Сацыялістычная партыя Сербіі
Сацыялістычная партыя Сербіі (сербск.: Социјалистичка партија Србије) — адна з найстарэйшых партый посткамуністычнай Югаславіі. Утворана 16 ліпеня 1990 года ў выніку зліцця Саюза камуністаў Сербіі з некалькімі сацыялістычнымі рухамі. Першым лідарам партыі стаў Слабадан Мілошавіч.
| Сацыялістычная партыя Сербіі | |
|---|---|
| Социjалистичка партиjа Србиjе | |
 | |
| Лідар | Івіца Дачыч |
| Заснавальнік | Слабодан Мілошавіч |
| Дата заснавання | 1990 |
| Штаб-кватэра | Бялград |
| Ідэалогія |
сацыялізм сербскі нацыяналізм |
| Саюзнікі і блокі | Дэмакратычная партыя, Г17+ |
| Месцаў у Народнай Скупшчыне |
44 / 250 |
| Постаці | члены партыі ў катэгорыі (3 чал.) |
| Сайт | www.sps.org.rs |
 Медыяфайлы на Вікісховішчы | |
У 90-я гады партыя была кіруючай у Сербіі і Чарнагорыі. На выбарах 1990 года партыя атрымала больш за палову галасоў выбаршчыкаў, на наступных выбарах у 1992, 1993 і 1997 гадах таксама атрымлівала большасць галасоў.
Пасля Бульдозернай рэвалюцыі сацыялісты перайшлі ў апазіцыю. У 2001 годзе партыя была абезгалоўлена з-за экстрадыцыі Слабадана Мілошавіча ў Гаагу. У 2003-2007 гадах рэйтынг партыі ўвесь час вагаўся на ўзроўні 5-6%.
На выбарах 2008 года партыя атрымала 7,6% галасоў, што дазволіла разлічваць на стварэнне антыпрэзідэнцкага ўрада радыкалаў, дэмакратаў Воіслава Каштуніцы і сацыялістаў. Аднак насуперак усім чаканням, нацыяналістычная Сацыялістычная партыя сфарміравала кааліцыю з процілеглай ёй па ідэалогіі і традыцыях праеўрапейскай Дэмакратычнай партыяй Тадзіча і яе саюзнікамі. Гэта спарадзіла мноства спекуляцый і чутак пра тое, што дэмакраты маглі заплаціць сацыялістам некалькі мільёнаў дынараў за стварэнне кааліцыі для захавання ўлады, паколькі пасля выбараў магчымасць фарміравання антызаходняй кааліцыі ва ўрадзе была як ніколі ў незалежнай Сербіі вялікая, што азначала б кардынальную змену знешняй палітыкі Сербіі, у тым ліку ў адносінах з Захадам і ЕС.
Да 2006 года падтрымлівала цесныя сувязі з «Югаслаўскімі левымі» — аб'яднаннем 23 камуністычных і посткамуністычных груп былой Югаславіі, якія ўзначальваюцца жонкай Мілошавіча. Цяпер дамагаецца ўступіць у Сацыялістычны інтэрнацыянал, аднак гэтаму супрацьстаіць Сацыял-дэмакратычная партыя Босніі і Герцагавіны і шэраг іншых членаў Сацінтэрна.
З 2012 уваходзіць у склад кааліцыйнага ўрада Прагрэсіўнай партыі Сербіі, Сацыялістычнай партыі Сербіі, рухі Г17, Партыі пенсіянераў, Новай Сербіі.
Статыстыка на парламенцкіх выбарахПравіць
| Год | % | Месцаў у Скупшчыне |
|---|---|---|
| 1990 | 1 месца 52,55 | 194 |
| 1992 | 1 месца 28,77 | 101 |
| 1993 | 1 месца 42,09 | 123 |
| 1997 | 1 месца 34,26 | 110 |
| 2000 | 2 месца 12,83 | 37 |
| 2003 | 7 месца 7,61 | 22 |
| 2007 | 5 месца 5,64 | 16 |
| 2008 | 4 месца 7,58 | 11 |
| 2012 | 3 месца 14,53 | 44 |