Станіслаў Мірскі

Станіслаў Войцех Мірскі (польск.: Stanisław Wojciech Mirski; 1756—1805 ці 1815) — дзяржаўны дзеяч Вялікага Княства Літоўскага.

Станіслаў Мірскі
пісар вялікі літоўскі з 10 студзеня 1791
Нараджэнне	21 кастрычніка 1756(1756-10-21) Сядзібны комплекс Завер’е, Завер'е, Браслаўскі павет, Віленскае ваяводства, Вялікае Княства Літоўскае, Рэч Паспалітая
Смерць	1805 ці 1815 Сядзібны комплекс Завер’е, Завер'е, Браслаўскі павет, Літоўска-Віленская губерня, Расійская імперыя
Род	Род Святаполк-Мірскіх
Бацька	Цыпрыян Святаполк-Мірскі[d]
Маці	Марыя з Білевічаў[d]
Жонка	Станіслава з Кошчыцаў[d]
Дзеці	Марыя са Святаполк-Мірскіх[d]
Член у	Шчаслівага Вызвалення Найвышэйшая Літоўская Рада
Узнагароды

Біяграфія

Капітан былога Войска Польскага. Пад час паўстання 1794 г. — сябра Найвышэйшай (Літоўскай) рады, дзе ўваходзіў у дэпутацыю Публічнай бяспекі. Пазней быў сябрам Цэнтральнай дэпутацыі Вялікага Княства Літоўскага. Пісар вялікі літоўскі з 10 студзеня 1791 года. Маёнтак Манковічы ў Дзісненскім павеце (92 душы) канфіскаваны.

Член масонскай ложы «Шчаслівага Вызвалення» ў Нясвіжы, пасведчаны каля 1810, суддзя ў 1818, масон 3-й ст. у 1820.

Разам з жонкай Станіславай фундаваў касцёл у Слабодцы, пабудаваны ў 1806 г.

Узнагароды

У 1791 годзе адзначаны ордэнамі Белага Арла і Святога Станіслава.

Сям’я

Партрэт Марыі Мірскай, Барбары Шумскай і Адама Напалеона Мірскага. Ян Рустэм, каля 1808. Нацыянальны музей у Варшаве

У шлюбе са Станіславай з Кошчыцаў (каля 1780—1835), дачкой Антонія Тадэвуша Кошчыца. Дзеці:

• Эвеліна, у шлюбе з Антоніем Храпавіцкім;
• Марыя (каля 1790—1821), у шлюбе са Станіславам Шумскім (1790—1871) мела толькі толькі адну дачку Марыю, якая ў 1846 годзе выйшла замуж за Ігната Лапацінскага;
• Напалеон Адам (каля 1801—1861), у шлюбе з Людвікай з Гадлеўскіх (каля 1830—1859);
• Анэля, у шлюбе з Генрыкам Саўндэрсам.
• Станіслава, у шлюбе з Аляксандрам Вольскім.

У Нацыянальным музеі у Варшаве захоўваецца твор Яна Рустэма «Партрэт Станіславы Мірскай» (каля 1815), які знаходзіўся спачатку ў валоданні сям’і Мірскіх, потым Шумскіх і Лапацінскіх у Сар’і. У віленскай сядзібе ўдавы і таксаму ў маёнтку ў Завер’і часта гасціў мастак.

У Каралеўскі замак у Вавелі захоўваецца групавы партрэт «Марыя Мірская, Адам Напалеон Мірскі і Барбара Шумская» (каля 1808) Яна Рустэма, які таксама знаходзіўся ў валоданні Мірскіх, Шумскіх і Лапацінскіх. Партрэтаваныя, у антычных строях, сімвалізуюць музы і Купідона.

Літаратура

• Швед, В. В. Мірскі Станіслаў // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.

Спасылкі

• Станіслаў Мірскі на сайце анлайн-энцыклапедыі «Беларусь у асобах і падзеях»