскі ўніверсітэт (1901). У 1923—1932 гадах загадчык кафедры, дэкан медыцынскага факультэта Беларускага дзяржаўнага ўніверсітэта, у 1930—1932 гадах дырэктар Мінскага медыцынскага інстытута. З 1933 года дырэктар клінікі нервовых хвароб Усесаюзнага інстытута эксперыментальнай медыцыны. У 1935—1939 гадах адказны рэдактар часопіса «Неўрапаталогія і псіхіятрыя».

Заснавальнік беларускай школы неўрапатолагаў. У клінічнай практыцы выкарыстаў метад хранаксіі, які дазваляе даследаваць тонкія функцыі нервовай сістэмы. Звярнуў увагу на ўзаемную абумоўленасць гнозісу, праксісу і маўлення. На клінічным матэрыяле паказаў значэнне адаптацыйнай ролі вегетатыўнай нервовай сістэмы. Займаўся віруснымі нейраінфекцыямі (шаленства, сыпны тыф, праказа), вывучаў тайговы энцэфаліт.

Асноўныя працы

• Невропатологические синдромы. 2 изд. М.; Л.: Биомедгиз, 1936.

Літаратура

• Кроль Міхаіл Барысавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
• Кроль Міхаіл Барысавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 402. — 800 с. — 5 000 экз. — ISBN 985-11-0026-9.

Спасылкі

• Ректоры университета // Белорусский государственный медицинский университет Архівавана 3 жніўня 2022. (руск.)
• Міхаіл Барысавіч Кроль у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Кроль Міхаіл Барысавіч на сайце анлайн-энцыклапедыі «Беларусь у асобах і падзеях»