Стракатка спірэйная

Стракатка спірэйная (Neptis rivularis) — дзённы матылёк з сямейства німфалід.

Стракатка спірэйная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Сямейства:  Німфаліды Падсямейства:  Limenitidinae Трыба:  Neptini Род:  Neptis Від:  Стракатка спірэйная
Міжнародная навуковая назва
Neptis rivularis
Сістэматыка на Віківідах Выявы на Вікісховішчы NCBI   342689 EOL   164932

Выгляд

Ілюстрацыя з «Das kleine Schmetterlingsbuch: Die Tagfalter, Insel-Bücherei», № 213.

Даўжыня пярэдняга крыла імага — 18-29 мм. Верх крылаў ад цёмна-карычневага да чорнага, з мноствам буйных і больш дробных белых плям. Ніз карычневы, з белымі плямамі. Самкі буйней самцоў і нясуць на крылах больш шырокія белыя перавязі.

Распаўсюджанне

Еўразія, Паўднёвая Францыя, Швейцарыя, Паўночная Італія, Аўстрыя, поўнач Балканскага паўвострава, Паўднёва — Усходняя Польшча, Чэхія, Славакія, Усходняя Еўропа, Паўднёвая Сібір, Манголія, Паўночны Кітай, Карэя і Японія.

Спосаб жыцця

Filipendula ulmaria. Батанічная ілюстрацыя Якаба Штурма з кнігі «Deutschlands Flora in Abbildungen», 1796

Біятопы

Даліны рэк і ручаёў, купкі кустоў, узлескі і паляны сярод разрэджаных лісцяных лясоў. У горы падымаецца да вышыні 1300-1500 м над узроўнем мора.

Час лёту

У залежнасці ад сезону і шыраты развіваецца ў адным або ў двух пакаленнях. Першае пакаленне з'яўляецца ў канцы мая і лётае да пачатку ліпеня. Другое пакаленне лётае ў канцы ліпеня і ў жніўні. Самцы праяўляюць тэрытарыяльныя паводзіны, ахоўваючы абраны ўчастак ад іншых самцоў. Матылі рэдка наведваюць кветкі, у асноўным сустракаюцца на вільготнай зямлі ля ручаёў або экскрыментах. Маладыя вусені, нашчадкі другога пакалення, для зімоўкі майструюць з лісця кокан і акукляюцца ў пачатку мая.

Кармавыя расліны вусеняў

Filipendula, у асаблівасці Filipendula ulmaria, бружмель (Lonicera), валжанка звычайная (Aruncus dioicus), спірэя (Spiraea), у асаблівасці Spiraea chamaedryfolia і Spiraea salicifolia.

Падобныя віды ў Еўропе

• Стракатка травяная (Neptis sappho)
• Стужачнік Каміла (Limenitis camilla)
• Limenitis reducta

Заўвагі па ахове

Уключаны ў Чырвоную кнігу Польшчы ў 2001 годзе, ахоўваецца ў Славакіі.