Міхась Багун

Міхась Багун
Міхась Багун
Асабістыя звесткі
Імя пры нараджэнні	Міхаіл Фёдаравіч Блошкін
Псеўданімы	Асака М; Багунец; М. Б.; Міх. Б.; Баг.
Дата нараджэння	8 лістапада 1908
Месца нараджэння	Мінск, Мінскі павет, Мінская губерня, Расійская імперыя;
Дата смерці	17 жніўня 1938 (29 гадоў)
Пахаванне	Фарныя могілкі;
Грамадзянства	Беларусь;
Альма-матар	Мінскі беларускі педагагічны тэхнікум[d];
Прафесійная дзейнасць
Род дзейнасці	перакладчык, пісьменнік, паэт
Гады творчасці	1932 — цяп. час
Мова твораў	беларуская
Дэбют	1925
	Творы ў Вікікрыніцах
	Выявы на Вікісховішчы

Міхась Багун, сапр. Міхаіл Фёдаравіч Блошкін (9 лістапада 1908, Мінск — 17 лютага 1938; Іншыя псеўданімы і крыптанімы: Асака М; Багунец; М. Б.; Міх. Б.; Баг.) — беларускі паэт, празаік, перакладчык.

Вокладка кнігі М. Багуна

БіяграфіяПравіць

Скончыў курсы пры Мінскім беларускім педагагічным тэхнікуме (1928). 3 1929 настаўнічаў у в. Рожна Бягомльскага раёна. У 1931-32 працаваў у газеце «Чырвоная Полаччына». У 1932 вярнуўся ў Мінск, дзе працаваў стыльрэдактарам Белдзяржвыдавецтва, у 1935-36 літсупрацоўнік газеты «Літаратура і мастацтва»^[1].

Арыштаваны 4 лістапада 1936 года, прыгавораны да 8 гадоў пазбаўлення волі. Знясілены і хворы памёр у перасыльным лагерным пункце. Рэабілітаваны Вярхоўным судом БССР 29 снежня 1954 года. У Гродне, на праваслаўных могілках па вул. Антонава (паблізу магілы Элізы Ажэшкі на Фарных - каталіцкіх могілках) на магіле яго маці В.Я. Блошкінай - кенатаф з партрэтам паэта.

ТворчасцьПравіць

Пачаў друкавацца ў 1925 годзе. Яго лірыка рамантычна-акрыленая, жыццесцвярджальная, у сваёй рамантычнай творчасці адгукаўся на падзеі ў краіне (зборнікі «Рэха бур», 1931, «Рэвалюцыі», 1932). Паэма «Крокі ў вяках» (1930) і некаторыя вершы напісаны пад уплывам У. Маякоўскага^[1]. Паэма «Канчыта з-пад Таледа» (1936) пра нацыянальна-рэвалюцыйную вайну ў Іспаніі. Пісаў апавяданні для дзяцей («Жэнька», 1934). Пераклаў на беларускую мову раманы М. Астроўскага «Як гартавалася сталь(руск.) бел.» (1936), Л. Первамайскага(руск.) бел. «Ваколіцы» (1931, са З. Астапенкам), Ф. Панфёрава(руск.) бел. «Брускі» (1932, з Т. Кляшторным), вершы А. С. Пушкіна, У. Маякоўскага, Э. Багрыцкага і інш^[1].

Некаторыя яго вершы, пакладзеныя на музыку, шырока вядомыя ў народзе, увайшлі ў фальклорныя запісы. Займаўся перакладамі з рускай мовы.

БібліяграфіяПравіць

Выбранае. — Мн., 1961.

Зноскі

↑ ^1,0 ^1,1 ^1,2 Багун Михась // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 37. — 737 с..

ЛітаратураПравіць

Звонак А. Паэзія Міхася Багуна // ЛіМ. 1958, 2 жн.
Грахоўскі С. Другое жыццё паэта // ЛіМ. 1961, 5 мая
Хведаровіч М. Пясняр залатой рані: Да 60-годдзя з дня нараджэння М. Багуна // ЛіМ. 1968, 15 ліст.
БП, т. 1.
Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль.. — Смаленск, 2003. — 480 с. — ISBN 985-6374-04-9.

СпасылкіПравіць

[БС-1] 1,0 ^1,1 ^1,2 Багун Михась // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 37. — 737 с..

[1]